Timable Event

「船到橋頭生活節」離島生活文化展 (節目延期)

time 4 - 6 Dec 2020

location 坪洲 / 梅窩 / 芝麻灣 / 長洲

(free event)
Update 1/12/2020:
因應政府公佈新一輪防疫措施,特別係二人限聚令同舉報熱線,生活節不得不再一次延期。
觀乎現時情況,無論我哋防疫措施做得幾足,都無辦法令島民和公眾安心,並引發爭拗,因此生活節全部暫時取消。
等我哋有個新日子時,我哋一定第一時間話你知。身體健康,合島平安!

船到橋頭生活節
發起人 阿Mei、阿傑同阿俊



歡迎參加船到橋頭之旅。

今次係咪你第一次搭橫水渡呢?如果係,我哋會推介你好好咁享受吓呢趟穿梭長洲、芝麻灣、梅窩同坪洲嘅慢船河,時而讚歎一下船外嘅風景,沈酣於呢趟旅程嘅慢同靜。呢度雖然唔係香港最經典嘅景色,但佢絕對係截然不同嘅香港大自然一面(好似睇到香港個背脊咁),同樣係香港應該引以自豪嘅好風光。

「船到橋頭生活節」借橫水渡呢條航線,將呢幾個離島連結,等大家一齊細味「離島生活」。離島生活源自於同呢片土地同海洋深厚嘅關係,由島上各路人馬一齊創造,共同為佢增添色彩。離島生活一直都係獨樹一格,自成一角,但而家正面臨無可挽回嘅環境危機。生活節嘅初衷,正係想同所有人一齊去體會、保護同發揚離島生活。

你哋可以由三個角度體驗吓離島生活: 獨特嘅建築同空間運用、同日常交織嘅大自然,同埋島上多姿多彩嘅傳統同藝術。

我哋有好多唔同嘅節目等緊你,包括工作坊、導賞團、表演、裝置同其他活動。
*部分活動例如工作坊同導賞團要預先報名


活動融入咗離島悠閒嘅節奏,唔會高聲鋪張,目的係希望大家一齊享受活動嘅微細恬淡; 除咗搭橫水渡由一個島去另一個島參加唔同嘅活動,你重可以嘗試吓喺各個島上面行吓、睇吓、聽吓、感受吓。試吓喺呢度留耐少少,甚至係過夜,領略離島生活嘅精髓……

祝你旅途愉快,船上或者島上見!


精選活動:

坪洲開枱--布朱朱



坪洲碼頭外擺滿街坊自發放下的椅子,供人隨便使用,已是坪洲的一大特色。來自瑞士、現居坪洲的建築師布朱朱由此引伸,創作一套用竹製作的組合枱,配合坪洲椅使用,並在生活節成為其他活動的基地!

日期時間: 2020年12月4-6日 9am-7pm
地點: 坪洲碼頭外廣場


Ark Eden 回歸大自然之日


Ark Eden是一個位於梅窩山林的生態教育及永耕社區。在生活節的週末,Ark Eden會舉辦多項活動,包括行山植樹、山林瑜珈、永續農業工作坊、親子活動,以及星期六晚的營火音樂晚會一齊在大自然中放鬆一下!

日期時間: 2020年12月5日 10am-11pm; 12月6日 10am-5pm
地點: 梅窩東坑尾11號Ark Eden


講吓「水話」、齊來吧!--浪長洲


「浪長洲」由一伙從事創意藝術行業的長洲居民義務發起,希望在長洲建立一個文化傳承的交流平台。「水話」是「水上人」所說的語言,現正息微。工作坊將請來長洲艇家和漁民,以簡單易明的方式教授「水話」,從中了解水上人的歷史點滴。

日期時間: 2020年12月5-6日 10am-11am; 12nn-1pm; 2pm-3pm


榕樹頭下講故貓--貓珊
繪本插畫師貓珊,將在靈秀的芝麻灣大樹下一起閱讀繪本,以實驗信箱收集來者給樹木的信,並將信展示和發佈到「親愛的樹」社交媒體信箱。

日期時間: 2020年12月4-6日 12nn-6pm
地點: 芝麻灣大樹下


隅遇長洲--拓展公共空間



非牟利機構拓展公共空間在過去數月研究長洲獨特的公共空間。他們將三部三輪車化身為展覽、裝置和寫生工作坊的流動空間,並將在長洲海濱一帶遊走,展現他們觀察所得。

日期時間: 2020年12月4-5日 1pm-2:30pm; 4:30pm-6pm
地點: 長洲海濱一帶


離島換物--執嘢


執嘢為網上換物平台及香港最大規模換物會舉辦單位,提倡減少多餘消費,分享資源。他們將於坪洲舉辦「離島換物」,宣揚離島生活中不可或缺的可持續性和社區協作,同時團結坪洲社區。

日期時間: 2020年12月5-6日 12nn-6pm
地點: 坪洲碼頭外廣場一帶


小農維尼開門+即摘即飲勝!--消閑農場Winnie the farm

梅窩一直農業番盛。這次來參觀維尼的樂園,體驗有機種植,學習季節性種植的知識,嘗試收採,再到吧枱品嚐「Farm to Bar」特調飲料吧!

日期時間: 2020年12月5日 2pm-6pm
地點: 梅窩大地塘 Winnie the Farm


船到橋頭生活節嘅發起人係三個坪洲居民: 城市規劃研究者Myriem Alnet、陸日小店老闆之一陳俊傑,與及藝術家同策展人葉啟俊。三人關注島嶼文化,其中Myriem同阿傑出版咗探討島嶼生活特式嘅雜誌《島民》,阿俊亦曾經喺島上籌辦藝術活動。面對當前變化,我哋想藉住生活節將島民同非島民連結,為保存同發展島嶼文化出一分力。
related events

「願望成真市集 #1」SOHO MARKET x Make-A-Wish

30 - 31 Jan 1pm (7hr)

@ D2 Place TWO G/F The Garage

新一年新開始,SOHO MARKET定於1月30-31日一連兩日聯乘本地慈善團體願望成真基金於D2 TWO舉辦「SOHO MARKET x Make-A-Wish 願望成真市集 #1」,現正招募檔主! 歡迎本土手作人積極參與,圍繞新年/願望...

「第八屆甦Walk慈善行.想旅行」

21 Dec 2020 - 21 Feb 2021

@ 不限地點

在弱勢家庭中,尤其是在囚/更生人士的子女,承受家庭破裂、經濟困難、負面標籤等壓力。您願意與這群「隱形受害者」同行,為他們帶來一個可見的未來嗎? 「第八屆甦Walk 慈善行·想旅行...

「創意手作市集」麥田捕手假日市集

2 Nov 2020 - 31 Jan 2021 noon (8hr)

@ The ONE L3

今期The ONE L3手作市集,連同麥田捕手,搜羅咗好多特色手作製品,啱晒大家買嚟做聖誕禮物!! 麥田捕手繼續係新一季招募更多本地創作及設計小店進駐The ONE,迎接秋冬新設計!!包括有手工果...

more related events