Timable

不可不知的「農曆新年習俗&禁忌」

author: Timable, 2 Feb 2016 (Tue) 4:38pm


「過年」可以話係中國最重視嘅節日,每一家都會大肆慶祝!講到呢個咁重要嘅節日,緊係第一時間諗到「逗利是」啦,但其實仲有好多習俗同禁忌,你係一定要知嘅!

  • 年廿八要洗邋遢,屋企大掃除,清走上年唔好嘅嘢,送舊迎新!
  • 年三十(今年得年廿九),食團年飯,通常食完都會打牌,總知就玩到越夜越好啦!
  • 初一不宜洗衫,忌洗頭或者沖涼,唔好洗走新一年嘅運氣同財氣!宜家d人通常都唔會唔沖涼嘅(最多係唔洗頭)。


  • 初一不宜打掃,掃地、倒垃圾同潑水都代表將福氣掉走!如果要掃,就最好由由外向內掃,不過垃圾就最好留到初五先再清理啦~
  • 年初一唔好返娘家,會搞到娘家行衰運嫁!
  • 初二先會返娘家拜年,賀年禮物記住要「成雙」


  • 年初三通常都唔拜年,因為初三係赤口,代表容易同人發生口角!
  • 新年唔買鞋「鞋」,因為「唉唉」聲,但要買褲「褲」,因為同「富」同音,好意頭~
  • 小心唔好打爛嘢呀,打爛嘢要講「歲歲平安」。
  • 新年唔好嘈交或者講唔好嘅說話!例如: 「死」、「病」、「輸」、 「窮」、「破」呢類字眼
  • 食魚唔好食埋魚頭、魚尾呀,因為食剩魚係象徵「有餘」!


*初四(紅日完結),返工啦大家!真係初四咁嘅樣~
last blog

賣懶!賣懶!賣到年廿九晚?

2 Feb 2016 (Tue) 1:24pm

細個過年會聽到人唱「賣懶!賣懶!賣到年三十晚...」到底什麼是賣懶?今年沒有年三十,又是怎樣的一回事? 賣懶的由來 賣懶是廣東人的過年習俗之一,小朋友會在年三十晚拿着紅雞蛋、...

next blog

2016犯太歲生肖運程&化解方法

3 Feb 2016 (Wed) 5:25pm

屬猴-值太歲 屬猴的朋友進入了2016丙申猴年,稱為值太歲,俗稱本命年,代表壓力增加,運氣較為極端,好與壞都十分之明顯。今年易受到銳器所傷或者血光之災,由其在農曆的一月&七月要...

comments