Timable

[率先试玩] Kitty Intelligence beta展览

作者: Timable, 2011年8月7日 (日) 下午8时46分

黑莓见乡讲正苦话派o个6千蚊迟迟都未到手,就唯有频频接Timable o既Job (接近最低工资). 当接过只job到手时, 黑莓同Timable渣Fit人讲: 喂! 派错Job呀你! 呢只猫上次咪做左啰! 派下访问刘心悠o个d笋Job俾我好喎! 可惜渣Fit人搞着gag回应: 猫唔怕旧,最紧要受! 做多次啦你!
黑莓睇清楚d,ye…系喎,的确唔系上次只水晶猫Job,有冇咁多猫呀?! 好想即唱返句: 我的字典里没有Kitty,我好想杀死你~
不过,见唐英年就快做特首,香港快将沦陷,黑莓唯有搵得几多得几多,Hello Kitty,怕你冇咀么?! 我做!

讲就讲得型,要我自己去采访只猫,就等如要我去采访关菊英一样,即系讲不出声…所以,小记立即zebra,搵左Kitty猫超级fans橙小姐来帮手,仲带埋渠个御用摄影师, 黑莓连相都唔驶影,斋同PR吹水,爽乎? 其实一点都不爽.像我这一种男人要了解呢只猫,难过要我理解美债与全球经济关系好多...

大门口o既巨型Robot K!

讲返正经野,呢个Kitty展览已经系第3年o系香港搞. 而讲正确d, 其实并唔系Kitty展,而系Sanrio展,只不过渠最红,就当左系渠Solo show咁,但当然Kitty猫都的确系成个Show o既主角. 成个主题叫做Kitty Intelligence beta,而成个展馆就叫做Sanrio Robotics Institute. 原来个展览,并唔系斋睇同俾d 港女影V字手势相再火速上载fb,亦唔系斋用黎check in同tag返自己男友,而系好有故事性,仲有游戏玩添~

唔好咁心急,o系度慢慢听埋briefing先开始玩啦~

解构Robot K!

入场人士原来要角色扮演做工程师,帮手o系研究生产Kitty猫机械人Robot K(咁渠同叮当friend唔friend?) o既实验室入面行晒7个Departments,完成任务就可以储分换礼物. 至于换咩礼物,就系换配件比工程师们手上的Robot K并将之强化! (好劲的中文grammar) 要注意喔,入场时系要买200几蚊o个只门票先有得拎只Robot K同埋玩游戏. 如果系100蚊o个种标准门票就只可远观,不可亵玩了! 港男们要注意喇! 如果你买左冇Robot K o既飞,睇下你女友仲会唔会tag你…

只Robot K咁cute,点舍得唔要呀?!

而且只Robot K仲会同而家d 真宠物一样,身入面装有晶片,每玩1个game前都要o系全场15个passport位之一用只Robot K 如8达通般o都一o都拎张pass先,而玩game前都要再o都一o都来check in储分,又几劲喎! 黑莓冇諗过星期6黎采访Kitty展系要带个脑来思考的,如此新奇,有埋橙小姐解释俾我知,我以后就叫渠做新奇事橙...(OK烂嘛?)

D环境系咪好有电影感呢?!

咁o个7个部门o既任务系咩呢, 黑莓唔会o系度讲晒,留返d神秘感比大家自己去探索! 不过,每个部门o既布置都十分靚同精细,实在冇念过o系个商场o既临时show可以布置得咁好. 好多detail位,都尽显左唔同Sanrio角色o既性格,而且好有故事性,难怪橙小姐同PR小姐异口同声话: 今年比往年的精细得多了! 不过,如果冇公关部专业带队讲解o既素人朋友们,可能就要再用多d 眼力同心机,先至会发现到d精妙之处喇.

做咩射Kitty???? 哦~ 唔系射渠,系帮渠上螺丝o者~

D装饰靚到呢~

除左玩game,当然不少丧影相位. 据说今年o既影相位比过去的又多左. 不过大家o系丧影o既同时,唔好唔知原来o系当日o既指定时间内Check out(即系玩完走人),又可以得到冇得卖o既清洁布一块,用黎抹下你只心爱o既Robot K. 所以,你想丧影900张相po上fb定系想拎块别注清洁布,就要念清楚了! 不过最简单o既方法就系玩多次,因为手执Robot K的话,再入场就可以买100蚊o个只飞而有得玩埋game储分! 咁就可以一次唔理时间丧影,一次就快快玩完game储分即闪拎块布啦! 负责俾$的男友们系咪憎我呢?!

Robot K都病病了...

