Timable

笑看KKBOX风云榜,「食老本」就是香港最核心嘅核心价值 — 小T现场实况诚实报导 第13届 KKBOX 风云榜

作者: Timable, 2018年1月22日 (一) 下午5时17分

YouTube 影片
一年一度一月一届风云榜!
小T第四年亲身参与KKBOX风云榜,今次漂向南方移师高雄巨蛋。
见到得奖同表演名单,就知今次又会系一场Good Show!


打头阵出场嘅系真天后aMEI张惠妹,观众们极之兴奋!
然后突然Down了下来,因为系唱《身后》…实在太令人感动嘅一首歌…
跟住唱姐卵作曲嘅《连名带姓》一样咁正!
第三首《你说了算》都是新碟嘅歌,好一个短短嘅完美Performance !
跟住到aMEI嘅「偶像」,就系「写歌给aMEI唱 我不是你偶像 我是你偶像的偶像」嘅葛仲珊Miss Ko,系劲嘅,点解人哋唱Pizza就得,我哋唱软雪糕就唔得嫁呢可~


到咗是晚重点之一,Chef Le Mon!
冇见十年嘅经典熨头熨Punk头再度出现!
《因为爱所以 爱》又系经典之一,小T当年读中学时唱K必唱!(年纪败露)
新国语歌《异想天开》而家上KKBOX可以独家优先试听再翻听啦!
跟住…当然系《活着VIVA》啦!现场当然系爆High 啦!!!
乐手仲包括王双骏、Supper阿鸡、Jason Kui、同鼓手阿权,个个高手,现场睇真系正到晕!
不过有人话Chef Nic有甩beat同唔啱音,原来系因为Chef Nic只Ear Mon出现咗问题,先令到Chef Nic表演有啲失准,主办同小T讲Chef Nic好好好重视个表演,彩排到好夜搞到早一晚冇时间唧朱古力之余,彩排嘅表现仲其实好过正场表演好多,真系好可惜 …不过事事力求完美嘅Chef Nic,可能会因此而想更快做返场完美嘅表演俾大家睇,听讲渠好似系想廸廸皮停车场开喎,o殊…


杨丞琳一口气连唱《青春住了谁》《失忆的金鱼》《仰望》《年轮说》好好听,由当年嘅可爱教主到今日嘅全能天后真系成熟咗好多喇,不过佼哥一tag李荣浩,丞哥就hang晒机啦~ (笑到喊)


到GEM姐出场,现场反应坚劲,仲劲过一啲台湾本地歌手!
唱咗《再见》同《光年之外》真心压场,然后同黄明志Gem咗只《漂向北方》坚系好正嘅!
老老实实,你话渠强味浓又好咩都好,渠唱到坚靠播放率连续2年入KKBOX十大系劲嘅!
你话渠鸠叫咩,其好友黄明志即刻唱返首《飆高音》♫ 因为你我飆高音 就连香港阿棋都为我叹息♫ 语带双关了吧 ~

到谢和弦,Sorly小T坚系冇听过渠嘅歌,唱第一只很冧冧猪的又跑足全场握手,咁偶像派小T都系坐阵先啦 (摇滚区好攰家嘛),点知第二首《爱不需要装乖》忽然好Punk喎,只歌又要几好听喎,乜咁多元嘅,究竟边个先系真正嘅渠?!有温柔一面又有型爆一面咁似我哋个柏豪BB嘅?


但今晚周柏豪就冇喇,周汤豪就有!
阿汤豪又Rap又跳,系好睇嘅,不如两个周豪整返场Battle吖又!


跟住有亚洲创作天王JJ林俊杰,连唱《圣所》《我继续》《黑夜问白天》《伟大的渺小》,真系正到爆,咩曲风都Carry到,Key可低又可高到爆,简直系亚洲Bruno Mars!(笑到喊)
JJ真心劲,每次去KKBOX表演都系将成个个人演唱会浓缩成20分钟咁Perform,好有Heart,冇得输!


