Timable

唔使去日本!元朗大棠以外的紅葉觀賞熱點

作者: Timable, 2017年10月26日 (四) 下午4時37分

最近打開ig同facebook,都見到好多朋友洗板post紅葉相…呢個喺韓國南怡島,嗰個就喺日本河口湖……得喇,知你哋又有假又有錢喇!其實唔使搭飛機,香港都有好多紅葉觀賞地方㗎!大約11月中旬至12月開始,香港嘅紅葉就會開始變色,一於mark低以下地方,到時約埋朋友去睇啦~

嘉道理農場暨植物園
位於大埔嘅嘉道理農場環境清幽。喺上山區度有九條生態徑,畀您遊歷於田野山林之間,抬頭望仲可能會發現到紅葉嘅蹤影添!

圖片來源:嘉道理農場暨植物園

流水響
位於八仙嶺郊野公園範圍內嘅流水響憑住一排排列齊整嘅白千層同水塘美景而聞名。一到秋天,成排白千層就會掛上紅葉,真係好似仙境咁呀!

圖片來源:instagram/@流水響水塘

青衣公園
青衣公園面積廣闊,入面仲有個人工湖,湖邊種咗十數棵落羽杉同水松,轉季變紅葉嘅時候場面都真係幾壯觀㗎!


圖片來源:小T個朋友

中大末圓湖
未圓湖位於香港中文大學崇基學院內,夾於眾志堂(崇基膳堂)和嶺南體育場之間。湖畔亦都種有落羽杉,驟眼睇仲以為身處外國呀!


圖片來源:都係小T個朋友

最後都係要提提大家,就算去邊度賞紅葉都好,記住要愛惜大自然,唔好隨處掉垃圾,更加唔好為呃like而做出破壞大自然嘅事呀!
上一篇網誌

少女心大發!:CHOCOOLATE x Alice in Wonderland聯乘系列

2017年10月12日 (四) 下午4時

「愛麗絲夢遊仙境」一向受到女生追捧,推出嘅產品夢幻又精緻,所以每次都大受歡迎!最近時裝品牌:CHOCOOLATE 就同 Alice in Wonderland推出聯乘系列,款款都好靚呀! 是次系列以:CHOCOOLATE常用嘅...

下一篇網誌

《小井胡同》復出江湖 萬梓良︰以演出報答40年恩師

2017年10月27日 (五) 下午12時48分

當年憑電影《賭俠大戰拉斯維加斯》 一句「阻人XX要燒XX」被網民不斷回帶嘅萬梓良(萬子哥)最近重出江湖,今次Peter朱唔使出火,演出King Sir(鍾景輝)新作舞台劇《小井胡同》依然老馬有...

留言