Timable

5個必要現場睇KKBOX風雲榜嘅理由!(今年仲要唔駛飛台灣,香港就有得睇)

author: Timable, 8 Feb (Fri) 3:53pm


一年容易又風雲榜!
(究竟有幾多篇年度大事嘅Review都係用「一年容易」嚟開頭?)
唔經唔覺,小T已經第4年親身飛過台灣睇風雲榜,年年都覺得咁值得,今年一樣咁精彩嘅同時,仲要有好消息俾香港嘅樂迷!


一開場,由曾經做過壓軸嘉賓嘅老蕭打頭陣,蕭生永遠都咁壓!
之後耿上就係日本代表乃木坂46!
小T係聽Jpop大嘅(年齡敗露),近年真係有啲被Kpop搶晒風頭嘅感覺...
睇到Jpop女團現場表現莫名感動,真係濕晒,I mean眼框
超かわいいですね!


畢書盡真係勁咗,幾年前睇佢都仲冧豬系,今年唔止繼續韓風,仲有啲日本視覺系,又有啲西洋風
茄子蛋台語搖滾係好正嘅
宇宙級電音天王Alan Walker cross-over Julia 吳卓源同周興哲真係驚喜又High爆


此時工作人員就舉牌叫大家唔好跳喇,喂呀,人哋都有豆腐渣工程㗎,隻大蛋爛尾爛咗咁多年添啦,香港傳媒唔好日日都報條沙中線有幾6+1啦,大家睇睇下就慣嫁啦,包容下啦
佼哥做咗咁多年MC,今年出碟做表演嘉賓好圓滿,而表演有點叔版林宥嘉嘅感覺!
到Super Junior...好顛,小T就快聾,現場分貝係全晚嘅總和嘅十倍...
咁Kpop男天團又真係好好睇嘅,《Black Suit》《Sorry Sorry》同《Bonamana》跳得太好丁了吧~
到壓軸嘅台灣天后Jolin,表演同樣好好睇,真心天后級巧正呀!


睇咗幾年,小T總括咗點解KKBOX風雲榜咁好睇仲要現場睇嘅5大原因!
1/ 曲風多
音樂光譜之闊真係嘆為觀止
流行、HipHop、搖滾、電音樣樣齊
好似一隊八三夭咁,玩3首歌都已經玩咗3種曲風,相比香港別的頒獎典禮大部份都係情歌,真係冇得比!

2/ 夠國際
年年風雲榜都有外國嘅表現嘉賓
過往都係以亞洲為主,今年仲有西洋嘢
老老豆豆較少睇KPop嘅小T今次都可以親身感受Super Junior嘅厲害,真係眼界大開~
有得睇乃木坂46同Alan Walker當然係正到爆!

3/ 神製作
睇呢類大型除咗睇歌手們本身嘅表演之外,識睇一定係睇Production!
風雲榜表演單位之多,舞台變化不下於最Top嘅小巨蛋演唱會,甚至可以話更複雜,因為咩都係一Take過,唔似天團巡迴200幾場有得Tune完又Tune
其實,演唱會製作都係台灣其中一樣好Proud of的東西!

4/ 勁有愛
現場最好睇嘅,就係電視直播時間嘅廣告時間,MC同現場觀眾嘅互動
睇咗幾年佼哥(今年變咗表演嘉賓),今年係LuLu,佢哋都好體貼
知道三粒半鐘嘅Show大家都唔容易頂,有好多Off Camera同現場觀眾嘅交流同互相支持,都係睇直播完全冇得睇嘅,所以話,識睇一定係睇現場!

5/ 真普選
投票一定最公平?民主一人一票一定係最好?
嘩!好政治學好哲學好社會學好House of Cards喎~定係小T係藍屍反民主?
冷靜啲先,今年香港咪有個頒獎禮選咗個諗都冇諗過嘅我最喜愛男歌手囉
事後大把評論小T唔在此重複,不過如果將選舉攤開到大家每日聽歌嘅Daily Life中去反映真實意向,似乎真係比一窩蜂去「造票」來得更有代表性喎
Any肥,一次性投又好,攤開成年嚟投又好,香港點都冇另一個真普選嘅音樂Top10吧?!

「今日香港,明日台灣」就聽得多,主要係警告嚟...
「今日台灣,明日香港」就真係未聽過,不過可以實現喇,咁鬼正嘅KKBOX風雲榜,今年終於.嚟.香.港.喇!

最後確定演嘉賓陣容包括容祖兒、盧廣仲、張敬軒、謝安琪、蔡健雅、Supper Moment、
陳柏宇、C AllStar、Gin Lee 李幸倪、AGA、菊梓喬等等.......

第一屆KKBOX 香港風雲榜就已經有咁嘅陣容,點可以唔睇?!
立.即.撲.飛.呀~http://kkbox.fm/V20ieX

相片來源: KKBOX Facebook Page
related events

KKBOX 香港風雲榜

12 Mar (Tue) 8pm (3hr 30min)

@ Hall 5BC, Hong Kong Convention and Exhibition Centre

華語樂壇最具影響力的年度音樂盛事「KKBOX風雲榜」頒獎典禮,過去13年於台灣見證過不少歌手於樂壇上的努力,與歌手及樂迷見證一幕又一幕的感動時刻。今年適逢KKBOX香港踏入10週年,將獻...

HATSUNE MIKU EXPO 2019 - Hong Kong

27 Jul (Sat) 3pm (2hr)

@ Star Hall, KITEC

初音演唱會HATSUNE MIKU EXPO 每年都會喺唔同國家舉行,運用全息投影技術,令初音同一眾角色猶如現身演唱會現場表演勁歌熱舞。最近更正式宣佈會開香港場,等左咁耐終於俾一眾fans等到!記...

謝安琪 "kay... isn't me" 演唱會 2019

9 - 11 Oct 8:15pm (3hr)

@ Hong Kong Coliseum

Update 18/7/2019: 公佈咗真詳情喇! Update 15/7/2019: KKBOX 話係10月呀 Update 18/2/2019: 消息指Kay BB拎到2020年1月檔期,希望係真啦! 有幸再踏上紅館舞台 這次與團隊全力創

鄭秀文 #FOLLOWMi 世界巡迴演唱會 2019 香港站

18 - 21 Jul 8:15pm (3hr)

@ Hong Kong Coliseum

Update 4/4/2019 官方公佈公開發售詳情! Update 16/3/2019 官方公佈信用卡訂飛詳情! Update: 5/11/2018 有報導指紅館批了7月檔期給Sammi,而許生就是8~9,兩老婆就成2個月為咗紅館而返工喇! 被

more related events
last blog

睇定喇喂!情人節精選DIY禮物提案

31 Jan (Thu) 1:26pm

又到咗一年一度嘅情人節,相信男男女女都開始煩緊...丫唔係,係諗緊送咩禮物好,年年都係送花送朱古力再加餐燭光晚餐,真係你唔厭我都覺得冇新意啦~ 襯而家時間尚早,不如今年就送...

next blog

春暖花開!Starbucks推限量春日櫻花系列

15 Feb (Fri) 12:23pm

春日來臨,櫻花逐漸綻放,香港星巴克相約您提早賞櫻,更率先準備多款春日櫻花系列商品,作為您2019年賞櫻旅程的最佳夥伴! 八款限量春日櫻花系列商品即日起於全線香港及澳門星巴克推...

comments