Timable

【良心小店】紅磡良心拉麵天王 飲埋湯仲有驚喜?

author: Timable, 12 May (Tue) 12:31pm


想喺香港幫襯良心店拉麵或日式菜,其實有好多選擇!各有各賣點,全部都好值得大家去「撐」!紅磡拉麵天王提供4款拉麵,分別是白天王、赤天王、黑天王和定期轉款式嘅限定天王。價錢亦算好親民,大概$72-$92說品嚐到高質素拉麵!

封面圖片:[email protected], [email protected]全民幫襯受影響小商販

日本人食拉麵就會飲埋湯底,但喺香港好多人都怕湯底過咸,飲埋湯底呢種食法唔算好普及。不過如果你們嚟到拉麵天王,小T強烈建議你飲埋個湯底!除咗好味之外,仲有驚喜呀!


隻碗仲要係百份百日本製!店主身體力行話俾大家知,我哋仲有好多選擇,唔一定要用中國製產品。


講返小店嘅拉麵,長期固定有得叫嘅拉麵有白天王、赤天王同黑天王。

圖片來源:yummyamiii__

黑天王湯底好啱鍾意濃味嘅朋友,先飲一啖湯底已經飲到好香黑蒜味,但絕對唔係得個「咸」字。麵條唔係特別粗嘅款式,但好彈牙,同掛到湯!加上大片肥瘦叉燒,不過小T比較鍾意食香口嘢,如果啲叉燒再燒焦啲就更好啦!拉麵仲有其他配菜:半隻糖心蛋、椰菜、紫菜、蔥同黑木耳,所以食落相當滿足。

圖片來源:cheapjing.eater

白天王即係豬骨湯底,係最基本款拉麵。同樣用上幼拉麵,掛湯能力十足!

圖片來源:Ivan_leigh

見到赤天王全紅湯底,都估到係辣啦。結果出奇地冇想像中咁辣,但味道香濃。

小店座位不算多,大約設有25座。假日時間可能會比較多人,如果想去試吓嘅朋友,就要耐心等候啦。

圖片來源:拉麵天王@FB專頁

拉麵天王
地址:
紅磡德民街17-27號B5B地下

營業時間:
星期一至日
12:00 - 22:00


持續開放收料:


Timable想出一分棉力撐良心小店!如果各位有心人,知道有良心小店正在告急,請報料話俾我哋知!總之有良心嘅我哋就送廣告(出名嘅暫時唔洗報住~)

歡迎報料!再Share埋俾朋友知呢個報料活動啦!
報料傳送門:
http://forms.gle/3CzH3Rgxw3DNT29r5
last blog

【香港周圍遊】觀塘室內活動推介 工業區創意達人嘅工藝角落

12 May (Tue) 11:21am

夏天為大地帶來雨水,有時想行山都唔喺咁易,行街又行到悶,想知邊度有好玩嘅室內活動?工作室超多嘅觀塘,就最啱假期諗唔到去邊嘅你,唔好以為工業區無嘢玩,原來呢度創意滿分呀!...

next blog

【文青打卡遊】 油麻地紅磚屋 台式早餐店+玩味文青Café

12 May (Tue) 4:19pm

油麻地屬舊區,一講起油麻地,除咗果欄同廟街,文青啲嘅你或者會諗起電影中心同Kubrick Café,今次等小T介紹下油麻地其他文青熱點嘅選擇! 油麻地紅磚屋 如果曾到過油麻地電影中心,一...

comments