Timable

[全紀錄] Loud Festival 鬧哄哄音樂節 2011 Hong Kong

author: Timable, 21 Aug 2011 (Sun) 2:43am


自上年o係台灣同紅館睇完周姐卵之後,諗都冇諗過今年有機會再睇周生! (周生係黑莓的華語Big4喔!) 當知道有呢個show的時候,真的超級興奮,十分擔心有Timable幫手都會買唔到飛! 一早同Timable幫主講明幫佢免費做10隻job都要撲到張飛呀! 結果到左訂飛同公售,最平的$280極速售罄,其他價錢,銷情慘淡. 香港人真現實,之前姐卵個唱,最快賣晒的係最貴飛,如今有幾個單位的show,就只會用返幾份一的價錢睇,港人數口真係精到冇朋友!

唔好齋講姐卵,咁仲有咩單位呢? 蘇打綠! 台灣精們一定喜歡! V4? 唔知係邊位! 袁詠琳,姐卵師妹,之前睇姐卵show都見過了. 溫嵐,第一代J女郎囉! 會唔會代替Jolin又跳返次"給我一首歌的時間"? 呢個show之前有一站在馬來西亞,今次來到香港,多左隊本地薑Mr. 睇完個list,黑莓肯定姐卵係會擺最尾,問題係佢地會唔會有crossover的呢?

開場了,仲有少量$480/$680的位置是吉的! (派飛都派唔晒? 主辦做乜唔比d Timable幫手派呀?!) Stage正中有隻高清大mon,冇lag的,燈光亦都幾唔錯! 第一個表演單位係蘇打綠! 台灣精們起哄!!! 黑莓平日甚少聽蘇打綠,對上一次煲係因為佢地同方大同&二灣娜場拉闊. 不過每一次聽佢地唱live都十分享受,詞寫得好靚,旋律很特別,音樂很清新,主唱青峰把聲更時不可多得! 乸得黎是可以接受的那種! (除左佢個綠色頭小弟唔係好接受到之外) 較深刻的有"近未來". "十年一刻"當然識,不過佢出左道10年了嗎? 小弟第一次睇佢地係2008年在西九龍(個文化區到而家仲未動工喔!!!)的Wild Day Out,當時佢地唔o岩o岩出道的嗎?

佢係青峰,雖然唔係青蜂俠,不過佢唱歌都不需要替身!

7首歌,剛剛好,當然唱多2首很不嫌多! 之後是V4. 甚麼來的? 不知道! 睇poster見係女子組合,仲希望係d台灣版Nobody Nobody but You有性感令女睇下! 點知,原來係隊band! Well,本人都冇幾可睇女子band,都幾appreciate! 話晒小弟講左話想夾band 19幾年都未拎起過支結他學do re mi! 不過聽落就有點出事,有點大陸feel... 事後才知佢地真係NDS(即內地生),同埋佢地已經唱晒佢地所有o既歌!!! 因為原來隻EP就係得2隻歌! 好彩,否則唱多2隻就慘了! 不是歧視,只係佢地o既音樂要堅持大陸feel的話,在中國以外係唔會有市場的喔!

然後是姐卵師妹Cindy,快歌慢歌都唔覺有咩特別.而且唱歌都唔係十分突出.懂不懂唱歌,有冇功力,聽尾音就知! (超級巨聲幾時搵我上去做評判?) 師妹尾音唔得,請多多努力! 唱Rihanna的英文歌,我寧願你好似上次o係姐卵個唱咁唱返隻"黑色幽默"好過!

其實Alan都好落力的演出!

到左本地薑Mr.,現場有d反應! (唔知係咪因為悶場了一會兒) 起音樂蠻high,主唱大人一開聲就出事了,真的沒甚感染力....黑莓第一次睇Mr.時佢地係唱左幾首Eason的歌,當時覺得不錯,期待佢地自己的歌! 可惜而家有些少失望. 主唱在rock,卻rock不起觀眾... 較享受的是guitar solo的時候,不錯! 但校聲的問題,結他條聲唔夠出,被其他聲蓋過了! 這是香港樂壇的深層次問題,有時一隊band,結他比主音更緊要喔! 唔Rock的"想太多"同"森林"都蠻不錯! "如果我是陳奕迅"gimmick過後就不再好聽了!

