Timable

【本地製造】香港首間乾氈酒蒸餾廠 明年2月起開放預約參觀

author: Timable, 20 Dec 2019 (Fri) 11:36am


呢兩年流行飲本地手工啤酒,手工啤酒廠越開越多,咁你又知唔知香港都有手工氈酒蒸餾廠?Two Moons Distillery由兩位80後主理人共同創立,Dimple負責蒸餾工作,而Ivan則負責銷售、市場策劃等工作。他們經過兩年時間學習、研發口味、到德國訂造銅壺式蒸餾器等,今年12月正式成立香港首間乾氈酒蒸餾廠。參觀者可透過霧化玻璃觀賞氈酒蒸餾過程,品嚐100%香港生產乾氈酒!


其實做氈酒係好簡單?

問起他們為什麼選擇氈酒,Ivan笑說:「首先我哋兩個都好鍾意飲Gin。」兩人原是調酒師,2017年時開始想嘗試製作屬於自己的氈酒,經常會買各款氈酒,再加入各種味道,例如綠茶葉、桂花、玫瑰花等材料去浸酒。「其實做氈酒係好簡單,只要你有一樣材料叫杜松子,最簡單呢,你將一支vodka或者叫base spirit啦,將杜松子放入去浸一個晚上呢,技術上你已經可以做到一支氈酒㗎啦,不過品質呀、好唔好飲呀,就係另外一件事啦。」但兩人認為自家製味道不夠濃郁,又不能做到透明,便萌生開設氈酒蒸餾廠的念頭。Ivan和Dimple於是在2018年飛到英國的Gin school學習製作氈酒,到英國是因為當地氈酒文化盛行,可能隔幾天就會有新氈酒誕生。亦認識了當地的蒸餾大師,在研發及籌備品牌的過程給予很大的幫助。


成立香港第一間氈酒蒸餾廠
由於氈酒係烈酒,屬於應課稅品,要攞「酒類製造商牌照」,牌照方面比起手工啤酒或紅白酒會更嚴格。「因為根據香港法例呢,只係員工先可以入去蒸餾室。如果想畀大家觀賞成個生產過程,唯有到做呢個設計(使用霧化玻璃),等大家好舒服咁聽我哋講解同時,可以睇到蒸餾室發現緊咩事。」而且氈酒蒸餾廠整件事對政府來說比較新,過程中需要詳細溝通和互相了解,慢慢磨合才能成事。


面臨土地問題?可能係全世界最細嘅蒸餾廠
Ivan提及尋找地方時,其中一個困難是香港的土地問題。「外國蒸餾廠大部分可能係喺車房,或者一個大地方、高樓底,嚴格嚟講係唔需要考慮地方問題,香港就唔同,咁我哋就用呢部比較細型嘅商用蒸餾機。我諗係其中一個係香港做嘅特色啦,呢度可能係全世界最細嘅蒸餾廠。」


乾氈酒使用世界各地草本植物製作,例如杜松子、雲呢拿豆、芫茜籽、綠豆蔻等10多種材料,當中亦加入香港元素,如南北杏、陳皮、甘草等。氈酒入口順滑,開始會有清新檸檬味,飲到尾會有微微辛香,亦可加入Tonic Water調製,愛酒朋友不妨一試!蒸餾廠將於明年2月起開放予大眾預約參觀,有興趣的朋友可以瀏覽品牌網站。




SIGNATURE DRY GIN (70cL) $530
(連送貨)

SIGNATURE DRY GIN TASTING SET (20cl) $268
(連送貨)





Two Moons Distillery
地址:9A 柴灣吉勝街8號吉勝大廈 (只接受預約參觀)
導賞團詳情請email:[email protected]
網站: https://www.twomoonsdistillery.com/ 


撰文及拍攝:Molly ([email protected])
last blog

子華神 第二部自編自導自演電影作品《乜代宗師》鼠年面世

19 Dec 2019 (Thu) 2pm

《 #乜代宗師 》THE GRAND GRANDMASTER 海報曝光 #黃子華 第二部自編自導自演電影作品《乜代宗師》鼠年面世 #假作真時乜都假 Trailer? 等吓啦~ === 故事大綱 === 馬飛龍是馬家雷拳第十九代傳人,卻...

next blog

**萌爆限量版Hello Kitty爆谷餐**

20 Dec 2019 (Fri) 5:21pm

嘉禾院線搶先聖誕又有全新別注品推出,是次聯乘誕生45週年的Hello Kitty推出全球獨家發售的限量Hello Kitty爆谷餐,搶眼的Hello Kitty造型杯當然是主打單品,配備Hello Kitty爆谷盒及限量版紀念卡...

comments