到卢广仲,唱《鱼仔》同新歌《几分之几》为香港个唱热身喔!大家买唔买到飞呀?
一齐玩首《OH YEAH》玩咗好耐~


然后…终于…终于…终于到EASON喇!!!!
先来个Medley《土星环/你的背包/要你的 (interlude)/路...一直都在》!
其实Eason嘅国语歌真系好耐听,越听越好听!
《谢谢侬》间一间场,再来Medley《Aren’t you glad/与我常在/兄妹/想哭/我们都寂寞》正到核爆!
跟住,系KKBOX 2017华语年度单曲榜第一位,即系足金金曲《让我留在你身边》!
Eason唱得好High好放!放到走咗一粒音 (笑到喊)!不过阿臣走音都走到好似假音咁好听(笑到喊) (笑到喊)(笑到喊)!
电视直播之后,现场佼哥继续同Eason chit chat,唱咗几句《K歌之王》(国),仲一路唱住《十年》一路bye bye入后台。
EASON真系好好好好正呀!呜呀~

每一次睇完风云榜都唔知好嬲定好笑,但问嘅问题都系同一条「点解可以咁正?」
识嘅歌手,加埋超正Production,固然系正到爆;
唔识嘅台湾歌手,当场试听一下,你都会觉得渠哋真系表演紧,而唔系就咁唱只歌拎个奖咁(你懂的…);
歌手与音乐嘅多元,同观众嘅接受程度真系好高!
咁小T当然系同香港比较紧。
由谭校长年代到而家,主流都仲系舒情慢歌同悲惨情歌…
Rock呢?HipHop呢?EDM呢?唔系话一定要钟意一定要爆红,而系根本有人试都冇人肯尝试去接受…
MC Jin咪又系要由邻近国家爆红返返嚟先有得Rap返个银行广告,你估渠之前冇喺香港唱过咩?然后过咗一排连柠茶都冇得渠Rap…
Rock嘅呢几年好返少少,多得湿爬同Dear Jane等等,但都系仲未开到红馆...
颁奖典礼仲好笑,想当年叫四大颁奖典礼,而家有2个真系提到费事…
叱吒还好,总算系个有血有肉嘅Show,只系近年乐坛有点断层才导致「可观性」减低;
港台,今年看似进步了,将颁奖礼同个Performance分开,场表演Show睇落都OK的,阵容鼎盛咁,但睇落就唔对路,撑场的,仍然是左麟右李、太极、尹光、肥妈陈洁灵、郭富城、Eason…
新歌手呢?有呀!陈柏宇唱《爱的呼唤》周柏豪唱《一起走过的日子》啰…
喂~可唔可以有啲新嘢嘅呢?
你话渠今年系40周年咩?系呀~香港咪就系得最黄金嘅40年啰!
你睇风云榜,aMEI唔会唱《原来你什么都不要》杨丞琳唔会唱《暧昧》嫁,明知唱新歌观众唔会爆好反应都一定要做新嘢,因为你今日唔做,永远不会再有新经典,只会固步自封食老本!
几年来风云榜年年精彩,小T仲记得呢3年来嘅MP魔幻力量、兄弟本色、玖壹壹有几High!
今年有黄明志、周汤豪、谢和弦、小宇、J.Sheon、葛仲珊等,就算之后唔会keep住听 (边听得咁多吖) 都至少听过认识过。
而且,最重要的,年年都讲,人哋系普选嚟,用播放率去计,冇得倾冇得呃!
如果香港乐坛颁奖典礼有普选,我相信克勤唔驶等咁多年,一早修成正果,入够波就可以自由奔放再諗諗点样突破。
睇返近年KKBOX风云歌手(总播放率最高歌手),喂阿哥,唔系年年都有五月天周杰伦份嫁,真民意嘅嘢,香港识条铁咩~
冇办法啦~香港系老屎忽当道,老屎忽就系那些因为好忙所以僭建咗讲句Sor9ly啰就继续位高权重嘅人;但同时亦都系好忙于搵食嘅77岁阿婆就冇得一时唔小心而比人拉咗;
如果我是歌手,我都系乖乖地做几首情歌出嚟拍下广告拍下戏「食老本」搵钱分奖算啦!
试新嘢,有风险,观众唔受的,算啦~
记唔记得有歌手话「我讨厌政治」呀?

