Timable

除夕倒数好去处 2019

作者: Timable, 2018年12月14日 (五) 下午6时24分


眨下眼一年又过去,今年好似发生咗好多大事,但已经成为过去啦!新一年就要向前望,所以小T同大家睇定倒数有咩好去处~

香港除夕倒数烟火汇演2019


倒数睇烟花是常识吧!地点都系维港啦,都系咁多人嘅海旁度逼啦,但仲有力气去逼代表你仲系好后生呀系咪!今年仲有四色嘅「许愿流星」烟火呀!

详情:https://timable.com/event/1723322

天际100 2019年跨年倒数烟花派对


如果又想睇烟花但又唔想逼,可以考虑买Sky 100嘅跨年倒数烟火套票。除咗有烟花睇之外,今年Sky 100仲请咗爵士乐队同嚟自加拿大嘅唱作歌手Lisa Melfi作现场演奏,同大家一齐倒数!

详情:https://timable.com/event/1739793

ICC声光耀维港 除夕倒数


唔想睇烟花嘅,咁灯光show又啱唔啱呢?ICC声光耀维港早排换咗新一辑灯光音乐表演─「音乐游踪」,而除夕倒数当日亦会有特备灯光节目呀!大家可以去中环国际金融中心商场 (ifc mall) P3及P4公众露天平台观赏。

详情:https://timable.com/event/1743728

「CHEERS TO 2019 倒数派对」@东港城


除咗室外倒数活动,有唔少商场都搵咗唔同嘅明星同大家一齐跨年㗎!东港城就搵嚟郑秀文Sammi首次参与商场倒数活动,联同刘浩龙(师兄)、菊梓乔(Hana)、谭嘉仪、 简淑仪、鄺洁楹及丁子朗一齐同大家玩游戏迎接新一年呀!

详情:https://timable.com/event/1741859

「Alice & Friends除夕梦幻倒数狂欢派对」@ 新城市广场


新城市广场就有努力搵奶粉钱嘅陈柏宇(Jason)、休团后以个人发展嘅C AllStar成员梁钊峰、陈健安同埋有ToNick呀!如果你叫Alice嘅话,仲可以换领VIP贵宾最佳欣赏专区入场证2张。

详情:https://timable.com/event/1743931

「除夕倒数2019大派对」@荷里活广场


有型男爸爸陈豪同一众TVB艺人,包括王浩信、唐诗、余德丞、吴伟豪、姜丽文、唱家班大孖周志文同「是咁的」林景程出席跨年骚,唱歌俾大家听!

「最炫MOSTown跨年之夜2019」@MOSTown新港城中心


崔宇植将会首度强势袭港,与全港粉丝一同迎接新一年。为答谢香港粉丝的支持,崔宇植将秘密苦练广东话与香港粉丝沟通,更会在现场大玩甜蜜游戏!同场更会有准妈妈陈凯琳及三位女神龚嘉欣、谭凯琪及陈庭欣助阵,与现场观众齐齐开心迎接2019!

文:NC
上一篇博文

麦当劳甜品站「甜麦麦.阿华田」新地甜品系列大热回归!

2018年12月13日 (四) 下午5时11分

终于等到啦!深受大家欢迎的阿华田®新地甜品系列再度降临麦当劳甜品站,再度引爆连串脆脆滋味惊喜!12月13日起,麦当劳甜品站为你呈献期间限定「甜麦麦. 阿华田」新地甜品系列。「阿...

下一篇博文

太空版尸杀列车?科幻主题VR game《星际浩刧》

2018年12月14日 (五) 下午6时39分

CyberX VR系香港首间大空间VR馆,提供两只VR game,分别系第一人称射击游戏《利刃出鞘》,即系食鸡,同埋《星际浩刧》。《利刃出鞘》早前小T已经介绍过啦(传送门:https://timable.com/blog/1709691 )...

留言 (1)