Timable

[親身體驗] 秋日婚紗、婚宴及結婚服務博覽

author: Timable, 12 Aug 2012 (Sun) 2:30am


Timable越來越強,今次同婚展合作宣傳! 身為支持網站,當然要到現場感受下幸福氣氛啦!

o係呢個婚展,當然有齊晒結婚o既一切所需。成個博覽會分左5個展區,包括婚紗攝影區、婚宴囍酒區、嫁囍鑽飾區、婚禮服務區同埋美容扮靚區。


一入會場(從中間1C入口進場),就見到好多hotel o既booth,由個booth o既design唔多唔少都睇得出間酒店o既style,有grand的,也有型的! 當然,除左hotel,仲有酒樓揀啦! 一對情侶說:「後生仔一般都係鍾意酒店的啦! 型D嘛~ 不過有時都要就下老人家同budget,所以真係要睇多幾間,睇下價錢同小心比較下有咩包有咩唔包啦! 但最緊要都係老婆鍾意…」駛唔駛咁冧呢,我又唔係TBB記者,我唔會出你個樣的喎~


行過少少(向左手邊行),勁閃,原來係鑽飾區,咪講笑,真係好閃,基本上香港主要賣鑽飾o既公司都o係齊度,而且專係for結婚鑽飾。但重點係呢度o既sales係真係serve我地,而唔係自由人…所以,如果真係要搵結婚鑽飾的話,呢度絕對比起MK/TST/CWB舒服好多!


再行過d,一陣酒香,紅酒是也。紅酒係而家婚宴唔少得o既,但有時驚唔夠飲(中國人尤其係老人家就最講面子啦),會買多左。放心,有d酒商提供回購服務,即係多得濟佢地會收返! 當然,係咪原價收返就好depends on酒商o既offer啦。咁,記得行多幾間喇!


行入去比較入的位置,見到好多models(真人&假人),就是婚紗禮服區! 女士一生人只要穿一次婚紗(雖然香港每年有接近2萬單離婚,ha!趕客),當然唔可以求其啦,呢度咁多間婚紗店,唔怕你揀唔o岩,只怕你唔夠腳骨力。

o係婚紗店中間,依稀有幾間decoration o既booth。小記過往幾年去飲,都唔太覺個場有d咩好特別o既deco,甚至都係叫d 兄弟姊妹縛下d花咁o者。不過o係呢幾個booth o既deco又幾特別,有d好有主題,有d帶點浮誇,可能呢d特式deco會係黎緊幾年婚宴o既trend,就黎設宴o既情侶可能要考慮先dec為快了!

再行遠少少(近1E入口),就到左成個婚展o既另一重點,亦係小記最想睇o既區,就是婚紗攝影區! 隨著數碼單反o既興起,而家人人都可以做Photographer,當然唔係人人都影得好,但就造就左一d有技巧o既個人攝影師出來自立門戶,於是影婚紗相就唔駛好似上一輩咁一定要去影樓or幫襯那幾間九龍塘了。

呢間o岩傾: http://www.MoselleWedding.com

而婚紗相o既模式亦由過往九龍塘宮廷式轉向戶外發展(我姑且稱之為台式),當時見到藍天碧海的婚紗相的確好耳目一新,不過睇左幾年,又開始有d悶。於是有人開始玩主題,如懷舊,電影感等,都有d唔錯o既作品,不過有部份都玩得太誇張了(個人認為)。o係婚展入面,傳統、戶外、主題的婚妙攝影都有齊晒,任君選擇!

