Timable

又越过高山又越过低谷 — 专访林奕匡

作者: Timable, 2016年2月22日 (一) 下午5时55分


「你快乐过生活.我拼命去生存.几多人位于山之巅俯瞰我的疲倦」今天的林奕匡 (Phil) 相信已经摆脱低谷,以高山为目标,努力向前奔跑中!由加大拿只身来港追寻音乐梦,Phil有的是勇气与毅力,凭着《高山低谷》一曲崭露头角。平时热爱运动的他更成为今年首次来到香港的国家地理频道Earth day Run大使!同大家一齐跑过高山同低谷!

P: 林奕匡 Phil | T: Timable

T: 以前一直于加拿大生活,后来才来香港入行发展?
P:
系呀,以前住喺温哥华对面一个小岛嘅小镇上,当地人口只有六千人,系一个退休生活好地方。由细到大都有留意香港,会听广东歌、睇香港电视剧,所以都学到唔少广东话!嚟香港发展系因为之前参加全球华人新秀拎到唔错嘅成绩,有唱片公司俾机会,但因为自己想完成学业而错过咗。但就令我开始想尝试以音乐为事业,所以毕业后再嚟香港搵唱片公司。

T: 加拿大与香港最大的分别是?
P:
香港系一个City,地少人多,去边都好方便。而加拿大就郊区比较多,有时想买嘢都要搭几程车,娱乐亦相对少啲。

T: 平日喜欢做什么运动?
P:
钟意做Gym,会打篮球、跑步,好多运动都会试吓玩,但就冇样精,哈哈~
如果天气好会钟意约朋友跑步,觉得由A点跑到B点好有成功感,比起跑步机感觉更好!

T: 做运动时会否一边听歌?
P:
本身对音乐拍子好敏感,唔同歌嘅拍子都会影响自己步伐,所以平时比较少听,但长跑比赛就会听,特别系去到中后段要鼓励自己,需要多啲Energy就会听快歌。


T: 除了音乐、运动,觉得生活中有什么是最不可缺少?
P:
食嘢啦哈哈!当然仲有系朋友,好钟意约朋友食饭、倾偈、行街。好好彩系近几年可以识到唔少可以交心嘅圈中朋友,会互相明白大家嘅辛苦、难处。我哋得闲都会约出嚟,食下饭、做运动。

T: 作曲灵感多数源自什么?
P:
平日听好多唔同嘅音乐,香港主要嘅音乐系情怀歌或者有Story嘅歌,自己作快歌嘅灵感都系由其他音乐而来,No music is totally original!

T: 除了作曲,有尝试填词?如果自己作曲,又会否与填词人沟通自己想表达的意念?
P:
有自己填词呀!但因为中文唔好,所以多数填英文词落Demo,唱完有时都会放上网俾fans听,觉得Demo比较有最原本嘅灵魂。大部分歌都唔使特别同填词人沟通,因为渠地好有触觉,知咩词适合个歌手。好似《高山低谷》咁,公司搵陈咏谦写嘅时候,话如果依首歌再冇反应,可能就系我嘅最后一首歌,跟住谦就用咗好耐时间写咗《高山低谷》出嚟,系想表达当你净返一口气,你会想讲咩。

T: 觉得自己走到山的什么位置?
P:
唔知自己系咩位,但会一直努力向前,以更高为目标,只要一直keep住前进,一定会更好。


T: 作为Earth Day Run大使,有什么使命呢?
P:
一个人嘅力量好少,我会尽所能将环保讯息传俾年轻人,同时自己都学多啲点去环保,为地球出一分力。

T: 今次受惠机构是地球之友,你本身是不是环保的人?
P:
觉得自己可以再做好啲,例如去做运动时自备水樽,可以减少使用即弃胶樽。最唔钟意系有啲人太懒,试过见到有邻居将垃圾就咁扔系大厦门外,其实垃圾站行多几步就有,见到就觉得嬲!