到第一代J女郎溫嵐,老實說,除了同周董合唱的"屋頂"外,的確冇聽過! 一出場,原來是快歌的... 舞是跳得好,初時有蕭亞軒feel,睇落有d李玟,再睇耐d,唱"D.I.S.C.O",好謝金燕,好想佢唱"嗶嗶嗶"! 全場反應一般,然後3首慢歌,還可以,不過可能大家都在等姐卵的關係,都冇乜心情細味! 點知仲未唱完,整首"魔力High Q"你嘆,聽歌名已O咀,完全不合香港國情! 之後再唱多隻"傻瓜",不錯,不過我還是在期待姐卵的出場...

萬眾期待!

到喇! 終於到喇!
呢個moment o既歡呼聲,仲多過之前成晚加埋晒o既total! 全場企晒起身! 就知其實成個場有幾多位係為左周生而來!
"本草綱目"不看歌詞的話,以黑莓的國語水平係唔會聽到任何一隻字! 不過都好high,因此我一早當左周生去左日本發展,間中唱下日文歌咁,都係一隻字都聽唔明!
返入後台之後,邊彈琴邊升上來喔! 所彈的,小弟聽得出有Maksim的"Flight Of The Bumble Bee",亦有古典的Turkish March,然後緊接"說好的幸福呢"! 周生就係最叻耍呢d 屌! 把聲不在狀態,就住唱...不過粉絲們是不會理的!
"免費教學錄影帶"又一擺明耍屌歌,仲要改歌詞搞到d 粉絲不停尖叫,真正聽到周生唱o既其實冇幾多...

姐卵彈琴時永遠是最屌的!


快歌完,琴彈完,屌耍完,到結他了! 周董3人3結他(vs一峰一人一結他 =p),想不到會玩"最後的戰役"的結他Unplugged版! 算是成個show最有心思的一隻歌!
然後是中國風"青花瓷",頭半隻都係一齊彈結他,後半就齋唱了!
之後出"雙節棍"! 喔! 一出呢隻歌,咪即係玩完?! 咁快?! 佢係咪打算以後呢世o既concert最後都係呢隻歌?!
不過,我地當然唔介意,照樣一齊哼哼哈兮!!!
短短6首歌,係周董concert的超濃縮版! 樣樣齊~ 不過真係太短啦! 等左成晚得6首...

彈結他都超屌o者!

諗住呢d show做完就收工,冇encore.不過見佢唔開燈,又原來有encore嫁喎! 但"雙節棍"唱左,唔好唱"周大俠"呀大佬...
結果竟然係唱"屋頂"! 係喎,同第一代J女郎同場,冇奶油唔唱啦!
就係咁,就完場了~

高清mon打格仔...(壞左一格)

整體來說,頭同尾都好看! 中間的Mr.說真的,真的不太夠好! 我都好希望香港的樂隊可以更進一步! 其他的時間實在有點悶場... 而Production亦十分唔錯,mon靚,燈靚,聲就還可以啦! 唔知佢會唔會做第3站嫁呢?! 當然,以上所有均純屬個人意見,同Timable立場無關! 就算我冇左份工,都唔好累左個website嘛,話晒家陣香港好多concert-holics都係靠Timable o既第1手資料生存,如果個web冇左就大件事啦!

仲要等多2年周生先再開concert...不過佢尋晚話不如每年都黎香港開場小型演唱會,係就好! 不過最好係好次今次鬧哄哄音樂節咁先好,冇咁多人爭飛! 如果係周生solo,咪仲難買飛過紅館開~ 咁我寧願你唔開了!!! (勁自私=p)

=====後記=====
我坐o係$480正面台,坐我後面的,係幾位究極港女!
開場前冇野,開場後,喪尖叫,係刺耳o個隻!
(小弟睇show當食飯,有咩尖叫未聽過,但呢次真係忍無可忍)
我怒睥佢,佢即時收聲.不過當我轉返個頭過來時,佢又繼續!
嗌,我都會,甚至乎應該話,睇show嗌係應該的,咁先係good audience!
冇歌手鍾意台下的觀眾如死魚吧!
但都應該理性,同o係適當時候嗌,而唔係呢種嚴重影響身邊o既人欣賞個show o既權利o既嗌.
(嗌得最勁o個位港女隔離o個位都同佢講: 邊個坐你附近真係慘!)
當4周圍o既人都望你o既時候,係咪應該收歛一下呢?!
佢地唔尖叫o既時間,講野又大大聲,講d o既又冇品.
最搞笑o既係我身邊2位觀眾,頂唔順,拎袋走,相信係調去吉位.
佢地起身走之際,其中一名港女問: 做乜走呀?
我仲以為佢地係識o既,不過見2位調位觀眾冇答佢地,亦一去冇回頭,先知佢地原來係唔識的.
其實我都好想走位,不過為左以最正中o既位置影相分享俾各位Timable粉絲,唯有死頂...

