Timable

Calbee+ 概念店

作者: Timable, 2016年3月22日 (二) 下午5时11分


卡乐B概念店嚟到香港啦,薯片迷都等唔切去朝圣!啱啱开业,一定迫爆,想知究竟有咩特别?睇下小编报告啦!


呢到地方唔算大,大部份位置都摆晒零食架,所以都唔好諗住留喺店内食~ 其实系有上层嘅,但短时间内都唔会开放!


薯片当然系重点啦,总共有11种款式配搭俾大家拣。基本上都系原味薯片加上唔同嘅酱,例如芝士同朱古力酱;而「有味」薯片有两只,烧烤味同香港限定「避风塘香辣味」。


芝士酱同朱古力酱令到薯片更好味,如果唔系都真系几淡!而避风塘都系偏淡嘅,唔好预会好重口味,因为味粉唔系太多,睇颜色都睇得出,小编觉得有小小似热浪薯片。不过即炸嘅口感好好多,感觉无咁油腻,仲特别香脆!


而小编最最最惊喜嘅,竟然系呢到嘅「牛奶雪糕」!雪糕好滑好浓牛奶味,原来系用日本3.5生乳整嫁,薯片配雪糕真系perfect match呀,搞到停唔到口,话咁快食晒~ 最开心系,雪糕有得单买嫁!
小编推介避风塘香辣味+雪糕,姐系10号!一次满足晒所有愿望~


地址:香港湾仔皇后大道东200号利东街地下G14-15号 (合和中心对面)
营业时间:10:00am – 10:00pm
上一篇博文

巨型建筑围墙上的涂鸦

2016年3月18日 (五) 下午6时40分

涂鸦墙总可反映一个地方的文化,亦是一个城市的活力与创意之象征。如果可以把它们都一一留下该多好。 十位香港当代艺术家 齐聚中环艺术生活地标 H Queen’s 打造公共艺术项目 探索主题...

下一篇博文

「你下一个会睇嘅演唱会」产生噐

2016年3月22日 (二) 下午5时29分

玩法:(1) + 《(2)》+ (3) 演唱会 (1) 手提最后一个数字 0/ 黎明 | 1/ 蔡枫华 | 2/ 林峰 | 3/ 谢霆锋 | 4/ G.E.M. | 5/ 徐小凤 | 6/ 罗志祥 | 7/ 汪明荃 | 8/ 五月天 | 9/ 左麟右李 (2) 身分证括弧内数字 0/ 核心嘅...

留言