Timable

成功爭取!艾粒4月紅館激戰!

author: Timable, 8 Mar (Fri) 11:04am


華仔早前流感失聲,紅館開show時一度哽咽,個唱被迫腰斬,申請年尾補飛失敗,無數fans傷心欲絕。另一邊廂,本港騎呢系二人男子天團I Love You Boy’z(艾粒)宣布,成功爭取4月紅館首場演唱會,佢哋笑言要請華仔做嘉賓!今年出道17周年,唔知艾粒喺台上又會帶畀fans咩驚喜呢?

一個叫浦銘心,一個叫董哲

艾粒成軍17年,熱茶會冷,曲奇會碎,每隊組合總有不和傳聞。被問到艾粒係咪扮friend,阿占大爆其實眼前見到並非事實。「其實我地係一路有個劇本,有一team編劇寫緊,我哋唔係真人,係演繹緊個故事。」阿奴話︰「我真名叫浦銘心。」占︰「我真名叫董哲,我哋幕後班人叫藍定寧。」奴說︰「故事主要講個女人好麻煩,然後寫咗隻唱片。」一個阿占一個阿奴,抽乾阿Kay同Juno。

今年吒咤,古天樂勇奪我最喜愛的男歌手,反應兩極。幾時到艾粒?艾粒不以為然︰「男歌手、女歌手、組合,喺小眾討論區已經拎曬!」「……討論區得三個人。」聽落唔太恨攞獎,占奴仲話︰「現今(香港)全部都係啲 group,都係小眾,只係爭在有幾多人。」好玄!


紅館尚未成功?去問許廷鏗

紅館被視為香港歌手嘅最高殿堂,檔期緊張,唔少歌手抽極都抽唔到,就連華仔都申請唔到,但艾粒好似不費吹灰之力就申請成功,有咩想同佢哋講?阿占串串貢一句︰「唔放棄都未必會成功。」兩子自爆六年前每個月不斷入紙,堅持六個月但都抽唔到,決定放棄,矢言「以後唔申請」,但之後又申請,「當無咗件事。」所以唔係一擊即中。阿占話,小編呢條問題應該問許廷鏗,「聽聞佢一次就申請到(紅館)。」艾粒笑言有三個字有送畀許廷鏗,第一個字係「你」字-你好野!

首度紅館個唱,如果開賣首日賣得3張飛,會唔會讓給劉華?艾粒表示,曾經諗過不如高價炒給華仔,但搞得一場,set up完都完。兩子更笑言照用艾粒個名搞,請華仔來幕後代唱;又或者請佢做嘉賓,即使唔唱但出現,fans都會好開心,到時賣得一定唔止3張飛!

黃牛不黃牛?又想又唔想

黃牛飛向來係歌手天敵,不過艾粒話,to be or not to be,就等如當年女人街有無翻版碟,就知啲歌受唔受歡迎。當黃牛變成歌手人氣指標,「真係又想又唔想。」佢哋話,一場紅館show有三樣必講︰除唔除衫,有無嘉賓,有無黃牛;笑言不如自己搞show,自己炒黃牛。「自己錢自己賺返,最後畀人拉係我自己。」被人拉點算好?佢哋話有好多法律罅,被人拉,咪搭頭上面架直升機走!(危險動作,切勿模仿!)


紅館上演「人肉打樁機」

咁邊啲人應該嚟紅館睇show?艾粒話,「所有有份推我地入紅館嘅人,千千萬萬個細姨媽。」佢哋亦鼓勵未入過場睇艾粒的人買飛,通常都喺YouTube度睇免費片,但睇片不如睇live,現場表演總會令你意想不到!可否透露一下,有咩表演非紅館不可?如果阿Kay開紅館,《囍帖街》非唱不可,誰不知身邊人獻策,無非都係無厘頭表演︰「踩雞蛋、揈大旗、揈水髮。」兩人結論︰「香港人工作壓力真係好大。」

講到壓力,紅磡居民都好大壓力,事關紅磡站工程地底出現剪鋼筋問題,疑似短樁,紅館萬人空巷,觀眾齊齊郁,容乜易搞到沉降?阿占憶述上次《開光大典》,以及一次音樂平台show,觀眾反應投入,全企位,反映香港人工作壓力好大。「rundown做乜都唔緊要,但唔畀佢地郁,擔保唔到。」阿奴就話,話唔定觀眾郁下郁下打返實d樁︰「就好似人肉打樁機,希望政府畀返個好市民獎我哋!」

到時on show,會設幾多廁所位?「全場都係廁所位!」艾粒指,搞show好大程度都希望香港人喺忙碌中釋放壓力,本身身體已經唔夠健康,如果「有尿唔屙」,反而貫徹唔到艾粒精神。占奴打趣︰「想屙即管屙,台上都有得畀你屙!」

「艾粒 you 屙!」

related events

I Love You Boy'z《艾粒 Boom 紅館激戰》演唱會 2019

5 - 6 Apr 8:15pm (3hr)

@ Hong Kong Coliseum

Update 18/2/2019: 公佈咗詳情啦! Update 1/1/2019: 叱咤場刊confirm咗係4月5日啦! Update 6/12/2018: 丹爺親口確定艾粒成功Book到4月紅館檔期呀!準備搶飛喇喂! Update 1/11/2018: 收到路邊社消息,艾粒成功...

郭富城《舞林密碼》世界巡迴演唱會 2020 香港站

1 Mar - 31 Dec 2020

@ Hong Kong Coliseum

Update: 如無意外,應該是2020年才開了 Update: 隨著Eason公佈了12月9日開唱,城城就沒可能12月開了 Update 18/2/2019: 消息指城城成功得到12月紅館檔期,而如果Eason又真係拎到跨年檔期嘅話,咁就即係2

林二汶 紅館演唱會 2020

1 Jul - 31 Dec 2020

@ Hong Kong Coliseum

二汶就快就已經入咗行20年,即日係at17時代都冇開過紅館,Eman轉投新唱片公司後,話會入紙2020年開紅館呀!真心希望會批啦,好想支持有heart嘅音樂人,到時一定要留返個靚位俾Ellen呀 =( 都...

楊千嬅"My Beautiful Live"世界巡迴演唱會 香港站 2020

1 Feb - 31 Mar 2020

@ to be confirmed

千嬅會喺19年3月30日喺廣州舉行世界巡迴演唱會首場,預計一年時間巡迴,2020年2、3月期間返香港開尾站。 2018年初先喺紅館開完跨年演唱會嘅千fa又有新搞作喇,阿fa宣布全新「My Beautiful Live...

more related events
last blog

人氣芋圓店「鮮芋仙」登陸銅鑼灣!

25 Feb (Mon) 4:32pm

喺台灣同內地都擁有超高人氣嘅芋圓店「鮮芋仙」即將登陸銅鑼灣,而家已經喺裝修階段,相信香港嘅芋圓控好快可以食到喇! 「鮮芋仙」嘅芋圓有好多唔同配搭,最高人氣嘅一定係「鮮芋...

next blog

東京超治癒迷你豬Cafe登場!

8 Mar (Fri) 3:08pm

貓狗cafe大家就去得多,有冇諗過豬仔都可以成為cafe嘅主角呢?日本東京就有一間迷你豬cafe全新登場,喺樓高四層嘅cafe裡面有多隻超可愛嘅小豬陪大家玩。據講一眾小豬都好嗲好熱情,仲會...

comments