Timable

【在家工作】輕盈小食推介

author: Timable, 19 Feb (Wed) 1pm


抗疫生活已經開始咗差唔多一個月啦,好多打工仔都在家工作半個月。有冇發現home office仲肥過office office!只因屋企太舒服太自由啦。唔想再肥落去?睇吓有咩輕盈小食選擇啦。

蘋果加芝士


蘋果係健康水果,更可以帶嚟飽腹感,避免體重增加。蘋果切片,再加車打芝士(約半寸厚),味道好夾,仲好清新!即使食多兩塊都唔會太肥。

火雞卷


輕盈食物唔一定係蔬果,火雞片都係低卡食物。五片火雞加兩片紅椒,再沾小小芥辣一齊食,總卡路里都只係150咋。絕對係簡單又好食嘅小食。

味噌湯


味噌由大豆發酵而成,含有豐富蛋白質、礦物質同大豆異黃酮等等豐富營養。但要注意味噌鹽分高,所以飲完味噌湯之後,可以飲返多啲水補充,可利尿消水腫。

無糖豆腐花


一碗豆腐花大約只有190卡路里,唔加糖水同黃糖就加健康,仲可以品嘗到真正豆味。

Daisho 輕盈低卡飽腹速食粉絲


其實市面上都有好多呢類低卡速食粉絲。而呢種牌子一包就只有52卡路里左右,真係食完都唔會有罪疚感呀!但暫時未見香港超市有售呢款,想要就要搵代購幫幫手啦。

圖片:網絡
last blog

【抗疫生活】小型聚會Boardgame推介

18 Feb (Tue) 6:15pm

抗疫期間,大家都會盡量避免出街食飯,寧願留喺屋企,或者約一兩個朋友喺屋企聚會。小型聚會打機、打牌玩到悶?等小T介紹幾個好玩嘅Boardgame,玩得開心之餘仲可以炒熱氣氛! 1.花式自...

next blog

【寶島旅遊】台中捷運預計年底通車 文青咖啡館推介

19 Feb (Wed) 4:22pm

雖然依家疫情嚴峻,大家未必諗旅行。但預計年底通車嘅台中捷運,就可能啱哂計劃年底去玩嘅你! 台中捷運每日上午6時行駛至晚間12時。捷運綠線全長16.71公里,一共有18個車站,除咗終點...

comments