Timable

Avengers 3 我嚟啦!無劇透「無限寶石」懶人包

作者: Timable, 4月24日 (二) 下午1時31分

聽日!聽日就喺啦!身為Marvel超級fans,相信大家都同小T一樣等咗好耐好耐。雖然今次牽涉到好多舊有劇情,但你又知唔知究竟無限寶石係乜東東呢?

今次小T就同大家嚟個整合啦~

喺電影版,六粒無限寶石來自於宇宙大爆炸前六個奇點 (詳情請觀看《銀河守護隊》)。今集大反派Thanos就想集齊六粒寶石後擁有超越神級嘅力量嚟消滅宇宙一半人口~

空間寶石 (Space Stone)

相信大家一定最熟悉呢粒藍色嘅空間寶石啦~ 佢能夠將物體任意移動到任何空間,曾經出現於《雷神索爾》、《美國隊長》以及《復仇者聯盟》,最後喺《雷神索爾3:諸神黃昏》比洛基偷偷帶走。

靈魂寶石 (Soul Stone)


呢粒擁有可以操控靈魂嘅寶石喺今集嘅關鍵!因為佢除左喺《銀河守護隊》中收藏者介紹無限寶石嘅螢幕上出現過之外,並未實際出現於任何Marvel系列電影上!!小T都好想知佢喺邊呀!

現實寶石 (Reality Stone)

呢粒紅色嘅寶石可以令到世上所有物質瞬間黑暗化,首次出現於《雷神索爾2:黑暗世界》。雖然佢最後被存放於「收藏者」的博物館內,但《銀河守護隊》中博物館因劇情發生爆炸而暫時下落不明。


時間寶石 (Time Stone)

呈綠色嘅時間寶石存放於「阿迦莫多之眼」頸鍊內,可以令人穿梭於過去未來。首次出現於電影《奇異博士》,目前被奇異博士存放於尼泊爾卡瑪泰姬至聖所圖書館。


力量寶石 (Power Stone)

喺《銀河守護隊》入面爭餐死就係呢粒紫色嘅力量寶石。佢可以令使用者輕易操控任何形式嘅力量。現時被柴達星嘅「新星軍團」保管。

心靈寶石 (Mind Stone)

黃色嘅心靈寶石首次出現於電影《復仇者聯盟》,可以用來控制人嘅心志,提升同賦予使用者無限智慧,現時被放於幻視額頭上,同時亦成為佢生命嘅來源。


快d share比人,齊齊ready睇Avengers 3啦!!
上一篇網誌

歌迷福音 X 世紀筍工: 紅館請兼職合約帶位員

4月13日 (五) 下午2時04分

職位名稱 兼職合約帶位員 (香港體育館) 時薪 HK$ 52 入職條件 (a) 香港中學文憑考試或香港中學會考中國語文科和英國語文科達第2級或以上成績,並另有三科成績達第2級/E級或以上,或具同等...

下一篇網誌

日本吉卜力主題公園 首度公開五大園區預想圖

4月27日 (五) 下午5時24分

萬眾期待嘅日本吉卜力主題公園雖然要等到2022年先開幕,但官方最近就釋出咗5大園區嘅預想圖。就咁睇啲圖好似電影入面嘅場景,好期待呀! 1. 青春之丘區 青春之丘區會以改裝「愛・地球...

留言