Timable

[率先试玩] Hello Kitty in Oz - The Lost Chapter展览

作者: Cyder, 2012年7月18日 (三) 下午7时23分


各位准备拯救Oz世界嘅勇者, 现在就可以行动喇! Timable一如上年, 为大家率先披露今年Hello Kitty in Oz - The Lost Chapter展览究竟有乜野, 等会去嘅人可以plan定条玩尽全场嘅路线, 又可以引诱下d仲諗紧去唔去嘅人, 至于果d死都话唔去嘅人, 你睇埋篇文至讲啦! :D

好, 等我简短咁介绍一下呢个展览。其实呢个展览系第4届Sanrio展览, 即系除左Hello Kitty之外你仲可以见到其他Sanrio公仔, 例如超sweet嘅Little twin stars、好可爱嘅玉桂狗, 仲有为配合今年「森林」嘅主题, 由平时系唔识飞嘅企鹅变身乌鸦嘅X.O.等等。今年Hello Kitty展又搬返去KITEC喇! 对第一次去嘅小记而言, 一入场已经觉得大到都唔知由边度开始玩起! 配合森林主题嘅装饰都非常精美, 小记影完左面嘅稻草人屋, 又想入去狮子森林睇, 点知同行嘅黑莓又同PR姐姐行左去好巨型嘅铁甲人间屋, 真系花多眼乱!


今届展览希望入场嘅观众, 化身成拯救Oz世界的勇者(稻草人、铁甲人、狮子, 入场时随机分配), 攞住只Hello Kitty游戏装置, 入去玩晒7个关卡游戏, 加上与「同类」嘅勇者结盟赚额外积分, 就可以凭分换配件同Hello Kitty游戏装置「装身」喇! 自问自己都唔系呢只无嘴猫嘅粉丝, 但小记睇过d配件实物衬o系Hello Kitty游戏装置上面又几靚喔, 玩完放呢只连配件嘅装置o系屋企都好靚呀!


左上: 场内有几个印章机, 印出来唔系普通嘅墨水印, 而系凹凸印!
右上: 其中一部结盟机, 只要o系场内搵到个相同角色嘅勇者, 放两个游戏装置o系机器适当位置, 就可以换取更多额外积分喇
左下: 用来check积分嘅机都特别靚lol
右下: Hello Kitty游戏装置! 个靚靚紫色蝴蝶结就系积分换返来架

今年嘅游戏关卡唔同上年, 可以不分先后次序玩, 见到边度少人就玩左先喇! 每个游戏只系可以玩一次, 部分游戏程序简单, 不过唔知力度同唔熟场地玩起来都几复杂, 所以记得要睇清楚游戏玩法先开始呀! 以下等小记一一话比大家听个别游戏有乜要注意啦!


游戏1: Corn House [上图左]
只手o系堆火柴上拨拨下烧粟米, 仲要系烧好卡哇伊嘅粟米~ 记得要慢慢拨, 因为个sensor都几敏感, 一拨得太快就会烧焦左条粟米, 咁就当输一分都无架喇! [小记影相呢下仲烧得好靚, 下秒就烧焦左喇...]

游戏2: Wood Factory [上图右]
好简单, 见到几多条线就劈几多下, 见到花花就唔好劈。小姐们记得唔好太轻力, 会sense唔到架! 男士们又唔好太大力, 因为会fail, 当你输架!


游戏3: The Warehouse [图上]
要抱住只半个人咁高嘅Hello Kitty公仔, 避开农夫嘅Sensor眼, 用公仔手入面嘅sensor拍台上嘅sensor当拍熄个闹钟, 然后返去起点。记得听清楚农夫醒嘅时候嘅声, 比渠醒左即系sensor开左, 咁你就要用d障碍物避开喇! 只公仔设有大人同小童size, 非常细心!

游戏4: Tin Man’s House [图左下]
o系开始游戏嘅时候留意pattern, o系附近厨柜上搵返个pattern, 敲几下认住发出嘅声, 然后走到屋嘅另一面o系部机度认返个声出来。个人认为呢个游戏好难玩, 一来无贴士底下好难搵到个图案, 二来到时好多人就可能会听唔到个声, 甚至行到过去部机度都已经唔记得个声...

游戏5: Kuromi Tent [图右下]
你好记性嘅话玩呢个游戏真系会屈机。好简单, 记住六张牌嘅先后次序, 然后顺序拍返出来。小记记性麻麻, 唯有同黑莓每人记三个, 但都要玩多几次先赢到… 建议大家记牌上一d特征, 例如太阳, 月亮等等。

游戏6: The Dark Forrest
行经一条好黑嘅路, 游戏开始时就对树上红灯亮起嘅眼大声吼一下, 个灯熄左就得喇! D灯嘅距离都几远, 大家一整熄左一个灯记得要快身后转!
(个森林太黑,落闪灯又冇晒feel,唔出相,自己来睇啦~)


游戏7: The Last Chapter [即系打大佬!]
注意入左翡翠城部分就无得返转头架喇! 记得玩晒以上6只game, 搵人结埋盟先好入去! 上左去呢个巨型Hello Kitty头嘅台之后, 就可以玩最后一只game! 玩法好简单, 对住个好似俄罗斯方块嘅巨型萤幕, 见到字母就推下个掣, 乱码就唔好接, 就系咁简单。特别之处系可以居高临下对住个巨型萤幕玩game好特别, 加上四周巨型嘅装饰, 突然觉得自己细粒左好多, 无咁大份… 哈哈!


