Timable

Bookmark定!2019年港九新界年宵花市大晒冷!

author: Timable, 8 Jan (Tue) 6:26pm


啱啱倒數完過新年無耐,話咁快就要準備過農曆新年啦!今年政府年宵會由30號開始想知今年除咗維園年宵之外,仲有咩年宵好行,可以辦年貨,記得bookmark定,小T會keep住更新大家!




港島區:
港島區最大年宵一定係維園嗰個,大家一齊去人逼人啦!

1.維多利亞公園
前往辦法:港鐵銅鑼灣站E出口,沿記利佐治街步行往公園;或港鐵天后站A2出口左轉。

詳情:https://timable.com/event/1746224




九龍區:
九龍區年宵就多啲地點,包括界限街花墟公園、長沙灣遊樂場、樂富摩士公園3號及觀塘翠屏道遊樂場。

1.界限街花墟公園
前往辦法:港鐵旺角東站D出口,帝京酒店後面向北走;或港鐵太子站A出口,沿彌敦道向北走,至界限街右轉,再步行約5分鐘至鐵路橋墩附近,左方可見花墟公園。

2.長沙灣遊樂場
前往辦法:港鐵長沙灣站B出口。

3.黃大仙摩士公園3號
前往辦法:港鐵樂富站A出口,經匯富坊至鳳舞街。

4.觀塘遊樂場
前往辦法:港鐵觀塘站D4出口沿觀塘道行,直至翠屏道交界。

詳情:https://timable.com/event/1746201

除咗政府嘅年宵花市,九龍區仲有其它團體搞嘅年宵。
好似呢個「送狗迎豬」G.O. Market 年宵市集,大家可以行一個文青式年宵~

詳情:https://timable.com/event/1750035


想喺室內行年宵都有好選擇!新蒲崗Mikiki商場就以「型」新春為題舉辦特色市集,仲搵埋設計「勁揪體」嘅本地設計師寫咗祝賀句同畫咗四款活潑小豬~大家到時可以打埋卡呀!

詳情:https://timable.com/event/1757169



新界區:
新界咁大就當然冇可能得一個年宵啦!


新界西:
新界西嘅年宵市場包括荃灣沙咀道遊樂場、葵芳葵涌運動場、屯門天后廟廣場同元朗東頭工業區遊樂場。

1.荃灣沙咀道遊樂場
前往辦法:港鐵荃灣站,沿大河水走;或荃灣西站,經荃灣大會堂。

2.葵青葵涌運動場
前往辦法:港鐵葵芳站E出口,新都會廣場後面。

3.屯門天后廟廣場
前往辦法:港鐵屯門站A出口,沿杯渡路休憩公園南行;或輕鐵青雲站 (路綫 610, 615, 615P)。

4.元朗東頭工業區遊樂場
前往辦法:港鐵朗屏站F出口,經宏業南街及宏業東街。

詳情:https://timable.com/event/1746200


新界西仲有呢個專屬小朋友嘅「小人國」花市。花市有超過30個專屬小朋友的年宵攤位,而且會以代幣消費,俾佢哋學習理財。

詳情:https://timable.com/event/1751446

另外,新界西仲有商場搞嘅室內大型新春年宵-「甜蜜賀新春」年宵 ,可以搵到世界各地的特色美食。

詳情:https://timable.com/event/1754514


新界東:
新界東就有五個年宵,包括上水石湖墟遊樂場、大埔天后宮風水廣場、沙田源禾遊樂場、西貢萬宜遊樂場同將軍澳寶康公園。

1.上水石湖墟遊樂場
前往辦法:港鐵上水站A4出口,上水廣場後面,經新發街

2.大埔天后宮風水廣場
前往辦法:港鐵太和站,經太和邨,沿汀角路北行;或港鐵大埔墟站,轉乘20A, 20B, 20C或20K小巴。

3.沙田源禾遊樂場
前往辦法:港鐵沙田站,經新城市廣場,沿源禾路向東北行;或於沙田站轉乘60K小巴;或於旺角乘坐61S小巴。

4.西貢萬宜遊樂場
前往辦法:位於西貢市中心,西貢街市附近;於彩虹地鐵站C2出口轉乘1A/1M小巴往西貢;或於旺角登打士街乘紅色小巴。

5.將軍澳寶康公園
前往辦法:港鐵寶琳站B2出口,經新都城一期,沿運隆路南行。

詳情:https://timable.com/event/1746193


行得多傳統年宵都悶啦,所以將軍澳有商場舉行大型日本職人新春祭り市集,等大家可以體驗日本新春嘅感覺!

詳情:https://timable.com/event/1751990
影片介紹:https://www.facebook.com/timable.hk/posts/2250763278287254


而支持環保嘅你就可以去走塑市集辦年貨啦,呢個市集希望大家裸買過年食品用品,過年同時亦不忘環保。
詳情:https://timable.com/event/1740911




離島區:
離島區年宵依然喺東涌達東路花園,係大嶼山唯一的年宵花市。

1.東涌達東路花園
前往辦法:港鐵東涌站A出口,往西南朝慶東街前進,於慶東街向左轉,後於達東路向左轉,花市入口將在右邊。

詳情:https://timable.com/event/1746225

小T會持續更新2019年年宵花市,大家記得bookmark呀!
新春活動+打卡點睇呢度:https://bit.ly/2SNefbT

文:NC
related events

「蘇.媽 Market」盛夏市集

31 Aug (Sat) 10am (6hr 30min)

@ 香港基督教青年會 西九龍耀信發展學習中心

『蘇‧媽』Market 又黎啦! 今年 8月,『蘇‧媽』Market 將以「盛夏」作為市集主題,正所謂夏日熱辣辣 好熱 好熱 你地又會諗到啲咩呢?!諗唔到都唔緊要, 咁就不如黎我地個盛夏市集行下啦...

「夏日生活節」@麗港城

20 - 23 Jun 11am (9hr)

@ 麗港城商場

今年 6 月,Market Fairish 將會於麗港城舉辦一連四天「夏日生活節」,今次活動將集結城中最 TOP 嘅夏日手作及獨立品牌、健康美食、手工美容護理產品、精品等,屆時除特色攤檔外,仲有免費...

「小小檔主大責任」親子市集

23 Jun (Sun) 11am (7hr)

@ 九號水產

九號水產聯同果子夢於6月23日再舉辦「小小檔主大責任 - 親子市集」,讓小朋友體驗真實的市場環境,就算大細路都一樣可以參加。 同場更準備左一連串開心精彩的活動,包括「小店員大體...

more related events
last blog

Starbucks推新春小豬及情人節系列

3 Jan (Thu) 1:49pm

星巴克為將佳節氣氛延續至新春及情人節,率先呈獻新春小豬系列及情人節系列,分享節日祝福。新春小豬系列以象徵好運的紅色和充滿喜慶的粉紅色為主調,配搭趣緻可愛的小豬元素,與您...

next blog

全球首個大富翁主題館 即將登陸香港!

9 Jan (Wed) 11:24am

全球知名遊戲《大富翁》(MONOPOLY),即將於今年第三季來到香港,於香港山頂廣場開設全球首個主題館「大富翁夢想世界TM」!「大富翁夢想世界TM」主題館室內外佔地二萬呎,為了令大家彷如...

comments