Timable

舞台劇《火鳳燎原》幕前黑手 — 郭鋒

author: Timable, 24 Dec 2015 (Thu) 2:28pm

「勤洗手!咪做傳染病幕後黑手」聽到這句對白就想起郭鋒(郭大俠)!無綫第一期電視藝員訓練班畢業後投身電視圈,40多年來參演的劇集多不勝數,亦有參與舞台劇演出,更即將與邵仲衡合作,上演一齣《火鳳燎原之亂世英雄》舞台劇,與一眾對手在三國中鬥智鬥力!《創世紀》霍景良VS《大時代》大佬孝!勁有睇頭!


學生時代開始接觸舞台劇
以為鋒哥一直都專注拍劇,但原來自學生時代已開始參與舞台劇演出。「讀書時已經有做舞台劇,不過係半專業形式,後來入行後依然有做,因為藝進同學會不時有劇目推出。」鋒哥上一齣舞台劇是4年前的《書籍》,Timable也有記載。

合作是因一次港視聚會
「去年喺港視BBQ聯歡會上認識了今次《火鳳燎原》導演陳仕文(Franco),佢邀請我參與《火鳳》,飾演陳宮一角。我見係古裝,又幾好玩咁喎!一於又試吓啦。」

首次與邵仲衡合作
鋒哥認識邵仲衡多年,今次才是第一次合作。「大家喺電視台有碰過面,私底下甚少聯絡,今次將會係首次合作。」兩個好戲之人碰在一起,相信火花是少不了的。

《火鳳燎原》編劇張飛帆表示,今次演出的部份是從呂布被擒直到斬首前發生的事情,主要講述眾人對於問斬呂布一事的不同看法,當中各人鬥智鬥力,設謀佈局,亦因為劇目是一個獨立故事,故不熟悉三國歷史之觀眾也一定可以投入欣賞。


鋒哥演古裝角色駕輕就熟
鋒哥今次飾演陳宮一角,他認為這個故事相當有深度。「故事內容改編自漫畫,同史實有唔同。幾個人物性格都非常豐富,表達了人與人之間發生的種種事情與關係,相當有深度。」鋒哥入行以來曾飾演的古裝角色不少,曾於麗的年代的《三國春秋》飾演三國人物張飛,相信今次亦難不到他。

吸收外國電影長處
雖然鋒哥沒有讀畢整套《火鳳燎原》的漫畫,但也有向身邊人了解。「老人家比較少睇漫畫,不過都有問身邊嘅後生,原來大家都有睇過,咁我又知多啲。」鋒哥指自己對看小說等書籍的興趣不大,反而非常喜歡看電影,尤愛外語片。「睇外國電影可以吸收人哋技巧,不論是幕前還是幕後,畢竟佢哋係較先進。」咁睇咗Star War未?「未有時間睇住,不過一定會去睇,哈哈。」


演足40年不覺沉悶
問到鋒哥從演生涯最深刻的角色是哪個,他說沒有。「真係冇特別深刻,因為個個角色都鍾意!演戲係一種創作,要投入,每個角色都唔同,日日新鮮,所以做咗四十幾年都唔悶。」不過鋒哥從來都不會100%投入一個角色。「有啲演員抽離唔到係因為佢入哂個角色入面,100%投入咗就唔係演戲,係發神經!其實應該係7-8分演戲,2-3分係控制、技巧。」這是作為一個演員應有的警惕。

「港視真係拍電視劇」
由無線跳到港視,眼看港視不獲發牌,鋒哥指自己不懂政治。「政治係黑暗嘅,背後有好多唔同因素,可以係有陰謀又可以係冇,大家唔會知點解。」

對於港視的製作,鋒哥表示質素是無庸置疑的。「港視真係拍電視劇,認真咁拍!以前麗的、無線前期都曾經投入過,後來傾向商業性,唔再係做緊娛樂事業。」昔日香港的娛樂事業於東南亞一直處於領導地位,今天日韓等地已超前很多。「員工放個心落去做,但各方面都不被配合,仲點會有心機做?」


