Timable

【回南天】家用小型電器推介

author: Timable, 11 Mar (Wed) 1:51pm


一到春天,香港天氣就反覆不穩,時冷時濕。而且潮濕天氣最怕洗衫,就算乾咗都仲會有陣味。唔止衫啊,屋企嘅物品都變得濕濕苙笠,好多人都選攝開抽濕機,但抽濕機大部唔方便。今日就搵嚟幾款回南天啱用,而且體積小嘅家電推介比大家,希望令生活變得更輕鬆方便。

旅行便攜式內衣消毒殺菌乾衣盒


體積細小嘅乾衣盒,可以烘乾貼身衣物、襪仔同手帕等等。一盒分為上下層,可以收納5-8件內衣,但使用烘乾功能時,就唔好擺咁多入去啦。啟動乾衣盒後,靜待大約20-30分鐘,盒內溫度會恆定喺55-70℃之間。

便攜式可折疊快速烘乾機衣架


嫌一個盒咁大,都係好阻位置,呢個便攜式可折疊烘乾機衣架可能啱你啦。佢打開就係一個普通衣架咁大,一般可以承受5kg重量,有限時時間選擇,同埋有冷暖風切換,啱哂經常到外地旅行嘅朋友!

牙刷UV LED 烘乾消毒器



牙刷好易藏細菌,特別潮濕天氣,更加怕演變成第二個細菌溫床。呢類型牙刷烘乾消毒機,機內設計都係專為牙刷而設,可以安全地擺放牙刷,唔怕跌出嚟。入面亦有紫外線燈,達致消毒效果。

H&C 多功能無線塵蟎機


不論四季都要有嘅電器好朋友!特別係香港濕度高,塵蟎滋長速度好快,加上都市人有鼻敏感同皮膚敏感等健康問題,塵蟎機就係清潔嘅好幫手啦。呢部好處係小巧無線,但效能唔差得過大台型嘅塵蟎機。

USB迷你捲髮棒


好多女仔都有夾髮習慣,但一到呢啲天氣,夾完一陣又直返。佢就係回南天女仔們必備物品啦,體積細又輕,輕輕夾吓髮尾同前陰都可以,插上手機充電器就用得。

以上產品各大網購店有售,選購家電時要去有信譽嘅鋪頭,使用時都要小心呀。

圖片: 網絡
撰文: ZOE
last blog

【白色情人節】譚仔三哥米線 辣之戀人套餐

11 Mar (Wed) 12:08pm

唔經唔覺,就到3月14號白色情人節。今年譚仔三哥米線再推辣之戀人情人節活動。 除咗會送出心形「5 小辣朱古力」,亦推出「椒夕相對二人餐」、「單身快樂一人餐」,就算單身食米線,都...

next blog

【白色情人節】五個電影劇集最浪漫禮物 White Day甜蜜驚喜參考

11 Mar (Wed) 2:21pm

白色情人節又嚟啦!白色情人節其實由日本開始興起,2月14日情人節日本女生會送禮物俾男生,而3月14日白色情人節果陣,則由男生回禮。不過時至今日,情人節當日大家都會互送禮物,所以...

comments