Timable

【抗疫生活】在家狂玩動物之森 打機應注意姿勢

author: Timable, 30 Mar (Mon) 2:47pm


抗疫生活有Switch陪住的確冇咁悶,特別係玩新出遊戲—「動物之森」,釣吓魚、捉蟲、整靚吓屋又過一日,玩玩吓就幾個鐘㗎啦。但長期保持同一個姿勢打機,係好傷身,好易頸脊勞損㗎!打機時都要緊記住以下事項,唔好玩到忘哂形。

極傷姿勢 : L形坐姿或寒背傾前坐
依家好多人都WFH,係床上做完公事又打吓機咁,又真係幾方便。如果你都習慣呢個姿勢打機,建議可以用較硬嘅枕頭墊喺背,令腰背可以保持挺直,同時可以用大腰托高手肘,盡量令遊戲機同眼成直線。

顯示器同眼晴要成直線
如果玩Switch唔駁電視電腦,真係好難拎起佢同眼成直線。所以最好駁電視或電腦玩,睇得仲舒服啲!

玩一陣 就要做紓緩運動
首先坐喺椅上,腰要挺直,左手放喺背脊,右手放喺頭上,再慢慢向右拉,維持約10秒。換邊重複做約10次。做嘅時候會感覺到頸肩兩側拉扯,有助伸展頸肩同手臂肌肉。

第二款紓緩運動,同樣需要坐喺椅上,雙手十指緊扣放喺背部。手向下壓會感到拉扯,配合抬頭動作,維持約10秒,之後放鬆約5秒後,再重複做10次。同樣有助紓緩頸肩嘅繃緊肌肉。

仲有一項紓緩運動可以做,仲可以伸展埋胸肌、背肌、肩膀嘅肌肉。首先伸開雙手,再慢慢向上提高,要舉過頭,再慢慢放落嚟,重複做約10次。
last blog

Aimyon あいみょん《在揮別的今天 さよならの今日に》中文歌詞

30 Mar (Mon) 11:50am

Aimyon嘅歌同歌聲令人一聽上癮就係人都知,呢隻2020年嘅新歌就真係好正!個MV算係簡單版嘅一鏡到底(分咗2段),原來唔駛拍套《1917》咁強嘅史詩式一鏡到底大電影都可以好好睇!至於歌詞一...

next blog

【自己DIY】大熱韓國400次焦糖咖啡 特式Coffee做法

30 Mar (Mon) 5:21pm

疫情期間,大家少咗出街,有時好想飲杯特式咖啡,但又唔想特登出去咁浪費口罩?其實自製特式咖啡都唔係太難!仲可以打發唔少空閒時間! 韓國大熱 400次咖啡 韓國人氣400次咖啡其實係焦...

comments