Timable

【布置超吸睛!】i.t blue block 全新概念旗舰店

作者: Timable, 2017年7月7日 (五) 下午12时17分

i.t 将会喺希慎广场6楼全层开旗舰店,入面有齐晒美妆护肤、生活小物、特式家品同饮食品牌,等你衣食住行都可以keep住潮!当中嘅STYLENANDA Pink Hotel就最得女小T欢心喇!听讲系以韩国明洞嘅STYLENANDA Pink Hotel旗舰店做蓝本,以酒店做主题,成间舖都系粉红色,再配埋白纹云石墙身,劲梦幻!


为庆祝开店仲推出咗3CE Lucky Bag,限量120个咋!韩妹们唔好错过~


除咗STYLENANDA之外,旗舰店仲有好多影相位畀大家尽情呃like㗎!好似呢个「1比1货车试身室」
,破天荒将废弃货车改装成试身室,再以粉蓝色重新粉饰。车外就以沙漠嘅加油站作主题布置,放置咗路牌、油筒等装饰,劲有外国公路feel。大家试衫之余记住影多几张相留念呀!


钟意影相嘅,仲可以去埋「多媒体互动专区」,入面有部「巨型相机」,其实系自拍照相馆嚟嘅,只要输入简单嘅个人资料就可以免费影相㗎喇~张相仲可以即时send去电话度,秒速呃like冇难度!


行街行到饿饿哋,又可以去SWEET MONSTER爆谷雪糕店买杯雪糕食下,又或者去7月下旬开幕嘅日本人气班戟店 FLIPPER’S 坐低慢慢叹件pancake,之后又可以再去血拼喇!





开店初期更会推出季节限定班戟,千万不要错过。

限定蜜瓜班戟


i.t blue block仲入手咗好多新潮牌,好似系ban.dō、F E L L A .、AMERICAN HOLIC、ANOTHER YOUTH等等。无论系男、女装,定系家品杂货,都一应俱全!睇嚟女小T都要约埋班潮人friend一齐去行下先得喇!

封面图片来源:Pinterest
上一篇博文

演戏家族《仲夏夜之梦》 2.0 音乐剧・朱栢谦 莎翁写的都是诗

2017年7月4日 (二) 下午3时30分

朱栢谦,一个听很久的名字,在不同媒介也见到的足迹,是怎样进入表演行业? 我中一至中三的时候就读沙田苏浙公学,当时的大师姐是邵美君,而驻校艺人是潘惠森老师,而我最好的朋友...

下一篇博文

Be our guest♫ 英国推出《美女与野兽》杂货超梦幻!

2017年7月10日 (一) 下午12时47分

前排一套《美女与野兽》电影,令到妹猪们发梦都想变成贝儿~又系嘅,入面啲戏服咁靚,又有俊俏嘅王子,仲有茶煲太太等得意到爆嘅精灵帮自己,女小T都表示很想要呀!而家机会嚟喇,...

留言