Timable

5个必要现场睇KKBOX风云榜嘅理由!(今年仲要唔驶飞台湾,香港就有得睇)

作者: Timable, 2月8日 (五) 下午3时53分


一年容易又风云榜!
(究竟有几多篇年度大事嘅Review都系用「一年容易」嚟开头?)
唔经唔觉,小T已经第4年亲身飞过台湾睇风云榜,年年都觉得咁值得,今年一样咁精彩嘅同时,仲要有好消息俾香港嘅乐迷!


一开场,由曾经做过压轴嘉宾嘅老萧打头阵,萧生永远都咁压!
之后耿上就系日本代表乃木坂46!
小T系听Jpop大嘅(年龄败露),近年真系有啲被Kpop抢晒风头嘅感觉...
睇到Jpop女团现场表现莫名感动,真系湿晒,I mean眼框
超かわいいですね!


毕书尽真系劲咗,几年前睇渠都仲冧猪系,今年唔止继续韩风,仲有啲日本视觉系,又有啲西洋风
茄子蛋台语摇滚系好正嘅
宇宙级电音天王Alan Walker cross-over Julia 吴卓源同周兴哲真系惊喜又High爆


此时工作人员就举牌叫大家唔好跳喇,喂呀,人哋都有豆腐渣工程㗎,只大蛋烂尾烂咗咁多年添啦,香港传媒唔好日日都报条沙中线有几6+1啦,大家睇睇下就惯嫁啦,包容下啦
佼哥做咗咁多年MC,今年出碟做表演嘉宾好圆满,而表演有点叔版林宥嘉嘅感觉!
到Super Junior...好颠,小T就快聋,现场分贝系全晚嘅总和嘅十倍...
咁Kpop男天团又真系好好睇嘅,《Black Suit》《Sorry Sorry》同《Bonamana》跳得太好丁了吧~
到压轴嘅台湾天后Jolin,表演同样好好睇,真心天后级巧正呀!


睇咗几年,小T总括咗点解KKBOX风云榜咁好睇仲要现场睇嘅5大原因!
1/ 曲风多
音乐光谱之阔真系叹为观止
流行、HipHop、摇滚、电音样样齐
好似一队八三夭咁,玩3首歌都已经玩咗3种曲风,相比香港别的颁奖典礼大部份都系情歌,真系冇得比!

2/ 够国际
年年风云榜都有外国嘅表现嘉宾
过往都系以亚洲为主,今年仲有西洋嘢
老老豆豆较少睇KPop嘅小T今次都可以亲身感受Super Junior嘅厉害,真系眼界大开~
有得睇乃木坂46同Alan Walker当然系正到爆!

3/ 神制作
睇呢类大型除咗睇歌手们本身嘅表演之外,识睇一定系睇Production!
风云榜表演单位之多,舞台变化不下于最Top嘅小巨蛋演唱会,甚至可以话更复杂,因为咩都系一Take过,唔似天团巡回200几场有得Tune完又Tune
其实,演唱会制作都系台湾其中一样好Proud of的东西!

4/ 劲有爱
现场最好睇嘅,就系电视直播时间嘅广告时间,MC同现场观众嘅互动
睇咗几年佼哥(今年变咗表演嘉宾),今年系LuLu,渠哋都好体贴
知道三粒半钟嘅Show大家都唔容易顶,有好多Off Camera同现场观众嘅交流同互相支持,都系睇直播完全冇得睇嘅,所以话,识睇一定系睇现场!

5/ 真普选
投票一定最公平?民主一人一票一定系最好?
哗!好政治学好哲学好社会学好House of Cards喎~定系小T系蓝尸反民主?
冷静啲先,今年香港咪有个颁奖礼选咗个諗都冇諗过嘅我最喜爱男歌手啰
事后大把评论小T唔在此重复,不过如果将选举摊开到大家每日听歌嘅Daily Life中去反映真实意向,似乎真系比一窝蜂去「造票」来得更有代表性喎
Any肥,一次性投又好,摊开成年嚟投又好,香港点都冇另一个真普选嘅音乐Top10吧?!

「今日香港,明日台湾」就听得多,主要系警告嚟...
「今日台湾,明日香港」就真系未听过,不过可以实现喇,咁鬼正嘅KKBOX风云榜,今年终于.嚟.香.港.喇!

最后确定演嘉宾阵容包括容祖儿、卢广仲、张敬轩、谢安琪、蔡健雅、Supper Moment、
陈柏宇、C AllStar、Gin Lee 李幸倪、AGA、菊梓乔等等.......

第一届KKBOX 香港风云榜就已经有咁嘅阵容,点可以唔睇?!
立.即.扑.飞.呀~http://kkbox.fm/V20ieX

相片来源: KKBOX Facebook Page
相关事件

KKBOX 香港风云榜

3月12日 (二) 下午8时 (3小时30分钟)

@ 香港会议展览中心 展览厅5BC

华语乐坛最具影响力的年度音乐盛事「KKBOX风云榜」颁奖典礼,过去13年于台湾见证过不少歌手于乐坛上的努力,与歌手及乐迷见证一幕又一幕的感动时刻。今年适逢KKBOX香港踏入10周年,将献...

歌莉雅 "gloriAlive" 音乐会 2019

10月15日 (二) 下午8时 (2小时30分钟)

@ 香港演艺学院 香港赛马会演艺剧院

香港独立唱作人歌莉雅 Gloria Tang 即将举办《gloriAlive》个人音乐会! 歌莉雅(Gloria) 有着『Hi-Fi碟小天后』的美誉,对音乐非常有热诚的天生音乐人。出道时为独立唱作女歌手,擅长创作不同风...

《美丽的阴暗》多媒体建筑音乐剧场 进念.二十面体

9月27日-28日 下午8时15分 (1小时20分钟)

@ 香港文化中心 大剧院

从阴暗中发见生活之美 谷崎润一郎,被日本文学界奉为经典的审美大师,虽他自称对建筑完全是门外汉,但千言万语,在着作《阴翳礼赞》中便以光与影来告诉建筑的意义。何只建筑,我们...

许靖韵 "My25 Live" 香港音乐会 2019

8月17日 (六) 下午8时15分 (2小时30分钟)

@ 麦花臣场馆

KKLIVE宣布将于8月17日举行许靖韵(Angela) 首个香港个人演唱会《My25 Live》, 是次演唱会是Angela出道6年来第一个于香港的专场售票演唱会,以《My25》为主题是因为去年25岁是她急速转变的一年,...

更多相关事件
上一篇博文

睇定喇喂!情人节精选DIY礼物提案

1月31日 (四) 下午1时26分

又到咗一年一度嘅情人节,相信男男女女都开始烦紧...丫唔系,系諗紧送咩礼物好,年年都系送花送朱古力再加餐烛光晚餐,真系你唔厌我都觉得冇新意啦~ 衬而家时间尚早,不如今年就送...

下一篇博文

春暖花开!Starbucks推限量春日樱花系列

2月15日 (五) 下午12时23分

春日来临,樱花逐渐绽放,香港星巴克相约您提早赏樱,更率先准备多款春日樱花系列商品,作为您2019年赏樱旅程的最佳伙伴! 八款限量春日樱花系列商品即日起于全线香港及澳门星巴克推...

留言