Timable

首屆「KKBOX香港風雲榜」完滿結束!小T同大家率先重溫現場精彩片段!

author: Timable, 13 Mar (Wed) 1:38pm


首屆「KKBOX香港風雲榜」完滿結束!小T同大家率先重溫現場精彩片段!

每年台灣嘅「KKBOX風雲榜」頒獎典禮都係華語樂壇其中一個年度音樂盛事,與其話係頒獎典禮不如話係一個音樂表演!有別於香港固有嘅頒獎禮,「KKBOX香港風雲榜」係一個滿足視覺、聽覺加心靈享受嘅頒獎禮,將台灣嘅頒獎模式帶到嚟香港,小T好慶幸自己有機會去到現場體驗呀!

視覺上,「KKBOX風雲榜」貫徹一向高質嘅舞台規格,為每一位歌手貼心設計左唔同嘅舞台效果,包括係燈光設計、LED大螢幕背景、甚至係觀眾手中嘅螢光棒,都會跟隨歌曲轉變節奏或顏色,無論係台上定台下都達到一致、融洽嘅畫面。除左欣賞歌手,小T成晚都俾個螢幕畫面吸引住,佢地真係設計得好靚!

聽覺上,首要嘅一定係歌手本身把靚聲啦,第一位打頭陣嘅「年度風雲歌手」就係皇上張敬軒,帶同11位弦樂團成員出場,唔知係咪為嚟緊個中樂演唱會做定預習呢?皇上唱現場比起CD聽更有氣勢,聽到出哂耳油!最後仲率先唱出當晚12點先正式曝光嘅新歌《YOU》俾大家聽,連同16位dancers大跳熱舞,差啲以為自己睇緊佢演唱會T^T


第二組出場嘅係C Allstar,DJ King 好有心咁整左首 EDM版《人人》做開場,真心唔差呀!之後四子就合唱左《音樂殖民地》、《薄情歌》同《再不再見》,小T好滾動,有幸聽到休團後嘅C Allstar同台演出!


「表演嘉賓」SHAUN係韓國組合The Koxx嘅EDM DJ,大家可能唔識佢個名,但應該都會聽過佢首《Way Back Home》,佢啲音樂係幾有感染力㗎!

「年度風雲歌手」之一唱作才女AGA江海迦,唱出《3AM》、《小問題》同《一》三首大熱歌,亦係小T好鍾意嘅歌!順帶一提,AGA只係出道左短短幾年已經好有台風!


之後就到小巧-鄧小巧以「年度編輯推薦歌手」身分出場,第一首就唱左《芭樂之石頭芭樂RockBallad》。小T係第一次聽小巧唱現場,唱得夠穩定,好好聽!

初為人父嘅「年度風雲歌手」 Jason 陳柏宇,一出場就坐定定彈結他唱《無限大》,實行要冧爆大家!之後仲唱埋《認真如初》同做飯歌《別來無恙》,真心正呀!


遠道而來嘅「風雲大使」蔡健雅 Tanya一口氣唱出《空白格》同《陌生人》兩首名曲。一開口已經好有氣場,係實至名歸嘅金曲歌后!之後仲帶嚟新歌《我要給世界最悠長的濕吻》。


另外香港「風雲大使」有謝安琪同Supper Moment,雖然呀Kay耳機全程受干擾,但都好專業地唱哂5首歌,包括同6號合唱《羅生門》後再同Sunny合唱《橙海》、《Shallow》等,都算係順完成表演呀!


接住繼續有嚟自台灣嘅「風雲大使」-小隊長盧廣仲!一如以往都係拎住個結他自彈自唱先,總共唱左三首歌,包括有《我愛你》、《OHYEAH!!!》同都係當晚仲未曝光嘅新歌《愛情怎麼了嗎》。(其實佢仲唱左幾句《幾分之幾》架,係小編最想聽佢唱嘅歌呀T^T)


壓軸出場唔洗講大家都知一定係Joey容祖兒啦!唱左長達11分鐘嘅《心之科學》、《花千樹》、《破相》、《連續劇》、《天窗》、《這麼近那麼遠》Medley 同仲未派台嘅新歌《PrettyCrazy》,High爆全場!


心靈上,呢個無容置疑係一個具可信度嘅頒獎典禮,根據樂迷點播次數而產生嘅年度得獎名單,單單呢點已經俘虜左唔少香港樂迷嘅心喇!能夠見到咁多位亞洲實力歌手齊集香港同台演出,實在唔係一件容易嘅事。

小T十分期待有第二屆「KKBOX香港風雲榜」,香港人要繼續支持香港樂壇呀!

文: vc
related events

五月天《Just Rock It 藍 BLUE》演唱會 2019 香港站

3 - 5 May 7:15pm (3hr)

@ 香港迪士尼樂園 幻想道露天場地 (旅遊巴士停車場)

Update 22/3/2019: 公佈公開發售詳情,加開一場,共6場,門票開售首日不經售票處售票 Update 20/3/2019: 公開發售詳情有待進一步確定 Update 8/3/2019: 官方公佈資料! 一如以往,五月天年年

Gym and Swim "East Asia Tour" 世界巡迴音樂會 2019 香港站

1 Jun (Sat)

@ TTN This Town Needs

曾經喺香港Clockenflap演出嘅泰國超人氣5人樂團Gym and Swim,即將六月襲港,舉辦音樂會! 活動詳情將於稍後公佈! 關於Gym and Swim: 2016年發行首張出道專輯『SEASICK』之後,立即席捲曼谷新世代...

Nothing But Thieves Live in Hong Kong 2019

19 Jun (Wed) 8pm (2hr 30min)

@ Star Hall, KITEC

Formed in 2012 in Southend-on-Sea Essex, Nothing But Thieves consist of lead vocalist and guitarist Conor Mason, guitarist Jo

more related events
last blog

東京超治癒迷你豬Cafe登場!

8 Mar (Fri) 3:08pm

貓狗cafe大家就去得多,有冇諗過豬仔都可以成為cafe嘅主角呢?日本東京就有一間迷你豬cafe全新登場,喺樓高四層嘅cafe裡面有多隻超可愛嘅小豬陪大家玩。據講一眾小豬都好嗲好熱情,仲會...

next blog

香港8大緩跑徑 全攻略!

25 Mar (Mon) 12:21pm

近幾年,緩跑已經成為香港人嘅常態運動。不論男女老少,返工前定放工後,你身邊都有一個朋友係有緩跑嘅習慣。今次就等小T介紹8條緩跑徑比你哋,有室外又有室內,仲有一條係你附近。...

comments