我的出前一丁工作坊＋合味道工作坊 @香港國際機場二號客運大樓

哈日族喺日本一定去過杯麵博物館，以往日清喺香港也不時搞 pop up，畀大家玩下自製杯麵。粉絲終於等到喇！因為嚟緊「我的合味道工作坊」會長駐香港！仲有世界首個「出前一丁工作坊」登場，即刻預告下！

雖然而家通街都係日本拉麵店，但亦無減香港人對杯麵和即食麵鍾愛。日清以往每年都會喺香港舉辦「日清嘉年華」，其中可以畀大家玩 DIY 杯麵的「我的合味道工作坊」極受歡迎，每次都大排長龍！

好消息係「我的合味道工作坊」將長駐香港！嚟緊喺 11 月 30 日將於香港國際機場二號客運大樓童夢城通識學園同大家見面，屆時大家可以隨時揀選心水配料和湯底，並設計包裝，打造一個獨一無二的原創杯麵。更開心係，世界首個「出前一丁工作坊」亦將登場，同杯麵不同係，大家可以感受搓揉麵粉、切麵和炸乾麵團等工序，並親自設計包裝，DIY 屬於自己的出前一丁，聽到都想玩！