Timable小記最愛: http://www.facebook.com/PopArtWedding

不過,當中有一間係小記由舊年o係地鐵見到廣告之後就一直鍾情的 – Pop Art Wedding。甚麼是Pop Art? Andy Warhol吧! (Sorry, 小記中學Arts是fail的) 即係婚紗相其實唔係影張婚紗相咁簡單,而係後期加入好多graphic黎營造好多效果,可以係似廣告,似電影海報,或者就係一張平面設計o既作品。小記專登來此counter採訪一下,果然有所得著。客服小姐跟小記講:「我們算係市面上第一間Pop Art的Pre-Wedding Photography Company。市面上已有copycat,但我地堅持保持quality,每張作品都是根據客人要求/故事去度身訂做的,絕不template,絕不罐頭!」很高興可以有一間有理想有堅持又有Quality的公司。至於價錢? Well,的確不是蔗渣o既價錢,但作品有燒鵝o既味道。利益申報, Pop Art Wedding唔係(未係)Timable的客,不過小記如此sell法,會唔會有discount?


婚展其實除左以上咁多booth比準備結婚o既情侶行之外,主舞台都有好多節目丫! 有亞洲青年婚紗時裝設計大賽,又有婚紗Catwalk,有表演,仲有明家教路Talk等! 真係冇準備結婚o既都可以拍住拖入黎行下! 今次miss左? No problem啦! 下次又好快舉辦! 記得留意Timable公佈喇~

Timable祝各情侶終成眷屬~

後記:
一條佬行婚展梗係奇怪啦,但小記雞毑咁大個Press Pass掛o係心口喎,某些booth o既態度都幾唔合作,冇野o既,唔合作的,你估我會唔會介紹你丫~


秋日婚紗、婚宴及結婚服務博覽 第68屆 on Timable:
http://www.timable.com/event.php?eid=41816

Timable採訪: 黑莓 (11/08/2012)

related events

秋日婚紗、婚宴及結婚服務博覽 第68屆

10 - 12 Aug 2012 noon (8hr)

@ Hall 1, Hong Kong Convention and Exhibition Centre

全城矚目時尚婚嫁盛會第68屆秋日婚紗、婚宴及結婚服務博覽將於8月10-12日於香港灣仔會展舉行。場內800個婚嫁攤位,劃分為五大展區,提供一站式婚嫁服務,是香港最大規模的婚博會。場內...

香港動漫電玩節2019

26 - 29 Jul 10am (11hr)

@ Hall 1,3, Hong Kong Convention and Exhibition Centre

每年在暑假黃金檔期舉行的香港動漫電玩節,已成功舉辦了20屆,輝煌成績有目共睹,在推動動漫電玩產業發展、為發展商開拓商機、為動漫電玩愛好者提供最佳搜購機會等各方面都照顧周全...

俸正傑迷你個展

7 Apr - 7 Jun 10am (9hr)

@ PMQ Hollywood S104

領先全球的Art Futures Group(AFG)即日起至6月7日在PMQ (S104) 舉辦俸正傑迷你個展。本次展覽展示先鋒藝術家俸正傑對未來時尚女性的想像。他善長使用誇張配色、巨大髮型、性感嘴唇和空洞斜視...

《獨坐婚姻介紹所2》iStage

22 Dec (Sun) 3pm (2hr)

@ Theatre, Sheung Wan Civic Centre

《獨坐婚姻介紹所》曾榮獲「香港舞台劇獎最佳劇本」獎項,以「獨白」及「與聲音對話」為主要的表演形式,窺探男士內心世界。 是次《獨坐婚姻介紹所2》為編劇劉浩翔第二部創作,保留...

more related events
last blog

[率先試行] 希慎廣場 Hysan Place - 銅鑼灣新地標

9 Aug 2012 (Thu) 4:55pm

早前Timable同大家介紹過銅鑼灣的新地標"希慎廣場Hysan Place"8月10日 1:30pm 就正式開幕喇~ 今日(8月9日)Timable獲邀率先參觀,先睹為快,大家睇完呢篇報導,聽日去玩時就唔會盲中中了! 首先,點去先? ...

next blog

Timable專訪《失身1234 My First Time》陳慧心 茜利妹 白只 袁偉豪

16 Aug 2012 (Thu) 7:40pm

若果問你的第一次何時發生,你總不會答我中國人何時第一次登釣魚台,香港人何時第一次得奧運金獎,或者你何時第一次俾阿媽打。我們自不然把「第一次」聯想到第一次Sex! 第一次Sex是何等重...

comments