Timable

潮玩 Samsung Galaxy Studio

作者: Timable, 2016年9月5日 (一) 上午10时43分


Weekend闷闷哋,女朋友话唔俾我又系安排行街食饭睇戏咁闷喎!本来都諗唔到去边度好,好彩上一上Timable,又真系有好嘢介绍返!就系去太古城玩最新最潮嘅科技嘢-Samsung Galaxy Studio!


如果你以为净系玩新手机嘅就错晒喇!系有过山车玩!唔系挂?唔通Samsung而家连过山车都出埋?非也!系VR呀!即系Virtual Reality,虚拟实境,仲要系360度嘅!一坐上去张特制嘅4D体验櫈上面,扣好安全带,带埋个Gear VR,即刻好似去咗外国主题乐园嘅过山车咁,唔止你眼前身历其境,就算无将个头拧去边个方向,都一样咁似真实,绝无违和感!好喇,架过山车上到顶喇,女朋友捉住我只手捉到实一实,我心諗有冇咁惊呀,张櫈又冇离过地,离心极有限啦!点知...点知...系好离心嫁!典解嘅?典解嘅?!女朋友在尖叫,我就在享受坚离地嘅快感!玩完,我极开心,因为同玩真嘅过山车真唔系差太远,咁样女朋友就唔会咁快又嗌去海浪公园同滴滴皮,咁又悭返一千几百!除咗过山车,仲有激流划艇嘅虚拟实境,一样咁好玩!


玩完两个坐喺度嘅游戏,过隔离又有个4D健身体验,带埋Gear IconX无线耳机,同两个有完美身形嘅虚拟拳击手打Boxing,做运动之余又犹如亲历其境,真系非一般嘅运动感受!


玩到攰攰哋,系时候玩下新机啦!究竟Galaxy Note7有咩咁劲呢?除咗最劲嘅用只眼去解锁之外,劲在支S-Pen!最正嘅function系超方便cap图同埋整.gif!真系话咁易就可以将自己拍嘅片或者网上嘅影片整成.gif图share俾朋友,有时见到啲.gif真系忍唔住笑!而且支S-Pen仲可以放大同翻译,系几好用!上次女朋友部手机跌咗落水,身为男朋友嘅我又要跌几千蚊,你话如果Galaxy Note7早啲出就好啦,因为劲防水,防到可以放入水玩,咁除咗唔惊阿女朋友部手机跌多几次落水之外,同渠玩水水时都可以影相啦!嘻嘻!




用部Note7在水中央开完贝壳之后,过去玩埋智能机械臂帮女朋友画张靚靚画,然后再入去星星镜房影埋张360度嘅相,等渠有得铺上IG晒下有个咁好嘅男朋友嘛!玩到肚仔有啲饿,梗系去食好西啦!呢个时候,女朋友就话:「不如你买部Note7俾我,再去返转泰国玩水水影靚相吖!」我心諗:「那有钱…」



Samsung Galaxy Studio详情
地点:太古城中心2楼中庭及中桥
日期:即日至9月25日
开放时间:上午11时至晚上9时

如欲获取最新资讯,可浏览:http://www.samsung.com/hk/note7galaxystudio/
相关事件

Samsung Galaxy Studio

2016年9月2日-25日 上午11时 (10小时)

@ 太古城中心 2/F 中庭及中桥

领导全球消费电子品牌三星电子香港有限公司有见过往大众对Samsung Galaxy Studio反应热烈,现于太古城中心再度设置全新Samsung Galaxy Studio,正式揭幕。全新Samsung Galaxy Studio展示全新旗舰智能手机...

数码生活及车品博览2019

12月25日-27日 上午10时 (10小时)

@ 香港会议展览中心 1号馆

「数码生活及车品博览2019」将于2019年12月25至28日假湾仔会展一号展馆举行。资讯科技的应用,已经全面扩阔至大家的日常生活、娱乐消闲,甚至连下一代的教育都随着智能科技而变得更多元...

更多相关事件
上一篇博文

《寻找快乐时代》音乐剧场 — 访问 Mr 乐队 Alan Po

2016年8月29日 (一) 下午4时54分

「流行曲反映时代」,既陈腔滥调却又是金科玉律,每个时代的价值观、集体回忆、甚至是细节都通通反映在流行曲之上,而香港的音乐业亦曾经有过黄金时期。当大家在追BigBang追五月天之...

下一篇博文

石咏莉 "Sukie S My First Stage Live 2016"

2016年9月26日 (一) 下午12时01分

石咏莉 (Sukie),约十年前以女子跳唱团体Freeze成员身份加入乐坛,五年后单飞发展,去年更以独立音乐人身份自资推出大碟《听听Sukie's》,在音乐路上坚持努力付出的她,今年终于举行首个个...

留言