Timable 事件

"emoji™ Sports Fiesta 2018" @上水廣場

時間 2018年6月9日-8月31日 上午10時 (12小時)

地點 上水廣場 L2 中庭 》香港新界上水龍琛路39號

(免費事件)

攻呀攻!快搶攻!4年一度嘅世界足球盛事仲未開鑼,上水廣場x emoji™就先聲奪人,以首度曝光嘅足球國家隊sharp醒造型搶先成為大家熱捧隊伍打氣嘅新寵!

上水廣場將軍澳PopWalk天晉滙聯乘emoji™觸發夏日運動狂熱,上水廣場更推出香港首次曝光嘅世盃特別版emoji™,涵蓋多個世盃熱門國家隊,大家一齊嚟估下邊隻emoji™ 嘅代表隊伍可以捧走獎盃,贏得殊榮﹗

emoji™ 以多個全新足球國家勁旅造型為主打,衝出手機及線上世界,首次型爆出巡上水廣場為大熱足球比賽造勢。商場今夏將打造成 《上水廣場x emoji™ Sports Fiesta開心狂熱運動場,令球壇盛事氣氛無限升溫﹗場內更特別打造VR足球挑戰賽》挑戰玩家控球、盤球、射龍等球技,考您身手﹗emoji™ 狂舞團》更會不時到現場為您打氣,想同佢地嚟一個勁舞battle,就要密切留意啦!鐵粉萬勿錯過上水廣場及將軍澳PopWalk天晉滙為您全新制作嘅限量emoji™夏日禮品,一系列精美紀念品等您換領﹗

香港首度曝光世盃版emoji™ 3D裝置  肉緊表情打氣集LIKE
由手機線上世界強攻至線下運動場,emoji™今個夏日將聯乘上水廣場,化身成不同國家隊造型嘅3D角色,現身狂熱運動場主題裝置,以開心趣怪表情和色彩繽紛嘅面部油彩為支持隊伍打氣﹗逾5米高嘅上水廣場X emoji™運動場裝置充滿動感,色彩豐富;除足球主題外,更設田徑、舉重和跳遠等多項訓練元素,極具活力﹗大家更不妨鬥快數一數裝置當中隱藏住幾多個特別版emoji™?佢哋以各國國旗顏色為主調,例如:心心眼emoji™面珠dum輕輕塗上國旗色橫間;眼大大、笑容燦爛嘅emoji™就乾脆將成塊笑面塗上顏色盡情搶fo,其中以瑞典和英格蘭嘅十字面極為搶鏡。另外,日本紅白鮮明形象超級Kawaii,墨西哥鬍鬚emoji™亦極具美洲風情﹗zoom in裝置左邊田徑場嘅巨人版3D跑鞋係另一selfie打卡位,舉重區嘅德國同巴西emoji™鬥到難分難解,大汗淋漓﹗葡萄牙emoji™評論員肉緊評論世盃賽事,講到心心眼兼青筋暴現,究竟今屆足球競賽鹿死誰手?!決賽mood係滴汗?嬲嬲豬?定係哈哈大笑emoji™大派用場?


VR足球挑戰賽》讓您大顯身手 置身巨型透明足球VR體驗全港首創
突然球癮大發想踢番場波又湊唔夠腳?嚟上水廣場參加VR足球挑戰賽》就得啦,今年暑假逢星期六、日及公眾假期等住您嚟挑機﹗走進高達3米嘅巨型足球內,配帶VR裝置,即可全程投入虛擬足球場景中,觀眾席上嘅emoji™觀眾更會幫您搖旗吶喊,打氣助威﹗您仲可以揀選心水隊伍,穿上全新設計嘅emoji™球衣,控球show off,大過3關,與好友齊齊較量。遊戲分為虛擬控球、頂波和射龍門3關,推廣期內累積最高分數嘅玩家,更可獨得大熱遊戲機,讓您於炎炎夏日隨身玩,隨時與好友齊齊分享電子遊戲嘅樂趣﹗



emoji™ 狂舞團》魅力四射 不定時現身各區與您火熱勁舞
一班生動活潑嘅 emoji™狂舞團,已經急不及待,將足球較量化身狂熱舞步,不定期於香港各處四出battle,一較高下﹗佢地更會係7月份去到上水廣場及將軍澳PopWalk天晉滙與大家見面,鬼馬古惑嘅狂舞團成員,將大show活力爆燈嘅舞技,誓將現場氣溫推至高峯﹗鐵粉萬勿錯過大好selfie機會﹗

emoji™ 夏日限量禮品 陪您上天、下海、睇波玩盡360° Summer Fun
要玩轉夏日,同好朋友上天、下海、睇波玩盡暑假每一分鐘? 上水廣場同PopWalk為您預備左精彩夏日禮品,俾您換領同好友一齊全身投入暑假,等emoji™海、陸、空全天候陪住您﹗精彩禮品包活去海灘暢泳必備嘅 emoji™ Sun Shine充氣浮床、emoji™鬼馬表情沙灘巾;仲有陪你通宵睇波嘅 emoji™心心眼LED咕臣;同埋陪您周遊列國嘅 emoji™行李箱保護套。換齊一套emoji™限量精品,今個盛夏去到邊都可以夏日滿FUN!


相關事件

「創意彩蛋科學基地」主題裝置 @MCP CENTRAL

3月30日-4月28日 上午10時 (12小時)

@ MCP CENTRAL(新都城中心二期)

今個復活節,Dr. EGG帶大家闖入STEAM工廠,玩轉彩蛋樂園!MCP CENTRAL 新都城中心二期將於3月30日至4月28日期間打造全港最大型STEAM科學基地,融合玩樂及教育,帶來刺激有趣STEAM體驗,包括幻變...

「Oh!林匹克運動會」@樂富廣場

3月23日-4月21日 (逢日,六) 上午10時 (8小時)

@ 樂富廣場 B區中庭及露天廣場

商場美食坊位置以貨櫃為主題,打造了6大挑戰區,有「Oh! Shoot 投籃王」、「Oh! My Body訓練站」、「Oh! My Legs 單車賽」、「Oh! Snap 繩網陣」、「Oh! Clap 摩打手」及「Oh! Step Up極速跑」,每項

「爆旋陀螺極限對戰」@西寶城

3月8日-4月28日 上午10時 (12小時)

@ 西寶城

今個復活節,西寶城將由2019年3月8日至4月28日為全港小朋友帶來『「西寶城‧爆旋陀螺」極限對戰』</

更多相關事件