Timable

【週末好去處】同朋友去邊到Hea好?週末8大行程推介#2

作者: Timable, 7月19日 (四) 下午4時13分


望吓今個星期六日嘅日程表~好似幾Full咁喎!雖然天氣仲係麻麻,不過連假期都屈係屋企好似仲辛苦。趁假期不妨同朋友出去睇吓展覽/聽下音樂會,之後再去蘭桂坊個美食節掃街就啱哂啦!即睇今個星期有咩行程~


【星期六(7/21)】


《加菲貓》可以話係唔少人嘅回憶,適逢佢40歲生日,尖沙咀一大型商場就同《加菲貓》Jim Davis一齊搞咗亞洲首個《加菲貓》漫畫、藝術跨界聯展~場內除咗有唔少打卡位,仲有呢40年嘅經典作品原畫同手稿,仲有《加菲貓》嘅「進化圖」睇添!

【Glamorous 40: Garfield’s Asia Art Tour】加菲貓漫畫x藝術跨界聯展(柯士甸)
時間:上午10時 ‑ 下午10時
詳情:https://timable.com/event/1658511


行遠少少~又有另一個商場展覽。冇錯!就係大家期待已久嘅Sailor Moon限定店啦!
美少女戰士相信係唔少8/90後嘅童年回憶~最近佢地頻頻係日本推出限定商品,今次終於輪到香港!美戰迷一定唔可以錯過啦~

「Sailor Moon 月光傳說」場景佈置及期間限定店(尖沙咀)
時間:上午11時30分 ‑ 下午7時30分
詳情:https://timable.com/event/1667876

行咗一陣覺得攰,又係時候同好姐妹去High Tea~韓國嘅美妝品牌VDL最近就同皇家太平洋酒店合作~推出超夢幻嘅Tea Set。一邊傾計,一邊望住個維港嘆美食~食完仲有免費化妝品拎走!週末就係要咁樣先爽嘛。

皇家太平洋酒店 X VDL 「夏日限定Glam me Up下午茶」(尖沙咀)
時間:下午3時 ‑ 5時30分
詳情:https://timable.com/event/1670539

音樂會唔一定要去紅館/文化中心嘅~最近唔少商場都搞多咗呢類型嘅Busking Event,今個星期嘅Gimme LiVe就有Gin Lee,Robynn & Kendy同麥家瑜等六個表演單位。


【Gimme LiVe】 音樂節 2018(尖沙咀)
時間:下午6時30分 ‑ 7時30分
詳情:https://timable.com/event/1653453

一年一度嘅書展當然要去湊下熱鬧啦!不過小編就推介大家去夜場,一來食完晚飯可以當散步,二來夜場比日場少人咁多,行都行得舒服啲啦?

香港書展2018 [第29屆]
時間:上午10時 ‑ 半夜
詳情:https://timable.com/event/1574523

【星期日(7/22)】

今個週末天氣似乎比上星期好~所以都要把握機會出室外行下。今個星期赤柱美利樓繼續有週末市集,除咗賣一般嘅手作同護膚品,仲有啱哂你隻寶貝寵物嘅小食、衫衫同埋攝影服務添!有寵物嘅朋友不妨去行下,順便再去赤柱泳灘休息下。

寵人寵物夏日市集(南區)
時間:下午1時 ‑ 8時
詳情:https://timable.com/event/1644811


除咗赤柱泳灘~附近淺水灣都有活動喎!參加者只要係「可口可樂」冰樽攤位接受「冰鎮俄羅斯方塊」遊戲挑戰,成功砌出「可口可樂」冰樽圖案就有機會贏得限量版嘅「可口可樂」冰樽乙支。

「可口可樂」冰樽首次登陸香港(南區)
時間:下午2時 ‑ 6時
詳情:https://timable.com/event/1670463

繼《公司感謝你》之後,又有一套以辦公室為題材嘅舞台劇~今次個故事係講三位員工準備要同上司會面,而佢地其中一人將會被炒魷魚。三個人究竟點樣說服上司唔好炒佢,當中又有幾多爾虞我詐、利益鬥爭(唔係宮心計果種)?想知就要入場睇啦!


《職業狂牛》設計對白(灣仔)
時間:下午3時 ‑ 4時20分
詳情:https://timable.com/event/1659607


假期最後一日~當然要趁機會瘋一場!今年嘅音樂啤酒節,蘭桂坊就有超過40個攤位提供超過200款唔同口味嘅啤酒、美食同埋其他互動遊戲。留意佢地今年仲參與咗「玻璃回收建明天」計劃~啤完之後記得拎個樽去回收啦!

蘭桂坊音樂啤酒節 2018(中環)
時間:下午1時 ‑ 11時55分
詳情:https://timable.com/event/1630506
上一篇網誌

為咗$2可以去到幾盡? 全港「港鐵特惠站」邊個最抵玩?

7月18日 (三) 下午6時27分

$2可以做得啲乜?學劉鳴煒咁講,去少幾次日本就買到樓,所以$2慳慳埋埋,加埋車費回贈,分分鐘可以去返轉日本。打工仔咁辛苦,都係為咗離開香港啫。不過「港鐵特惠站」咁多,小編就...

下一篇網誌

【放低功課喇】帶小朋友去放電!週末7大親子活動推介

7月26日 (四) 下午2時08分

暑假已經差唔多過咗一半~係時候帶小朋友放低功課同iPad,出去開開心心放下電喇!今個週末有唔少親子活動(室內室外都有)~非常適合一家大細一齊玩,有啲仲啱出生無耐嘅BB參加㗎!即...

留言