冇對手,冇得打
面對電視圈一台獨大局面,鋒哥指一定是愈來愈差。「上到擂台,冇對手就冇得打,咁佢鍾意做咩都得(製作咩節目大家都要睇)。好似曹操咁,獨霸天下,最後一定衰落。」無競爭就不會有進步,正如《火鳳燎原》中的故事一樣。

自古明君無幾個
今日香港社會面對種種問題,鋒哥認為冰封三尺,非一日之寒。「上樑不正下樑歪,自古又有幾多個明君?香港要有出路可能要改朝換代,但將來嘅事冇人知,所以年青人要努力,希望未來多啲正面嘅人立足香港政圈,改變香港!」

全力做好人生每個角色
人生是演戲,舞台又是人生,鋒哥寄語年輕一代努力奮鬥,永不言敗。「年青人唔需要氣餒,儘管將過程當係演戲,劇本點寫係睇你點樣做,無論做咩角色都要盡力演好,珍惜眼前一切!」


後記
小編可以訪問霍景良,實在是太興奮。當談及鋒哥曾於麗的年代的《三國春秋》中飾演張飛時,鋒哥大為驚訝「你咁嘅年紀都有睇過麗的?你應該未出世吧!」。是的,小編的確未出世,但好彩世界上有王維基和維基百科。而當大家繼續Google鋒哥時,別忘記Search一下「郭峰 姚子羚」,對,就是那個.gif;又,若果由鋒哥來演繹「很想要吧?.jpg」,也定必入木三分!

《火鳳燎原之亂世英雄》舞台劇
http://timable.com/event/958511

related events

《火鳳燎原之亂世英雄》舞台劇

14 - 17 Jan 2016 7:30pm (2hr)

@ Studio Theatre, Hong Kong Cultural Centre

延續陳某歷史觀,補充原著故事線! 一切就從呂布被擒開始,一夜之後,也就在白門樓作結。 所向披靡的呂布,中了公子獻頭的詭計,終被曹操所擒。呂布與兩大幕僚陳宮、張遼淪為階下之...

「百物看世界」大英博物館藏品展

19 May - 8 Sep (every Sun, Sat) 10am (9hr)

@ 香港文化博物館 專題展覽館一至五

大英博物館展覽再度登陸香港啦!!! 展覽的構思源自大英博物館與英國廣播公司空前成功的廣播節目,以大英博物館藏的100組物品娓娓道來橫跨二百萬年的人類故事。有別於以往以文化區域闡...

《進兒的故事》兒童文學劇場

3 - 10 Aug (every Sun, Sat) 5pm (1hr 15min)

@ Cultural Activities Hall, Tuen Mun Town Hall

普 劇場新嘗試 《進兒的故事》以1945年的日本為背景,我們在場景、服裝、音樂、燈光上都有很大的突破,希望帶小朋友一起走進另一個時代的日本。 以輕鬆有趣的形式學習歷史 「戰爭」看...

《香港老馬利》劇道場

15 - 22 Feb 2020 (every Thu to Sat) 8pm (2hr)

@ Theatre, Sheung Wan Civic Centre

一齣講述香港人是如何煉成的大時代舞台劇 山窮水盡疑無路 無路處自有天命 劇情簡介 四十年代香港,大量難民湧入,亂世中每個人都絞盡腦汁為求生存之道。一個無學識、無姿色的單身母...

more related events
last blog

那夜,姐我搭上了綠茶窩夫

23 Dec 2015 (Wed) 11:01am

是咁的,睇完獨L打一人邊爐咁浪漫,姐我都想浪漫一下,但又唔想Scout彈彈咁食,就算hea食都要有底線呀嘛!一條友9流流嚟到旺角街頭,寂寞嘅枯葉不斷吹過,才突然想起單挑食綠茶窩夫是...

next blog

玩樂停不了 [1月號]

29 Dec 2015 (Tue) 3:42pm

玩樂停不了 - 一月號 重點推介: 一系列寵物嘉年華及戶外活動 玩足一個聖誕,大家應該都食到肥咗DD咁多~係時候去戶外走動吓,清走脂肪喇~有寵物嘅你,有幾耐冇帶佢哋去蒲?今個月正好有...

comments