Timable

【最新動向+新歌】Supper Moment 音樂會訪問

作者: Timable, 2017年7月14日 (五) 下午5時37分

YouTube 影片
日前Häagen-Dazs X Supper Moment 盛夏放縱音樂會係銅鑼灣皇室堡開Show!
Supper Moment同Fans們近距離接觸兼大唱新歌,有幸出席嘅小T實在覺得好幸福~
以上一齊嚟重溫當晚片段~

1. 說再見了吧
2. 煩擾中起舞
3. 完美 (新歌: Häagen-Dazs夏日主題曲)
4. 一樣不一樣 (Acoustic Version)
5. 小伙子
6. Encore: 靈感床 (新歌: MV即將推出)

小T推介大家聽聽Acoustic版一樣不一樣!( 9'29'' )
同平時Rock version感覺截然不同,聽起來較柔和,木結他和Sunny聲線十分配合~
感謝Supper Moment 及 Häagen-Dazs 為小T帶來非常幸福的一個晚上 (雖然冇唱幸福之歌) !
係音樂會開始前Timable同Supper Moment進行左訪問,一齊嚟睇睇!

Supper Moment VS Häagen-Dazs
記: 今日呢個活動係由Häagen-Dazs全力支持,首先想問下各位Supper Moment成員平時鍾意食咩口味嘅Häagen-Dazs?

達: 焦糖脆脆!

CK: 焦糖脆脆!

Sunny:我揀綠茶

雞:我揀最新嘅椰子熱情果

達: 咁我揀冧酒提子

雞:雖然我本身Favorite係冧酒提子,不過而家出左隻新味

達:所以我就攞左你個Favorite啦~

記:你地覺得咩口味嘅雪糕可以形容隔離呢位成員?

Sunny : 一睇就知我地4個夾埋就係士多啤梨味啦~士多啤梨雲尼拿 
(Sunny 與達正身穿粉紅T-Shirt;雞與CK身穿白色T-Shirt)

達:呀雞其實就唔係咩味,根本佢個人就係Häagen-Dazs,每日食完飯你都會見到佢攞住Häagen-Dazs

CK:係呀,呢個真嘅!

達:呢個真嘅,唔係為左呢個活動先咁講~

Sunny:佢有時會買杯裝,有時會買有兩塊餅夾住個隻 (脆皮三文治),個隻好好食~

雞:呀達就應該係菠蘿味!因為佢鍾意食菠蘿鍾意到一個地步,係個鼓後面佢都要擺菠蘿嘅飾物係到,所以佢一定係菠蘿味~

CK:我同Sunny都係士多啤梨蘋果橙~


記:頭先講今日Supper Moment就係士多啤梨,如果平時嘅Supper Moment,邊個口味雪糕最可以代表到你地?

Sunny:咁岩今日就係士多啤梨加雲尼拿姐,如果可以揀的話,會係芥辣加苦瓜再加士多啤梨再加朱古力~因為我地歌嘅內容都係乜都有

達:即係甜酸苦辣乜都有,可以四球架~


又酸又甜 搞笑慶生
記:今次Häagen-Dazs推出嘅新口味用咗印尼椰子奶油白色雪糕夾著橙黃色南美熱情果果醬,味道一酸一甜,Supper Moment 11年嚟最深刻「又酸又甜」嘅Moment係幾時?

CK:其實每年生日都會買蛋糕同對方慶祝,咁點樣又酸又甜呢,其實係又酸又甜又咸乜都有,我就鍾意食乳豬嘅,佢地會買乳豬蛋糕俾我, 呀雞就係雪糕味蛋糕~

Sunny:即係雪糕蛋糕~ 我就鐘意食甜嘢,所以就係雪糕或者蛋糕Either One

CK: 呀達你估唔估到係咩? 生蠔蛋糕~

Sunny: 咁佢一定要落啲檸檬汁架嘛,所以就有酸啦

達:咸都有

CK: 真係我地年年生日個個都一定會做啲嘢,你睇番我地啲相就可以見到乳豬~

達:仲有炸雞,我地個陣係上海!有冇聽過?我地用啲炸雞,類似台灣鹽酥雞,拎嚟砌,一層一層好似Cupcake咁,跟住就咁插支蠟燭推出嚟,幾有誠意~~


記:Supper Moment特意為Häagen-Dazs創作出獨一無二的夏日主題曲,今次呢首夏日主題曲嘅創作靈感係點嚟?想透過呢首歌帶出咩訊息?

Sunny:其實今日呢個Event都有好Chill好夏日嘅感覺,所以係寫呢首歌嘅時候其實寫左Chrous先,咁Chorus其實係冇歌詞嘅,但最後我地覺得夏天係應該同一班朋友一齊過,冇左一班朋友其實唔成事,所以最後加左句歌詞係"My life completes with you",就算Häagen-Dazs又好,朋友又好,希望大家聽完都係會同朋友一齊過夏天~


進行中的未來
記: Supper Moment 踏入第11年,嚟緊下半年有咩搞作?

Sunny:嚟緊其實今日已經有新搞作,好開心今日轆開Instagram或者Facebook都見到有人Share左我地一首新歌,但我地仲未發佈MV嘅,擺左係JOOX平台上首播,入面嘅畫你會見到我地四個人樣甚至成個Graphic都係用木顏色畫,我地搵左一個我地好鍾意嘅插畫師 Dylis,就問左佢會唔會參與係呢首歌Project入面,包括MV,佢亦一口應承左,嚟緊MV會第一次有插畫同Animation一齊做,呢個係我地嘅第一次,件事係得意嘅,首歌叫「靈感床」!

記:好,我地同其他Fans都會期待~

相關事件

「夏日色彩派對」@ 赤柱廣場

8月18日-19日 下午2時 (7小時)

@ 赤柱廣場 天幕廣場

領展赤柱廣場於今個仲夏大玩色彩格調,為大家帶來充滿繽紛顏色的正能量夏日。屆時,場內將 以藝術、音樂、健美、休閒、環保、寵物及美食等打造成 8 大色調的玩樂專區,讓大家不用飛...

起哄音樂節

8月24日-25日 下午8時 (3小時)

@ 九龍灣國際展貿中心 3/F 匯星STAR HALL

啟航娛樂自成立以來,本著為觀眾提供更多優質的娛樂體驗,一直致力於創作各種盛事,今年更舉行「起哄音樂節」,希望廣大觀眾,特別年輕人,可以從現場音樂中釋放情緒,從各樂隊和歌...

小呼叫音樂節 2018 香港站

9月29日 (六) 下午3時 (8小時)

@ TTN This Town Needs

呼叫限時盲鳥票 HKD 400 現已開售! 8 小時馬拉松式室內音樂節 8 組台灣獨立音樂單位 演出陣容將於 9 月 1 日開始陸續公布。

更多相關事件
上一篇網誌

從不高調的真.天后 - 劉美君

2017年7月13日 (四) 下午2時14分

實力天后劉美君一向低調,對年輕一輩來講,較深印象的應該就是幾年之前主持電視節目《超級巨聲》,當中不乏天后級示範。其實由80年代開始,Prudence一直在做默默音樂,08年更首次在紅館...

下一篇網誌

美少女轉身變~已變成…3D夜光八達通!

2017年7月19日 (三) 下午12時07分

根據非正式統計,超過80%妹豬對於美少女戰士嘅精品係完全冇抵抗能力,包括女小T自己,啲魔法棒呀、公仔呀,已經放到一櫃都係……不過今次要介紹嘅美少女戰士商品唔單止唔會畀阿媽鬧...

留言