Timable

【沙田行山郊遊】道風山環境清幽 基督店主經營沙田隱世Cafe

author: Timable, 20 Mar (Fri) 12:13pm


道風山十字架,你或者離遠見過佢,特別係晚上有射燈照射十字架時,更為顯眼!但你又有冇試過近距離觀望過呢?道風山屬易行路線,亦鄰近沙田市中心,方便到訪。道風山基督教叢林屬基督徒靈修之地,遊覽時務必遵守規則,保持安靜,帶著尊敬及尊重的心去遊覽。

封面圖片來源:網絡, [email protected], [email protected]

前往路線:
沙田港鐵站 B出口->左邊斜路落->沿村屋旁樓梯上(途中會有指示牌)

圖片授權:[email protected]

圖片授權:[email protected]

到達道風山後,你會發現好多中式風格建築,咁你就去啱地方啦!根據網站記載,1904年挪威傳教士艾香德牧師抵達中國湖南傳道,促使佢對中國嘅宗教產生濃厚興趣,並燃起專向佛教徒傳道嘅異象。於是,1922 年佢喺南京創立景風山,招待佛教同道教徒學道。

後來因為戰事緣故,艾香德牧師於1930 年遷移香港,喺沙田創辦道風山基督教叢林,並邀請丹麥建築師艾術華設計龐大嘅中國式建築群。艾香德牧師於1952年3月13日安息主懷,遺體葬於道風山基督教墳場。

除咗到訪超大十字架,另外道風山嘅「明陣」都好值得大家去體驗及到訪。


「明陣」係一個有助於安靜、禱告、默想及反思嘅安歇處。佢座落喺道風山一處清靜幽雅嘅沙土地上,用大小相仿嘅卵形石鋪砌而成,形成一個「小迷宮」。透過「明陣」進行靈修默想同省思,當中並無錯對之分,大家可以輕鬆使用,只在乎用者嘅態度。最近大家都背負不少負能量,可以去「明陣」體驗一下,容許心靈休息一天。

注意:
尊重別人,尊重宗教
遊覽時保持安靜,避免造成騷擾
神學院屬私人地方,不可內進
切勿在郊野吸煙
自己垃圾自己帶走

遊覽完道風山,可以直落去埋同區嘅一間隱世Cafe。上年先新開,而且店鋪位置隱蔽,唔係住附近嘅區內人都未必知道。

建議路線(從沙田站前往cafe koinonia)
巴士:
89X (威爾斯親王醫院下車)
86K (麗豪酒店站下車)
47X (田園閣下車)

小巴:
809K (春暉花園下車)

cafe koinonia


店名中嘅KOINONIA係英文譯名,原文係「κοινωνία」為希臘文,源自《聖經》。意指上帝與人之間以及基督徒之間嘅兩種親密關係,因此有共融或團契意思。店主希望為社會作出貢獻,以達至共融理念。其實留意店內擺設,都唔難發現有基督嘅蹤影,大家可能慢慢欣賞店主心思,以及對宗教嘅敬仰。

小店提供座位數目不多,店中有一個和式座位角落,啱哂幾位朋友圍爐傾計。順帶一提,食物好多都係即叫即整㗎,絕對唔係hea貨,食客們可能就要耐心等候啦。

圖片授權:[email protected]

牛油果烤雞沙律配多士

鹹牛肉芝士牛角飽

黑松露蘑菇蘆筍忌廉扁意粉

自家製意式士多啤梨奶凍

地址: 沙田圓洲角路15-17號翠麗花園地下2號舖
營業時間:星期一至日 10:00 - 18:00

圖片:cafe koinonia FB專頁, 網絡
撰文: ZOE
last blog

【文青去邊好】手殘都輕鬆上手 四個超簡易好玩手作

20 Mar (Fri) 11:58am

成日有人話,做手工都要講天份,小T就覺得有一份肯探險嘅心,絕對勝過一雙靈巧嘅手! 但喺要鍛練自己嘅手作能力,都唔駛一嚟就打大Boss,以下小T就精心挑選幾款新手啱玩又得意嘅工作...

next blog

【優惠速遞】Franc Franc 化妝用品 、飾物 買滿300免運費+特定產品85折優惠

20 Mar (Fri) 3:24pm

因應疫情關係,日本家具品牌Franc Franc 推出網店優惠!化妝及飾品類物品,只要買滿$300, 就可以免運費,而且最近仲做緊ON Sale 用品85折優惠!網站內on Sale 嘅物品畀錢時打Promo code: 15EXTRA,更...

comments