Timable

成功争取!艾粒4月红馆激战!

作者: Timable, 3月8日 (五) 上午11时04分


华仔早前流感失声,红馆开show时一度哽咽,个唱被迫腰斩,申请年尾补飞失败,无数fans伤心欲绝。另一边厢,本港骑呢系二人男子天团I Love You Boy’z(艾粒)宣布,成功争取4月红馆首场演唱会,渠哋笑言要请华仔做嘉宾!今年出道17周年,唔知艾粒喺台上又会带畀fans咩惊喜呢?

一个叫浦铭心,一个叫董哲

艾粒成军17年,热茶会冷,曲奇会碎,每队组合总有不和传闻。被问到艾粒系咪扮friend,阿占大爆其实眼前见到并非事实。「其实我地系一路有个剧本,有一team编剧写紧,我哋唔系真人,系演绎紧个故事。」阿奴话︰「我真名叫浦铭心。」占︰「我真名叫董哲,我哋幕后班人叫蓝定宁。」奴说︰「故事主要讲个女人好麻烦,然后写咗只唱片。」一个阿占一个阿奴,抽干阿Kay同Juno。

今年吒咤,古天乐勇夺我最喜爱的男歌手,反应两极。几时到艾粒?艾粒不以为然︰「男歌手、女歌手、组合,喺小众讨论区已经拎晒!」「……讨论区得三个人。」听落唔太恨攞奖,占奴仲话︰「现今(香港)全部都系啲 group,都系小众,只系争在有几多人。」好玄!


红馆尚未成功?去问许廷铿

红馆被视为香港歌手嘅最高殿堂,档期紧张,唔少歌手抽极都抽唔到,就连华仔都申请唔到,但艾粒好似不费吹灰之力就申请成功,有咩想同渠哋讲?阿占串串贡一句︰「唔放弃都未必会成功。」两子自爆六年前每个月不断入纸,坚持六个月但都抽唔到,决定放弃,矢言「以后唔申请」,但之后又申请,「当无咗件事。」所以唔系一击即中。阿占话,小编呢条问题应该问许廷铿,「听闻渠一次就申请到(红馆)。」艾粒笑言有三个字有送畀许廷铿,第一个字系「你」字-你好野!

首度红馆个唱,如果开卖首日卖得3张飞,会唔会让给刘华?艾粒表示,曾经諗过不如高价炒给华仔,但搞得一场,set up完都完。两子更笑言照用艾粒个名搞,请华仔来幕后代唱;又或者请渠做嘉宾,即使唔唱但出现,fans都会好开心,到时卖得一定唔止3张飞!

黄牛不黄牛?又想又唔想

黄牛飞向来系歌手天敌,不过艾粒话,to be or not to be,就等如当年女人街有无翻版碟,就知啲歌受唔受欢迎。当黄牛变成歌手人气指标,「真系又想又唔想。」渠哋话,一场红馆show有三样必讲︰除唔除衫,有无嘉宾,有无黄牛;笑言不如自己搞show,自己炒黄牛。「自己钱自己赚返,最后畀人拉系我自己。」被人拉点算好?渠哋话有好多法律罅,被人拉,咪搭头上面架直升机走!(危险动作,切勿模仿!)


红馆上演「人肉打桩机」

咁边啲人应该嚟红馆睇show?艾粒话,「所有有份推我地入红馆嘅人,千千万万个细姨妈。」渠哋亦鼓励未入过场睇艾粒的人买飞,通常都喺YouTube度睇免费片,但睇片不如睇live,现场表演总会令你意想不到!可否透露一下,有咩表演非红馆不可?如果阿Kay开红馆,《囍帖街》非唱不可,谁不知身边人献策,无非都系无厘头表演︰「踩鸡蛋、揈大旗、揈水发。」两人结论︰「香港人工作压力真系好大。」

讲到压力,红磡居民都好大压力,事关红磡站工程地底出现剪钢筋问题,疑似短桩,红馆万人空巷,观众齐齐郁,容乜易搞到沉降?阿占忆述上次《开光大典》,以及一次音乐平台show,观众反应投入,全企位,反映香港人工作压力好大。「rundown做乜都唔紧要,但唔畀渠地郁,担保唔到。」阿奴就话,话唔定观众郁下郁下打返实d桩︰「就好似人肉打桩机,希望政府畀返个好市民奖我哋!」

到时on show,会设几多厕所位?「全场都系厕所位!」艾粒指,搞show好大程度都希望香港人喺忙碌中释放压力,本身身体已经唔够健康,如果「有尿唔屙」,反而贯彻唔到艾粒精神。占奴打趣︰「想屙即管屙,台上都有得畀你屙!」

「艾粒 you 屙!」

相关事件

I Love You Boy'z《艾粒 Boom 红馆激战》演唱会 2019

4月5日-6日 下午8时15分 (3小时)

@ 香港体育馆 (红馆)

Update 18/2/2019: 公布咗详情啦! Update 1/1/2019: 叱咤场刊confirm咗系4月5日啦! Update 6/12/2018: 丹爷亲口确定艾粒成功Book到4月红馆档期呀!准备抢飞喇喂! Update 1/11/2018: 收到路边社消息,艾粒成功...

张智霖 红馆演唱会 2020

2020年4月1日-30日

@ 香港体育馆 (红馆)

张智霖Chilam近日宣布咗个好消息,就系渠继2011同14年开过个唱后,将会喺2020年4月喺红馆再次开演唱会,暂时目标开3~4场,原本Chilam旧年系拎到红馆期嘅,但因为电影工作太忙,就退返个期俾...

周国贤 红馆演唱会 2020

2020年4月6日-8日

@ 香港体育馆 (红馆)

Update 22/11/2019: 小明方皓玟宣布拎到2020年复活节档期,即系大概将霆锋嘅9日期一分为二,周仔要半前,小明后半,计埋搭台拆台,预计2~3场啦! 集气开红馆演唱会集咗好耐好耐嘅周国贤,终...

陈奕迅 "Fear and Dreams" 演唱会 2019 香港站 (节目取消)

12月9日-12日 下午8时15分 (3小时)

@ 香港体育馆 (红馆)

Update 21/11/2019: 演出取消公告 《FWD富卫保险 陈奕迅 Fear and Dreams 香港演唱会 19/20》是Eason阔别红馆六年后的首个香港大型演唱会,经连月筹备彩排,台前幕后已一切准备就绪,要将最精彩的演...

更多相关事件
上一篇博文

人气芋圆店「鲜芋仙」登陆铜锣湾!

2月25日 (一) 下午4时32分

喺台湾同内地都拥有超高人气嘅芋圆店「鲜芋仙」即将登陆铜锣湾,而家已经喺装修阶段,相信香港嘅芋圆控好快可以食到喇! 「鲜芋仙」嘅芋圆有好多唔同配搭,最高人气嘅一定系「鲜芋...

下一篇博文

东京超治愈迷你猪Cafe登场!

3月8日 (五) 下午3时08分

猫狗cafe大家就去得多,有冇諗过猪仔都可以成为cafe嘅主角呢?日本东京就有一间迷你猪cafe全新登场,喺楼高四层嘅cafe里面有多只超可爱嘅小猪陪大家玩。据讲一众小猪都好嗲好热情,仲会...

留言