Timable

爱情总要讲Package — 访问《走婚》邓健泓

作者: Timable, 2016年1月27日 (三) 下午2时45分


而家喺香港做后生仔压力几大! 细个考试要攞12A又要学非洲鼓珠心算,终于挨到大个咗諗住搵番个女朋友,点知人哋又要同你讲「Package」。我哋呢啲凡夫俗子究竟点先可以搵到真命天子(女)呢?諗諗吓,摩梭族嘅走婚制度好似几啱我哋!喺母系社会下,男女嘅结合都系讲心唔讲金,最紧要啱feel,钟意几时一齐就一齐,完全无结婚呢回事。就算有咗BB都主要由女方家族照顾,哗听落好似系港男恩物!但系舞台剧《走婚》嘅男主角邓健泓体会过呢种爱情后又唔系咁赞同喎!渠话受过爱情嘅伤害,都系一夫一妻最实际!睇吓渠点解释?

「走婚」喺香港适唔适合?
邓:
完全唔适合!主要系因为两方面。第一,香港人嘅性格贪新鲜又善忘,而且贪心,对于爱情嚟讲都好危险,尤其女性会好蚀底。例如一个摩梭女仔嚟到香港,随时会俾人飞,俾人伤害。第二,社会压力。因为香港本来就系一夫一妻制,你突然有几个男朋友女朋友,会受到好多社会压力。

有冇试过介入多角恋?
邓:
细个嗰时有试过!女方同一时间搵前男友,又搵其他异性暧昧(真系当自己走婚咁喎)。但我相信因果报应,当你搵第二个嗰时,对方亦会搵番另一个。更多嘅大话只会令关系更猜忌,而一段关系有咁多人嘅话,大家嘅妒忌心又愈嚟愈强,最后都会一拍两散!我试过伤害人,转过头俾最爱伤害番(听落咁像MK活地亚伦嘅电影哲学),知道都系一心一意对女朋友最实际(所以而家搵到真命天女好开心?Patrick立即甜笑),搵到个啱嘅就要好好去爱!


你点睇讲心唔讲金嘅爱情?睇Package系咪太现实?
邓:
我觉得每个人有自己需要,随年纪同经历更清楚自己想要乜。咁本住自己嘅需求去择偶系理所当然嘅,就好像所谓嘅「Package」咁。有啲人钟意钱,可能因为渠身世问题。好似一个人贪靚、钟意长头发咁,无话啱唔啱,所以都系唔好judge呢件事,都系各取所需咁啦!你唔觉得只有读书时期先会有纯纯的爱,唔讲条件咩?所以我好鼓励读书时期拍吓拖!(笑)


你系《走婚》入面嘅角色系点?
邓:
我系剧入面做一个player,可以爱同性分开,所以渠对爱情好「大方」,唔介意各有各玩。但系渠最终都系想搵到个爱渠,贴贴服服嘅女友。我觉得呢个角色一日唔改花心一日都系会得唔到渠想得到嘅野,因为「己所不欲,勿施于人」,你点对人,人点对你,有乜理由你自己玩完人哋仲会对你专一吖。


同多年儿童节目拍档鲁文杰(Simon)做情敌有咩感觉?
邓:
Simon其实系我前辈!我好欣赏渠。渠份人好好笑,令我经常同渠做野都忍唔住笑。但演戏就好认真,我哋要争女仔。渠演得对爱情好投入,好执着,产生咗唔少新嘅火花。

Patrick仲话 睇完《走婚》嘅剧本,更加觉得一心一意嘅可贵。咁又系,渠本身同女朋友咁sweet,仲出钱出力为女友出碟,紧系唔会再buy「走婚」呢类「不负责任」嘅爱情啦!细个睇渠同鲁文杰都系《闪电传真机》嘅大哥哥,第一次见渠地演对手演仲要系情敌!好期待到时睇渠地「成人」嘅一面! (I mean成熟!)

访/文:Chanley Chan
摄/编:黑莓


《走婚》 iStage制作 (重演)
http://timable.com/event/848003
相关事件

《走婚》 iStage制作 (重演)

2016年3月18日-19日 下午8时 (2小时)

@ 上环文娱中心 剧院

「走婚」,是摩梭人流传至今的一种婚姻模式。摩梭族属于母系制社会,是真正的「女儿国」。男不婚,女不嫁。走婚,只为了爱情生活,繁衍后代。 男子若对女了倾心,会在夜半到女子独...

容祖儿 "Pretty Crazy" 演唱会 2019 香港站

8月5日-11日 下午8时15分 (3小时)

@ 香港体育馆 (红馆)

Update 11/4/2019: 信用卡订飞售罄后,公布加场及公开发售日,暂共18场 Update 26/3/2019: 公布 8月5日起开唱!4月11日起信用卡优先订飞! 今次演唱会主题「Pretty Crazy」系由Joey

郑秀文 #FOLLOWMi 世界巡回演唱会 2019 香港站

7月12日-16日 下午8时15分 (3小时)

@ 香港体育馆 (红馆)

Update 4/4/2019 官方公布公开发售详情! Update 16/3/2019 官方公布信用卡订飞详情! Update: 5/11/2018 有报导指红馆批了7月档期给Sammi,而许生就是8~9,两老婆就成2个月为咗红馆而返工喇! 被

《囍事2.0》她他剧社

5月17日-18日 下午8时 (2小时)

@ 牛池湾文娱中心 文娱厅

一个晚上,一群人在酒吧内发生的事,当中有人对旧爱念念不忘、有人愧对旧爱、有人因过往经历不敢去爱、有人勇于去爱、有人对爱充满憧憬、有人逃避爱。爱!是否应该不顾一切?爱!逝...

更多相关事件
上一篇博文

香港观霜攻略2016

2016年1月22日 (五) 上午10时55分

香港观霜攻略 一股强烈寒潮会在未来数天影响华南沿岸,根据天文台自动分区天气预报,星期日市区气温跌至得6°C,而星期一早上打鼓岭气温更低至负0.3°C。如果市区气温只有6°C,根据每上...

下一篇博文

卖懒!卖懒!卖到年廿九晚?

2016年2月2日 (二) 下午1时24分

细个过年会听到人唱「卖懒!卖懒!卖到年三十晚...」到底什么是卖懒?今年没有年三十,又是怎样的一回事? 卖懒的由来 卖懒是广东人的过年习俗之一,小朋友会在年三十晚拿着红鸡蛋、...

留言