Timable

李克勤 x 周國賢 x AGA拉闊音樂會 三代音樂人同台對唱

作者: Timable, 4月29日 (日) 下午1時45分

李克勤,高音低音震音完全無難度,縱橫樂壇三十年,橫掃無數金曲獎項,《紅日》、《月半小夜曲》等入屋之作無人不曉。周國賢,由當年走過《地下街》同《目黑》的金毛日系band仔,出走後浸出一陣佬味化身爆肌爸爸,不變的唯有一支結他。江海伽(AGA),新一代唱作女歌手,大熱作品《一加一》、《3am》24小時快餐店熱播。三個名字,三種風格,看似大纜扯唔埋,今年六月,三人將聚首《THE TRIO 仨》拉闊音樂會,台上台下,三代歌手又會擦出怎樣的火花?

鍾情日本音樂 周仔AGA結下不解緣

周國賢(周仔)早年負笈日本修讀美術,操流利日語的周仔,由當年《地下街》、《目黑》、《雪國》開始,創作上不論立意、編曲、歌詞、MV亦富有日本風情,其新作《在天之靈》mv由日本班底一手包辦,營造一種荒涼的唯美。無獨有偶,AGA創作的《3AM》為廣東歌少見的R&B曲風,編曲亦由日本人包辦,教人聯想到當年紅極一時的青山黛瑪,新歌《無期》mv亦遠赴北海道取景。周仔指,AGA的創作很有詩意,猶如描寫日本的季節,「Melody 好有日本除(味道)……開頭唔知,覺得好熟,後來捉到套路。」在傾談之間,周仔發現二人都鍾情日本音樂,尤其是玉置浩二,「原來係soul family,彼此connect到」。


周仔與AGA音樂上惺惺相惜,在訪問期間不斷互笠高帽,如周仔笑指跑步時聽AGA《Hello》的鋼琴版本,腦海中想像到畫面,濕了眼眶,更稱他跑步時衣衫盡濕,耳洞裡也濕得把耳機滑出來,「為咗聽AGA嘅歌買咗新耳機。」AGA亦欣賞周仔的《Children Song》、《在天之靈》,除了music break扣人心弦,她尤其讚賞後者主題很靈性很抽象,但歌詞仍能扣連現實,如教育制度、社交媒體,教人意想不及。周仔即駁道︰「咁你係讚緊阿Y喎!(填詞的黃偉文)」場面惹笑。

《無期》劇場版首合作 周︰有少少王家衛感覺

今次AGA聯同周仔譜出《無期》全新劇場版本,AGA淒美繾綣的歌聲,配上周仔沉穩磁性的獨白,獲得廣泛好評。林若寧的歌詞意境富有季節性,與林夕《約定》、《暗湧》的意境一脈相承,似向王菲致敬,周仔笑言他的劇場版獨白很有電影感︰「唔係話自己似梁朝偉,但有少少王家衛感覺。」AGA大讚他聲線十分攝人,周仔曾笑道︰「錄音前一晚食辣嘢搞皺咗把聲!」


二人雖屬同一唱片公司,但在《無期》之前未曾有公開的合作機會,今次拉闊音樂會上是二人的首個同台演出。周仔希望當晚有更多crossover,如演繹、改編對方的音樂,因二人的作品都甚具季節性,如《赤城千葉》、《無期》等。

首度與克勤同台 獻龍鬚糖贈靚鮑

克勤入行多年,不少歌曲家傳戶曉,周仔亦坦言聽他的歌長大,「正常版惡搞版都識唱!」早前周仔為克勤寫下《龍鬚糖》一曲,合作時發現這位前輩敬業樂業的一面︰「唔會話自己個style係咁就唔想郁,仲問可唔可以試下啲嘈啲rock啲嘅曲風,會challenge返作曲人。」大讚對方是勇於嘗試,不畏求變的歌手,自言要向他學習。AGA指此曲勾起不少童年回憶,曲風亦帶點搖滾,不像是克勤一貫風格,非常驚喜。


《THE TRIO 仨》拉闊音樂會將於六月中在會展演出,採排將會密鑼緊鼓,被問到兩位後輩會如何孝敬前輩,家中從事海味生意的周仔就抽自己水,笑稱要向克勤送上矜貴的「鑽石牌BB鮑魚」,因他曾創作《鮑魚三寶賀新春》等搞笑歌曲宣傳家族生意。食完鮑魚,AGA就稱要送龍鬚糖作飯後甜品,非常貼題!

文︰Jade Chung
相關事件

李克勤 x 周國賢 x AGA《THE TRIO 仨》拉闊音樂會

6月12日 (二) 下午8時15分 (3小時)

@ 香港會議展覽中心 Hall5BC

最意想不到嘅配搭,由2018第一場拉闊帶俾你! 李克勤、周國賢、AGA,三個人於六月即將同台,演出《拉闊音樂會 THE TRIO 仨》!仨人不同風格,音樂上可以有幾夾? 佢哋三位性格曲風大不同...

許廷鏗 紅館演唱會 2019

2019年3月24日-25日 下午8時15分 (3小時)

@ 香港體育館 (紅館)

許廷鏗 (Alfred) 日前喺旺角麥花臣開咗場KKBox Live音樂會,己段時佢同觀眾透露2019年3月會喺紅館開處男個唱!Alfred BB講得激動仲喊埋出嚟添~咁又難怪嘅,開紅館係每一個歌手嘅夢想,終於可...

林奕匡 演唱會 2018

11月3日 (六) 下午8時15分 (2小時30分鐘)

@ 九龍灣國際展貿中心 匯星

阿Phil 6月開完音樂會,好夠喉咁話喎,所以11月又會開多一場!正呀喂~ 聽阿框框豬唱歌玩樂器,聽幾多都唔夠啦~

王菀之《下北沢的北極光》音樂會 2018

8月30日-31日 下午8時15分 (2小時15分鐘)

@ 麥花臣場館

聽的是Nick Drake、Massive attack和Bjork,寫的是天堂有路、月亮説、迷失藝術和沉默的士高,旅行真的給我很多創作靈感 (⌒▽⌒) 這是一個充滿音樂的旅遊紀錄,和大家分享⭐️~ -摘自王菀之Inst...

更多相關事件
上一篇網誌

日本吉卜力主題公園 首度公開五大園區預想圖

4月27日 (五) 下午5時24分

萬眾期待嘅日本吉卜力主題公園雖然要等到2022年先開幕,但官方最近就釋出咗5大園區嘅預想圖。就咁睇啲圖好似電影入面嘅場景,好期待呀! 1. 青春之丘區 青春之丘區會以改裝「愛・地球...

下一篇網誌

一年一度!母親節搵食攻略

4月30日 (一) 下午1時06分

過多兩星期就母親節,雖然家中嘅母親大人會同你講唔好哂錢,但小T絕對相信佢地心入面都想一家人齊齊食飯慶祝嘅,加上一年一次,你地識做啦~ 以下整理咗五間母親節主題好西俾孝子們...

留言