T: 现在的香港人普遍不太开心,你认为如何可以令大家多一点正能量?
P:
好多时问题出现了,好少人会反思自己嘅过失,我喺自己低谷嘅时候,都会问自己有冇责任,系咪应该谦虚啲、学多啲嘢。大家都爱护同一个地方系好重要,因为个城市系属于大家嘅,互相守护先会有美丽嘅事情出现,好似我首歌《颂赞诗》咁。留意多啲身边美好嘅事物,系唔满足嘅时候,諗吓世上有好多不幸嘅人,而我地好幸运可以系福地生活。

T: 刚出了唱片,今年有什么计划?
P:
我个人比较简单,钟意一步步咁实践自己嘅工作,可以入行同走出低谷系因为写歌,所以希望今年可以写多啲歌,不论系写俾人定系自己,至于开音乐会就要睇缘份。


国家地理频道将于4月17日于香港首次举办Earth Day Run,活动于白石角海滨长廊举行,有10公里及3公里赛事。Earth Day Run是以环保为主题的慈善跑, 善款将全数拨捐地球之友。是次活动旨在令公众认识世界地球日(4月22日) ,齐齐关注环保,发放绿色正能量!国家地理频道Earth Day Run 2016宣传大使林奕匡当日亦会参与,约定你一起为地球而跑!有关活动详情及报名方法,请浏览香港国家地理频道Facebook专页或按以下连结: http://goo.gl/7z0mOy , 现已接受报名, 名额有限,立即行动啦!

相关事件

国家地理频道 Earth Day Run 2016

2016年4月17日 (日) 上午9时 (4小时30分钟)

@ 科学园白石角海滨长廊

国家地理频道Earth day Run于台湾及菲律宾已大规模举办了数年,今年首次将此活动带到香港,希望借此活动令更多香港人认识及了解世界地球日,为地球出一分力。 活动目的 透过受欢迎的大众...

《白海豚失乐园》纪录片放映

4月27日 (六) 下午7时30分 (2小时)

@ 香港太空馆 演讲厅

《白海豚失乐园》是一套关于中华白海豚和保育工作者的纪录片,让你重新认识香港珍贵的海洋生物和它们面对的威胁,一同探讨保护香港独特自然生态的重要性,在石屎森林中,为香港的下...

《开心读书人》南区巡演

4月21日 (日) 下午2时 (3小时)

@ 赤柱公共图书馆

梁继璋先生邀请《孩子戏》作演出的「港岛南区读书人活动」,欢迎齐来参予~ 南区「开心读书人」巡演 #喜「阅」新一代 ​巡演一 : 香港仔公共图书馆开放日 日期:2019年4月7日(星期日) 地点...

「跑者无极」2019

5月5日 (日) 上午8时45分 (3小时45分钟)

@ 中环兰桂坊

能跑的,便跑吧! 繁华地区的路跑赛道丶山赛的难度加上非一般的比赛方式, 要你在中环1小时上落楼梯和大上落斜任跑, 你敢挑战吗? 比赛组别: 1) 半无极男女个人组 (成年/中年/先进) 半无极...

更多相关事件
上一篇博文

妈呀~ 我见过Madonna!真系见过~ — 麦当娜 "Rebel Heart Tour" 香港演唱会 2016 歌单及短评

2016年2月18日 (四) 上午11时54分

要数真.宇宙巨星,2个M,男的MJ,女的Madonna MJ冇见过,但终于可以见到Madonna 一票坚难求,有张飞在手,同刘备一样咁威威猪 入场前场外大量娱记在等明星们前来拜神 8:30pm开始,暖场DJ Mary M...

下一篇博文

五月天阿信对地震罹难小兄弟送上最后祝福

2016年2月23日 (二) 上午11时39分

早前台南地震中台南市维冠大楼倒塌,夺走咗黄妈妈一对儿子、刚出生十天的女儿和环抱保护妻女的丈夫的性命。顿时间,黄妈妈失去了一切... 一对小兄弟是五月天的铁粉,每次出门车上必...

留言