Timable

【香港遊】靚景行山路線 「破邊洲」欣賞海平線

author: Timable, 28 Feb (Fri) 12:03pm


最近大家都鍾意行山,行山本意係好,健康之餘又可以曬吓太陽,個人都精神啲!但最錯嘅行為就係破壞環境,亂拋垃圾,建議行山時自備小膠袋,自己垃圾自己帶走。各位行山新手,經過呢段抗疫時間都行咗唔少山,可以根據自己能力挑戰難度!

破邊洲位於糧船灣東面,西貢萬宜水庫東壩附近。佢係被分割出嚟嘅一座小島,展現咗一種典型嘅海蝕地貌──海蝕柱,亦係靚景打卡位之一。破邊洲原本係花山嘅一部分,但因為長期受海浪沖擊,最後同花山分離。沿岸嘅石柱幾乎係垂直咁豎立喺海中,形狀就好似巨大嘅管風琴。

到達萬宜水庫東壩後,就要搵萬宜水庫東壩紀念碑(藍色錨形石)對面嘅梯級,係前往花山破邊洲嘅入口,然後一直向上走,右轉穿過叢林,就到達破邊洲十字架,望出去就係一片無際嘅汪洋,可以坐低慢慢欣賞海平線。前往破邊洲嘅沿途,有好多看似驚險,實質都安全嘅打卡位。就吓角度就影到「高難度」畫面,大家唔好為咗影靚相而冒險呀!




離開破邊洲十字架後,遇上分叉路後左轉,前往檢豬灣。之後會有更多分叉路,好容易錯過打卡位。但記住沿住花山山腰一直走就會去到七重石灘,仲可以落去疊下石仔。


之後就會去到白腊灘,同樣都係石灘。離開後會經過大草原,穿過草原後左轉前往白腊灣,一個水清沙幼嘅沙灘,附近仲有間士多可以補給。最後沿石屎路離開,乘坐的士或其他交通。

難度:
4星

全長:
約4.3 公里

約需:
3 - 4 小時

注意:
沿路有未被開發嘅叢林,必須穿合適衣服和鞋。

走近破邊洲有一段崎嶇懸崖小徑,有一定嘅危險性,大家要小心!

山徑幾乎被掩沒,入口當相隱蔽,甚至要彎身走路。

交通資訊(一般交通工具不可駛入萬宜東壩):
直接從西貢市乘坐的士到萬宜東壩(約$120)

或乘坐西貢市中心94號巴士到北潭涌,再步行3小時或轉乘的士(約$70)

或乘坐開往鑽石山港鐵站的96R巴士(僅在週末及公共假期行駛),在北潭涌後下車。沿大網仔路前行至岔路口,靠右沿西貢萬宜路繼續步行約9公里,或轉乘的士

(只限星期日及公眾假期)在北潭涌後下車,乘坐新界專線小巴9A號線往返北潭涌與萬宜水庫東壩之間

圖片授權:Nick Tsang、網絡
related events

「言語不通」展覽

25 May - 7 Sep (every Mon) 2pm (6hr)

@ JC Contemporary, Tai Kwun

國立國際美術館(大阪)及新加坡美術館 藝術家:芥川(間所)紗織、Jennifer Allora & Guillermo Calzadilla、Agnes Arellano、陶志恆、張奕滿、蔡財德、何子彥、全昭侹、加藤翼、林育榮、町田久美、阮...

「夏日法式饗宴晚市自助餐」香港諾富特世紀酒店

1 Jun - 31 Aug 6:30pm (3hr)

@ 香港諾富特世紀酒店 Le Café

夏日法式饗宴 成為酒店Facebook專頁粉絲可獲6折優惠 精選菜式: 以頂級食材演繹出傳統的法式美饌,主打包括:和牛鴨肝漢堡、香煎鴨肝、法式海龍皇湯、白酒藍青口、生牛

第18屆香港冬日美食節

24 - 27 Dec 10am (10hr)

@ 香港會議展覽中心3號館

萬眾期待,載譽歸來!香港冬日美食節是一年一度的聖誕城中盛事,讓你一次品嘗環球美食!美食節於過去17年已吸引超過602萬香港市民、海外旅客及賣家進場參觀採購。漸漸成為聖誕期間必...

more related events
last blog

【童年回憶】吉卜力新作 為日本Lawson製動畫廣告

27 Feb (Thu) 5:35pm

最近Netflix陸續上架吉卜力工作室21部經典作品,而吉卜力工作室喺新年度,亦為粉絲帶嚟好消息,就係有兩部新電影製作中!一部係由宮崎駿執導嘅《你想活出怎樣的人生?》,而另一部就係...

next blog

【屯馬線開通】領展顯徑街市美食街 醫肚新選擇

28 Feb (Fri) 3pm

位於港鐵顯徑站A出囗的領展顯徑街市,翻新後除咗滿足區內市民買餸需求外,亦增設咗全新美食街,提供多款特色美食!以後搭屯馬線去開附近又多一個醫肚嘅選擇! 美食街內備有將西式料...

comments