還好到了周董時,佢發左顛咁衝左去遠d d o既地方.
雖則都仲係聽到佢喪尖叫,不過已經算係全晚較為舒服o既時間!
忍不住在這開腔怒插,其實支持偶像不是罪.
黑莓幾十歲人仲追偶像,係因為我覺得生活上要有多d passion,做人先會開心.
而音樂,偶像都係會令人有passion的其中一d事!
o係香港地生活已經艱難,可以搵到d野唔太駛去用腦而去支持,去enjoy的,實為好事!
不過你咁樣支持偶像,係over左,係錯左囉...
真係祝你男朋友好運! (if any)


=====歌單Setlist=====

蘇打綠
01/ 狂熱
02/ 御花園
03/ 嬉戲之後
04/ 早點回家
05/ 近未來
06/ 小情歌
07/ 十年一刻

V4
08/ 我以為
09/ 夢想

袁詠琳
10/ 笨魚
11/ 你不愛我了
12/ Love the way you lie (OT: Rihanna)

Mr.
13/ 黑色狂迷
14/ Storm
15/ 零時起哄
16/ 搖擺
17/ 兩大無猜
18/ 想太多
19/ 森林
20/ 如果我是陳奕迅

溫嵐
21/ 熱浪
22/ 放開你的頭腦
23/ D.I.S.C.O
24/ 藍色雨
25/ 夏天的風
26/ 祝我生日快樂
27/ 魔力High Q
28/ 傻瓜

周杰倫
29/ 本草綱目
30/ 說好的幸福呢
31/ 免費教學錄影帶
32/ 最後的戰役 (結他Unplugged)
33/ 青花瓷
34/ 雙節棍

Encore:
周杰倫 X 溫嵐
35/ 屋頂

Timable特約記者: 黑莓
攝影: 黑莓
20/08/2011
related events

Loud Festival 鬧哄哄音樂節 2011 Hong Kong

20 Aug 2011 (Sat) 8pm (3hr)

@ Arena, AsiaWorld Expo

《Loud Festival 鬧哄哄音樂節》將會是本年度最有看頭的一場演出,由亞洲天王周杰倫領軍, 連同人氣樂團蘇打綠,性感舞後溫嵐及創作才女袁詠琳首度同台飚歌,新鮮即富號召力的藝人組合配...

HATSUNE MIKU EXPO 2019 - Hong Kong

27 Jul (Sat) 3pm (2hr)

@ Star Hall, KITEC

初音演唱會HATSUNE MIKU EXPO 每年都會喺唔同國家舉行,運用全息投影技術,令初音同一眾角色猶如現身演唱會現場表演勁歌熱舞。最近更正式宣佈會開香港場,等左咁耐終於俾一眾fans等到!記...

容祖兒 "Pretty Crazy" 演唱會 2019 香港站

5 - 11 Aug 8:15pm (3hr)

@ Hong Kong Coliseum

Update 11/4/2019: 信用卡訂飛售罄後,公佈加場及公開發售日,暫共18場 Update 26/3/2019: 公佈 8月5日起開唱!4月11日起信用卡優先訂飛! 今次演唱會主題「Pretty Craz

鄭秀文 #FOLLOWMi 世界巡迴演唱會 2019 香港站

23 - 24 Jul 8:15pm (3hr)

@ Hong Kong Coliseum

Update 4/4/2019 官方公佈公開發售詳情! Update 16/3/2019 官方公佈信用卡訂飛詳情! Update: 5/11/2018 有報導指紅館批了7月檔期給Sammi,而許生就是8~9,兩老婆就成2個月為咗紅館而返工喇! 被

more related events
last blog

[全紀錄] Suede The Greatest Hits Tour Live in Hong Kong 2011

13 Aug 2011 (Sat) 5:52pm

繼一連串Kitty貓同Fiona o既Job之後,終於有隻Job係黑莓滿心期待的,仲要係超級期待o個隻,就係Suede Live in Hong Kong 2011!!! 話說黑莓生於香港典型公屋家庭,聽4大天王長大,細個時唔知咩叫英文歌.直至...

next blog

[全紀錄] 2011呼叫音樂節 (17/9)

2 Oct 2011 (Sun) 10:57pm

早前於9月17號去看了黑市音樂主辦的呼叫音樂節的第一天。雖然現場人不多, 但氣氛也不錯。相信很多人對於這兩天呼叫音樂節的演出者都不太熟悉, 既是因為他們是台灣來的樂團也是因為他...

comments