Timable

唔使摸門釘! 連鎖食店新春營業時間

作者: Timable, 2月13日 (二) 下午1時10分

新年期間普天同慶,唔少食店都齊齊放大假,唔想煮飯可以點算好?
即刻睇下呢幾間大家成日食嘅連鎖食店嘅新年營業時間啦!


翠華餐廳
屋企附近有冇翠華? 如果有就唔怕搵唔到食啦~ 因為翠華係新春期間將會照常營業。


太興餐廳
大家如果初一想食燒味要晏少少啦~ 太興全線分店年初一中午12點啟市,年初二起照常營業。



譚仔雲南米線

譚仔迷要忍一忍啦,除左4間指定分店之外,所有分店都會由年三十(15/2)休息放假到年初四(19/2),到年初五(20/2)先正式啟市;而葵芳好爵中心、沙田偉華、旺角豉油街同埋將軍澳新都城分店,就會淨係年初一 (16/2) 休息,年三十、初二、初三同初四都會照常營業。

指定分店地址:
葵芳葵義路2-10號好爵中心地下49-54號舖
沙田正街11-17號偉華中心商場地下5A-5D號舖
旺角豉油街50號富達大廈1/F SHOP B
將軍澳新都城第三期 2/F SHOP 216-219號舖



譚仔三哥米線

年三十晚 (15/2),譚仔三哥大部份分店都會停止營業,只有元朗形點和機場照常營業。

而農曆新年期間年初一至初四 (16/2-19/2) 大部分分店暫停營業,只有三間分店正常營業:機場分店、元朗形點2期分店、九龍灣德福分店; 另外九龍塘又一城分店都會開門,營業時間為11:00 - 22:10

另外因農曆新年佳節期間,三哥將收取加一服務費(總金額為四捨五入去計算),



南記粉麵
譚仔同三哥都唔開,世界末日呀! 不怕~~ 南記雖年三十晚會收5:50pm, 初一休市,但初二就已經啟市,大家初二起有米線食啦~~



大家樂

大部份大家樂分店於新春期間仍會照常營業,但部分分店嘅營業時間或有不同,大家可以直接Inbox大家樂 Facebook Page查詢指定分店開幾點。



美心MX
大部份美心MX分店於新春期間仍會照常營業,但大會堂同香港站分店會於初一休息,唔好去錯啦~


吉野家
除左指定分店例如觀塘成業街同灣仔新鴻基中心,新春期間大部份吉野家分店都會營業,大家可以照食「吉邊」!但初一同初二好多分店營業時間會推遲,詳細大家可以參考:https://goo.gl/cvhLbX
上一篇網誌

心思取勝!自製簡單搞鬼情人節心意卡提案

2月12日 (一) 下午6時34分

仲有兩日就到情人節,相信大家都已經準備好禮物畀另一半喇!而送禮嘅時候附上一張自製心意卡,會畀人覺得好有心思,加好多分㗎!不過女小T都知道,手作呢啲嘢都好考天份嘅~如果你...

下一篇網誌

去街街注意!年三十晚特別交通運輸安排

2月13日 (二) 下午3時22分

終於收爐喇!年三十晚食完團年飯,都係要去行下年宵花市,咁先有新年氣氛嘅!小T就幫大家搵咗年三十晚嘅特別交通運輸安排,想去行大運嘅就記住留意返喇~ 封路及巴士小巴改道安排 由...

留言