Timable

香港8大緩跑徑 全攻略!

author: Timable, 25 Mar (Mon) 12:21pm


近幾年,緩跑已經成為香港人嘅常態運動。不論男女老少,返工前定放工後,你身邊都有一個朋友係有緩跑嘅習慣。今次就等小T介紹8條緩跑徑比你哋,有室外又有室內,仲有一條係你附近。咁就唔使怕風吹雨打,日曬雨淋啦~

室外:


馬鞍山海濱長廊

馬鞍山呢幾年越來越多人搬入去,政府係2010年興建咗一條海濱長廊比眾多居民。馬鞍山海濱長廊位於馬鞍山沿海一帶,係沙田區內第二條大型海濱長廊,前望沙田海,遠望八仙嶺羣峯,海天一色,盡入眼簾。真係一路做運動,一路睇靚景~

地址:馬鞍山寧泰路 
開放時間:全日開放
緩跑徑長度:3.2公里
電話:2643 5320
設施/配套:男、女洗手間、太極場、足健徑、長者健身園地、狗公園、兒童遊樂場、貯物室、單車泊車位


啟德郵輪碼頭

啟德郵輪碼頭嘅路徑相對平坦,簡單又非常適合長跑。可以由九龍灣運動場作起點,跑到啟德郵輪碼頭。日跑嘅,企係啟德橋,可以清楚遠望維港對岸景色。如果夜跑的話,可以走上郵輪碼頭既空中花園,180度望盡維港景色。

地址:香港九龍城啟德發展區承豐道33號
開放時間:全日開放
緩跑徑長度:約8公里
電話:/
設施/配套:男、女洗手間


將軍澳海濱公園

於2012年6月落成,由將軍澳市中心(怡明邨)至日出康城(港鐵康城站)。途經大部份都係無敵海景,可以遠眺小西灣、杏花邨同鯉魚門海峽景色。沿途上落坡度較低,適合新手跑者,再加上呢度空氣清新、有山有海、視野廣闊,心曠神怡啊喂~

地址:西貢將軍澳唐俊街 
開放時間:全日開放
緩跑徑長度:1.6公里
電話:2791 3100
設施/配套:自行車道、休閒區、綠化地帶、寵物公、蔭棚連坐椅



寶雲道健身徑

港島嘅美景跑步路線,莫過於寶雲道健身徑。佢係半山至灣仔區一帶居民喜愛嘅緩跑徑。路經全平路,又四通八達,連貫中環丶灣仔丶跑馬地半山。周圍都有茂盛嘅樹木,空氣清新。住港島區首選!

地址:香港寶雲道公園
開放時間:全日開放
緩跑徑長度:3.5公里
電話:/
設施/配套:休憩亭,流動公廁,平行木
景點:維多利亞城界石、姻緣石、石公婆神龕、四面佛、灣坊亭碑文

室內:


調景嶺體育館

係2015年啟用,算係設施最齊全,冷氣又相對舒適,真係打風落雨都無有怕~場內有兩條跑道,側邊仲有位俾各位跑手熱身,非常之貼心。不過要注意嘅係,跑道部份路段彎位好多,小心安全。

地址:將軍澳翠嶺路2號
開放時間:每日上午7時至晚上11時(定期保養日除外)
緩跑徑長度:125米/150米
電話:2481 5033
設施/配套:12米高運動攀登牆、兒童遊樂場、園景花園、草坪、長者健體園地、健身站


上水保榮路體育館

2012年啟用,係北區區內唯一一間提供室內緩跑徑的體育館。場內都有兩條跑道,三至四人一齊慢跑都仲得~總長162米,算係比較長嘅一條。

地址:新界上水百和路19號
開放時間:每日上午7時至晚上11時(定期保養日除外)
緩跑徑長度:162米
電話:2639 2979
設施/配套:美式桌球室;3條攀爬線戶外運動攀登牆、羽毛球場、籃球場、排球場、乒乓球室、多功能活動室、健身室、兒童遊戲室


天水圍天暉路體育館

2012年啟用,分咗3條跑道,相對其他比較闊落,唔駛左避右避。地下鋪咗鮮綠色,跑上來好似置身係綠油油嘅草園,人都舒服啲~

地址:天水圍天瑞路63號
開放時間:每日上午7時至晚上11時(定期保養日除外)
緩跑徑長度:約130米
電話:2473 029
設施/配套:5條攀爬線嘅戶外攀石牆,供持有總會認可資格嘅人士使用。羽毛球場、籃球場、排球場、乒乓球室、多功能活動室、健身室、兒童遊戲室


香港公園體育館

1991年啟用,是本地最早提供室內緩跑徑的體育館。可能係較早落成嘅關係,緩跑徑上無任何指示同線,只係好普通嘅闊跑道。其次,轉彎位係非常之急,接近90度轉彎,新手並唔建議係度緩跑。當然,交通方便亦都係一個因素。唔係下下出到天各一方~

地址:中環紅棉路29號
開放時間:每日上午7時至晚上11時 (定期保養日除外)
緩跑徑長度:約150米
電話:2521 5072
設施/配套:羽毛球場、籃球場、排球場、標準壁球場
related events

「元朗越野賽」2019

1 May (Wed) 8:30am (4hr 30min)

@ 元朗十八鄉黃泥墩村村公所

元朗大會堂元朗長跑會致力發展長跑活動。而本年的越野賽已是連續第十年舉辦。目的是希望推廣區內運動普及化,使區內市民能夠展開健康人生。 是次比賽全程為21公里,分男、女子個人、...

Mud Race 2019

28 Apr (Sun) 8am (10hr)

@ 元朗大棠有機生態園

Mud Race 2019 - 衝破框架,於泥漿中挑戰個人潛能 很多人都因為習慣停留在自己的comfort zone,而忽略了自身的無限潛能。 尚有能力的時候,不妨大膽嘗試,突破限制自己的框架,挑戰新的障礙!...

「跑者無極」2019

5 May (Sun) 8:45am (3hr 45min)

@ 中環蘭桂坊

能跑的,便跑吧! 繁華地區的路跑賽道丶山賽的難度加上非一般的比賽方式, 要你在中環1小時上落樓梯和大上落斜任跑, 你敢挑戰嗎? 比賽組別: 1) 半無極男女個人組 (成年/中年/先進) 半無極...

more related events
last blog

首屆「KKBOX香港風雲榜」完滿結束!小T同大家率先重溫現場精彩片段!

13 Mar (Wed) 1:38pm

首屆「KKBOX香港風雲榜」完滿結束!小T同大家率先重溫現場精彩片段! 每年台灣嘅「KKBOX風雲榜」頒獎典禮都係華語樂壇其中一個年度音樂盛事,與其話係頒獎典禮不如話係一個音樂表演!有...

next blog

同「老」「細」一天遊

26 Mar (Tue) 11:26am

相信唔少家庭都會為假日活動頭痕,特別係小朋友同長者之間掙扎,一嚟小朋友需要地方放電,二嚟又要方便長者活動,所以同大家介紹下既啱小朋友玩又可以同長者一齊去嘅地方,盡情享受...

comments