个Show嘅Production真系正嘅,「必应创造」梗系有求必应啦!
小T 喺摇滚区One Night Stood咗一晚睇唔晒啲舞台效果,返去睇Replay先觉更加壮观!
华语乐坛嚟讲,KKBOX风云榜以播放率嚟普选都可以算系最有代表性,如果大家想更多香港歌手得到呢个荣耀,大家都应该一齐用KKBOX听歌,边听歌边表达民意,用键盘嚟争取民主不嬲系香港人嘅强项嚟家嘛 ,大家比啲心机丧听,话唔埋下年可以推到柏宇BB上台北小巨蛋呢!大家加油!

华语乐坛需要KKBOX,KKBOX需要大家多多支持!
多谢KKBOX!

现场报导: 黑莓
相片来源: KKBOX 官方提供

相关事件

KKBOX 风云榜 第十三届

2018年1月20日 (六) 下午7时 (3小时30分钟)

@ KKBOX 网上直播

电视直播:ViuTV及ViuTV 网络平台现场直播 KKBOX网络直播:https://kkbox.fm/H2e6aZ 立即升级白金会员升级:https://kkbox.fm/N9Vvy2 想知风云榜最新资讯:https://kkbox.fm/P1tgAo *KKBOX网络直播支援360度、多角度...

五月天《Just Rock It 蓝 BLUE》演唱会 2019 香港站

5月3日-5日 下午7时15分 (3小时)

@ 香港迪士尼乐园 幻想道露天场地 (旅游巴士停车场)

Update 22/3/2019: 公布公开发售详情,加开一场,共6场,门票开售首日不经售票处售票 Update 20/3/2019: 公开发售详情有待进一步确定 Update 8/3/2019: 官方公布资料! 一如以往,五月天年年

郑秀文 #FOLLOWMi 世界巡回演唱会 2019 香港站

7月12日-16日 下午8时15分 (3小时)

@ 香港体育馆 (红馆)

Update 4/4/2019 官方公布公开发售详情! Update 16/3/2019 官方公布信用卡订飞详情! Update: 5/11/2018 有报导指红馆批了7月档期给Sammi,而许生就是8~9,两老婆就成2个月为咗红馆而返工喇! 被

「台湾民宿美食节」@荷里活广场

4月20日-22日 中午 (7小时)

@ 荷里活广场 1/F明星广场

台湾四季皆美,各季节都呈现出缤纷、色彩、多样的面貌,加上其优越的地理位置成为港人的后花园,不时于周末时间来一个快闪台湾,并入住当地各有特色的民宿,远离烦嚣投入一片天然疗...

更多相关事件
上一篇博文

日本直送!「雪肌粋」护肤系列登陆香港7-11

2018年1月22日 (一) 下午1时19分

KOSÉ同日本7-Eleven共同开发嘅护肤品牌 - 「雪肌粋」(SEKKISUI),终于喺香港都买得到日本直送嘅原装行货喇!以后想入货,就唔使下下等到去日本先有得买啦~ 今次引入嘅「雪肌粋」护肤系列...

下一篇博文

铁达尼号Rose + Justin Timberlake新戏合作演忘年恋

2018年1月23日 (二) 下午2时01分

《奇幻摩天轮》(Wonder Wheel)是活地亚伦(Woody Allen)编导的最新作品,继《情迷声色时光》后再度与三届金像奖得主、意大利传奇摄影大师维托里奥斯托拉罗(Vittorio Storaro)合作,联同《读爱》金像...

留言