其实大家如果唔想玩游戏, 都可以买普通门票入去睇下靚景影下相, 兼买限量版Sanrio精品! 除左一入场就即有精美多用途袋送, 如果o系限时完成游戏离开Oz世界仲会有特别版信封同图章贴纸送添! 另外, 7月26日同8月2日都系Big Hat Day! 只要你o系入场前展示你嘅Big Hat [size大过 15cm(高) X 20cm(直径) ] 就可以获得别注版postcard架喇!!

睇玩系咪好想亲身去玩呢? 展览详情就要留意o系我地网站嘅事件喇!

「Hello Kitty in Oz - The Lost Chapter」展览在Timable的事件:
http://www.timable.com/event.php?eid=41751

编者按:
冇咀猫呢年闹到满城风雨,估都估唔到Hello Kitty呢个名会上港闻版,"被接受"政治任务拆僭建炸弹,七一游行,港人戥渠唔抵,话思歪"冇咀都屈",齐齐为Kitty平反,仲"传闻"Dear Daniel唔钟意渠同思歪有路,提出分手云云.

得啖笑吧~ 不过家阵香港真系满城尽是冇咀猫,港闻完了,到老麦卖猫,之后又到了年度Kitty展! Kitty猫已经无孔不入,渗透左我地o既生活. 黑莓身为港男,冇奶油会like呢只猫. 不过,经过2年o既采访,都不得不佩服日本人o既细心同用心. 所以,各位港男,如果你有幸陪女友黎睇Kitty展的话,除左要忍住个银包赤赤痛之外,都可以欣赏下呢个展o既details,我相信总有一两野会令会心微笑一下.

Timable特约记者: Cyder
编辑/摄影: 黑莓

相关事件

「Hello Kitty in Oz - The Lost Chapter」展览 @KITEC

2012年7月19日-8月5日 上午11时 (9小时)

@ 九龙湾国际展贸中心

背景 近日遥远的Oz世界中流传着一则噩耗:「2012年将是Oz世界的终结」,最高领导人巫师吉蒂为改变世界终结的命运,遂把天书中的年历章节抽走。可是,当天书失去一个章节后,主宰Oz世界...

"Overheated"​ 艾默格林 x 德拉塞特 展览

3月26日-5月4日 (除日外) 上午10时30分 (8小时30分钟)

@ MDC Massimo De Carlo

艾默格林 & 德拉塞特的个展 “Overheated” 将在Massimo De Carlo 香港画廊的三楼改造成一个不一样的布置:一个废弃的地下锅炉房。艾默格林 & 德拉塞特延续他们把艺术空间改造成其它环境的做法...

「无边的色相」何大钧陶艺展

4月1日-26日 上午10时30分 (9小时)

@ 中艺画廊

位于华润大厦的中艺2019全新概念中艺画廊将由4月1日起举办为期三星期名为「无边的色相」的陶艺展,展出香港着名陶艺家何大钧先生笔触层次分明及神形兼顾的陶艺作品,希望借此能让参观...

"AUDREY by Bob Willoughby" 摄影展

3月22日-7月27日 (逢二至六) 下午2时 (5小时)

@ F11 摄影博物馆

2019年是Audrey Hepburn 90岁的冥寿及知名摄影师Bob Willoughby逝世10周年纪念。这是首次在香港展示Bob最令人怀念的一系列拍摄Audrey的作品。是次展出的90幅相片象征着Audrey诞生90年,由F11摄影博物馆...

更多相关事件
上一篇博文

[现场直击]「STAY.REAL.KIDS.我.是.细.路」当代艺术展 开幕 @海港城

2012年7月12日 (四) 下午7时02分

图: 阳光普照,宜开张 STAYREAL这个名字, 如果不是五迷, 可能不太熟悉。 五迷这个名字, 如果不是台湾乐迷, 可能不太熟悉。 五迷意指五月天的乐迷。 而STAYREAL乃五月天主音阿信, 跟潮流界艺术家...

下一篇博文

Timable专访 香港国际电影节协会 节目经理 郑子宏

2012年7月22日 (日) 下午1时37分

一年一度的夏日国际电影节(SIFF)终于来了!小记对SIFF的印象,除了去年看过的佳作《情迷午夜巴黎》,再之前就只有听过其名,没有深入认识过。SIFF 2012星期一便开始售票了,今年有台湾气...

留言