Timable

除夕倒數好去處 2019

author: Timable, 14 Dec 2018 (Fri) 6:24pm


眨下眼一年又過去,今年好似發生咗好多大事,但已經成為過去啦!新一年就要向前望,所以小T同大家睇定倒數有咩好去處~

香港除夕倒數煙火匯演2019


倒數睇煙花是常識吧!地點都係維港啦,都係咁多人嘅海旁度逼啦,但仲有力氣去逼代表你仲係好後生呀係咪!今年仲有四色嘅「許願流星」煙火呀!

詳情:https://timable.com/event/1723322

天際100 2019年跨年倒數煙花派對


如果又想睇煙花但又唔想逼,可以考慮買Sky 100嘅跨年倒數煙火套票。除咗有煙花睇之外,今年Sky 100仲請咗爵士樂隊同嚟自加拿大嘅唱作歌手Lisa Melfi作現場演奏,同大家一齊倒數!

詳情:https://timable.com/event/1739793

ICC聲光耀維港 除夕倒數


唔想睇煙花嘅,咁燈光show又啱唔啱呢?ICC聲光耀維港早排換咗新一輯燈光音樂表演─「音樂遊蹤」,而除夕倒數當日亦會有特備燈光節目呀!大家可以去中環國際金融中心商場 (ifc mall) P3及P4公眾露天平台觀賞。

詳情:https://timable.com/event/1743728

「CHEERS TO 2019 倒數派對」@東港城


除咗室外倒數活動,有唔少商場都搵咗唔同嘅明星同大家一齊跨年㗎!東港城就搵嚟鄭秀文Sammi首次參與商場倒數活動,聯同劉浩龍(師兄)、菊梓喬(Hana)、譚嘉儀、 簡淑儀、鄺潔楹及丁子朗一齊同大家玩遊戲迎接新一年呀!

詳情:https://timable.com/event/1741859

「Alice & Friends除夕夢幻倒數狂歡派對」@ 新城市廣場


新城市廣場就有努力搵奶粉錢嘅陳柏宇(Jason)、休團後以個人發展嘅C AllStar成員梁釗峰、陳健安同埋有ToNick呀!如果你叫Alice嘅話,仲可以換領VIP貴賓最佳欣賞專區入場證2張。

詳情:https://timable.com/event/1743931

「除夕倒數2019大派對」@荷里活廣場


有型男爸爸陳豪同一眾TVB藝人,包括王浩信、唐詩、余德丞、吳偉豪、姜麗文、唱家班大孖周志文同「是咁的」林景程出席跨年騷,唱歌俾大家聽!

「最炫MOSTown跨年之夜2019」@MOSTown新港城中心


崔宇植將會首度強勢襲港,與全港粉絲一同迎接新一年。為答謝香港粉絲的支持,崔宇植將秘密苦練廣東話與香港粉絲溝通,更會在現場大玩甜蜜遊戲!同場更會有準媽媽陳凱琳及三位女神龔嘉欣、譚凱琪及陳庭欣助陣,與現場觀眾齊齊開心迎接2019!

文:NC
last blog

麥當勞甜品站「甜麥麥.阿華田」新地甜品系列大熱回歸!

13 Dec 2018 (Thu) 5:11pm

終於等到啦!深受大家歡迎的阿華田®新地甜品系列再度降臨麥當勞甜品站,再度引爆連串脆脆滋味驚喜!12月13日起,麥當勞甜品站為你呈獻期間限定「甜麥麥. 阿華田」新地甜品系列。「阿...

next blog

太空版屍殺列車?科幻主題VR game《星際浩刧》

14 Dec 2018 (Fri) 6:39pm

CyberX VR係香港首間大空間VR館,提供兩隻VR game,分別係第一人稱射擊遊戲《利刃出鞘》,即係食雞,同埋《星際浩刧》。《利刃出鞘》早前小T已經介紹過啦(傳送門:https://timable.com/blog/1709691 )...

comments (1)