咁就要帮渠地急救下喇~ kaka~ XD

纵然小记对Sanrio一系列的卡通角色零兴趣,都不得不赞日本人的创意,精细同认真,渠地真系会将每一样野做到最好. 而有某些位,冷酷如我都会Git一声笑鸟… 真系唔赞渠cuite都唔得. 当然,生意头脑亦系日本人的强项之一. 如果你想将你只Robot K强化到像Transformer咁劲,你就要好多配件,即系要好高分同埋玩好多转先得喇! 就算你放弃强化,近出口位的高科技合成影相区(要影就记得唔好着绿色衫)同埋纪念品售卖部都会锯到你(个男朋友)一颈血...男士们小心大出血! 不过日元创新高,o系呢度出血,似乎好过要去日本出血. 去日本o个只叫卖血,o系呢度小小地都只系叫捐下血咁o者~

=====后记=====

1/ 有睇过无记d 剧集o既粉丝都知,d 剧连罐可乐都要遮logo或者用罐假可乐,所以有时剧情需要讲Hello Kitty时都会懒系食字懒系cutie咁讲成Hello Mimi. 不过呢,原来呢, Hello Mimi系真有其猫的,仲要系Hello Kitty个穿屎细妹啰...原来只系我的字典里没有Mimi...

2/ 黑莓今次唔驶影相,相对地得闲,就R野同PR小姐倾下计. 我提议,不如谷下自由行宣传,等渠地包团落黎睇,一定赚多好多$! (小记上个月睇黄子华舞台剧都遇见好多自由行,好恐怖...) 不过大家o系世博之后都深明自由行o既破坏能力比起布殊仔o系伊拉克最终都搵唔到o既大杀伤力武器更强! 所有经过渠地手o既野,都会分解成粒子o既状态,俗d讲就系渣都冇得净. 不过,反正个show唔会周围巡回(有d似五月天o既香港限定Just Rock it!咁),d野烂左,收多左入场费,在商言商都有赚. 不过,唔好忘记我们伟大的祖国仲有另一样超级国粹 – 山寨! 倘若某位老板级自由人陪渠那位全身LB的妙龄2奶落黎行Kitty展,见到商机无限,马上将Kitty展山寨了,到时全国都系山寨猫展,日本仔就得不偿失了! (不过黑莓觉得山寨版Kitty展应该仲好睇! 一定好爆笑=p)

3/ 冇Dear Daniel o既? 渠地分左手喇?

到最后有得同Sanrio家族同照呀~ (乜原来Miffy唔系渠地d friend黎嫁咩???)

Timable特约记者: 黑莓
女模: Orange
摄影: PS So
超级鸣谢Orange同PS So仗义相助~
06/08/2011
相关事件

Kitty Intelligence beta展览 @愉景新城

2011年8月11日-12日 上午11时 (10小时)

@ 愉景新城 Discovery Park

Kitty展今年首度移师荃湾愉景新城举行,整个设计更是首度由​日本Sanrio创意总监亲自监修,粉丝们可以闯入全城最大的迷​宫布局的Sanrio Robot Institute(S.R.I.)高科技学院,接受7个部门的培...

香港动漫电玩节2019

7月26日-29日 上午10时 (11小时)

@ 香港会议展览中心 展览厅1,3

每年在暑假黄金档期举行的香港动漫电玩节,已成功举办了20届,辉煌成绩有目共睹,在推动动漫电玩产业发展、为发展商开拓商机、为动漫电玩爱好者提供最佳搜购机会等各方面都照顾周全...

「村上隆 对战 村上隆」大型展览

6月7日-8月30日 (逢五) 上午10时30分 (10小时30分钟)

@ 大馆 赛马会艺方 及 17座F仓展室

大馆当代美术馆隆重举行大型个展「村上隆 对战 村上隆」,带来日本艺术家村上隆(1962年生,日本东京)的作品。展览于2019年6月1日至9月1日开放,探索这日本着名艺术家引发的多元化文化...

泰滋味旅游Fun @元朗广场

6月14日-23日 上午7时 (16小时)

@ 元朗广场

泰王单车游路线推介 多仔爸爸出游秘技 一蚊出曼谷机票 新鸿基地产(新地)旗下的元朗广场将举办《泰滋味旅游Fun》,首度联乘泰国政府旅游局举行《泰滋味旅游Fun》主题活动庆祝父亲节,活...

更多相关事件
上一篇博文

巴克莱亚洲锦标赛 决赛: 阿士东维拉 vs 车路士

2011年7月31日 (日) 上午2时31分

就咁,继Hello Kitty同Fiona Sit我系唔识之后,波,我都系唔识的! 不过,见咁大队车路士飞到过黎香港,仲要系对返英超,唔驶我飞过去英国睇,作为Event达人,冇奶油唔到下啦! 相就照影啦,讲就唔识讲嫁喇,...

下一篇博文

[全纪录] Suede The Greatest Hits Tour Live in Hong Kong 2011

2011年8月13日 (六) 下午5时52分

继一连串Kitty猫同Fiona o既Job之后,终于有只Job系黑莓满心期待的,仲要系超级期待o个只,就系Suede Live in Hong Kong 2011!!! 话说黑莓生于香港典型公屋家庭,听4大天王长大,细个时唔知咩叫英文歌.直至...

留言