Timable

唔使去日本!香港5大赏樱热点+开花预测

作者: Timable, 2018年2月20日 (二) 下午1时23分

新年刚过,3月又系樱花嘅季节喇!大家plan好几时去日本赏樱未先?!冇钱冇假期嘅,其实留喺香港都一样可以欣赏到美丽嘅樱花㗎~不过要赏花,都要夹啱时间嘅。根据往年经验,嘉道理农场樱花会系最早开(回带:钟花樱桃x梅花 嘉道理农场有得睇 http://timable.com/blog/1579517),之后其他地方就会陆续于大概2月下旬开始开花,视乎天气而定。而想睇樱花满开嘅朋友,就可能要等到3月上旬甚至系4月上旬喇。

长洲关公忠义亭
长洲忠义亭内种咗十几棵台湾山樱树,系全港最大型嘅樱花群。属温带粗生植物,花嘅颜色非常鲜艳,花形细小而密,喺初春开始开花。期间唔少游人都会慕名而来,好多时都人山人海。预计将会喺3月上旬开花。




将军澳单车公园
将军澳单车公园亦都系另一个赏樱热点!一嚟喺市区,交通方便;二嚟附近仲有大草地同唔少玩乐设施,啱晒一家大细嚟玩~不过呢度嘅钟花樱桃树就比较疏落,同时背景亦都有好多高楼大厦会入镜~预计将会喺3月下旬开花。



香港中文大学
中文大学有两处地方都种有樱花树,分别系中大联合书院校巴站旁边嘅绯寒樱,同埋新亚书院知行楼宿舍出面嘅河津樱。预计将会喺3月上旬开花。




大帽山扶轮公园
公园内有38棵由由台湾送赠嘅绯寒樱,开花时节全株无叶,花朵则密布枝桠,花姿清丽壮观,吸引咗好多人嚟影相打卡!预计将会喺2月下旬至3月上旬开花。


大埔科学园
喺科学园嘅巨型金蛋附近种有10几棵樱花树,相对于其他赏樱景点比较无咁多人,可以静静咁欣赏樱花嘅美~预计将会喺3月下旬至4月上旬开花。




图片来源:instagram / 民政事务局Facebook专页 / 香港中文大学、中大传动Facebook专页 / 香港初级行山之友Facebook群组 /

撰文:小文青
上一篇博文

茶是唇膏浓!韩国innisfree推出11种茶香味有色润唇膏

2018年2月14日 (三) 下午2时24分

唔知大家身边有冇茶叶控呢?有时返工做到攰攰哋,冲返杯茶饮下,真系索一索舒筋活络,成个醒神晒!最近韩国innisfree就推出咗茶香味Lip Balm,足足有成11种香味,啱晒茶叶控慢慢闻呀! 11...

下一篇博文

云石控要尖叫喇!韩国星巴克推出云石系列水杯

2018年2月27日 (二) 下午12时57分

之前同大家介绍过韩国星巴克嘅情人节猫猫杯系列(回带:猫奴注意!韩国星巴克限定 情人节猫咪精品系列 https://timable.com/blog/1586607),话咁快又有新品推出!今次系云石系列呀~~~ 介绍...

留言