Timable

[亲身体验] 秋日婚纱、婚宴及结婚服务博览

作者: Timable, 2012年8月12日 (日) 上午2时30分


Timable越来越强,今次同婚展合作宣传! 身为支持网站,当然要到现场感受下幸福气氛啦!

o系呢个婚展,当然有齐晒结婚o既一切所需。成个博览会分左5个展区,包括婚纱摄影区、婚宴囍酒区、嫁囍钻饰区、婚礼服务区同埋美容扮靚区。


一入会场(从中间1C入口进场),就见到好多hotel o既booth,由个booth o既design唔多唔少都睇得出间酒店o既style,有grand的,也有型的! 当然,除左hotel,仲有酒楼拣啦! 一对情侣说:「后生仔一般都系钟意酒店的啦! 型D嘛~ 不过有时都要就下老人家同budget,所以真系要睇多几间,睇下价钱同小心比较下有咩包有咩唔包啦! 但最紧要都系老婆钟意…」驶唔驶咁冧呢,我又唔系TBB记者,我唔会出你个样的喎~


行过少少(向左手边行),劲闪,原来系钻饰区,咪讲笑,真系好闪,基本上香港主要卖钻饰o既公司都o系齐度,而且专系for结婚钻饰。但重点系呢度o既sales系真系serve我地,而唔系自由人…所以,如果真系要搵结婚钻饰的话,呢度绝对比起MK/TST/CWB舒服好多!


再行过d,一阵酒香,红酒是也。红酒系而家婚宴唔少得o既,但有时惊唔够饮(中国人尤其系老人家就最讲面子啦),会买多左。放心,有d酒商提供回购服务,即系多得济渠地会收返! 当然,系咪原价收返就好depends on酒商o既offer啦。咁,记得行多几间喇!


行入去比较入的位置,见到好多models(真人&假人),就是婚纱礼服区! 女士一生人只要穿一次婚纱(虽然香港每年有接近2万单离婚,ha!赶客),当然唔可以求其啦,呢度咁多间婚纱店,唔怕你拣唔o岩,只怕你唔够脚骨力。

o系婚纱店中间,依稀有几间decoration o既booth。小记过往几年去饮,都唔太觉个场有d咩好特别o既deco,甚至都系叫d 兄弟姊妹缚下d花咁o者。不过o系呢几个booth o既deco又几特别,有d好有主题,有d带点浮夸,可能呢d特式deco会系黎紧几年婚宴o既trend,就黎设宴o既情侣可能要考虑先dec为快了!

再行远少少(近1E入口),就到左成个婚展o既另一重点,亦系小记最想睇o既区,就是婚纱摄影区! 随着数码单反o既兴起,而家人人都可以做Photographer,当然唔系人人都影得好,但就造就左一d有技巧o既个人摄影师出来自立门户,于是影婚纱相就唔驶好似上一辈咁一定要去影楼or帮衬那几间九龙塘了。

呢间o岩倾: http://www.MoselleWedding.com

而婚纱相o既模式亦由过往九龙塘宫廷式转向户外发展(我姑且称之为台式),当时见到蓝天碧海的婚纱相的确好耳目一新,不过睇左几年,又开始有d闷。于是有人开始玩主题,如怀旧,电影感等,都有d唔错o既作品,不过有部份都玩得太夸张了(个人认为)。o系婚展入面,传统、户外、主题的婚妙摄影都有齐晒,任君选择!

Timable小记最爱: http://www.facebook.com/PopArtWedding

不过,当中有一间系小记由旧年o系地铁见到广告之后就一直钟情的 – Pop Art Wedding。甚么是Pop Art? Andy Warhol吧! (Sorry, 小记中学Arts是fail的) 即系婚纱相其实唔系影张婚纱相咁简单,而系后期加入好多graphic黎营造好多效果,可以系似广告,似电影海报,或者就系一张平面设计o既作品。小记专登来此counter采访一下,果然有所得着。客服小姐跟小记讲:「我们算系市面上第一间Pop Art的Pre-Wedding Photography Company。市面上已有copycat,但我地坚持保持quality,每张作品都是根据客人要求/故事去度身订做的,绝不template,绝不罐头!」很高兴可以有一间有理想有坚持又有Quality的公司。至于价钱? Well,的确不是蔗渣o既价钱,但作品有烧鹅o既味道。利益申报, Pop Art Wedding唔系(未系)Timable的客,不过小记如此sell法,会唔会有discount?


婚展其实除左以上咁多booth比准备结婚o既情侣行之外,主舞台都有好多节目丫! 有亚洲青年婚纱时装设计大赛,又有婚纱Catwalk,有表演,仲有明家教路Talk等! 真系冇准备结婚o既都可以拍住拖入黎行下! 今次miss左? No problem啦! 下次又好快举办! 记得留意Timable公布喇~

Timable祝各情侣终成眷属~

后记:
一条佬行婚展梗系奇怪啦,但小记鸡毑咁大个Press Pass挂o系心口喎,某些booth o既态度都几唔合作,冇野o既,唔合作的,你估我会唔会介绍你丫~


秋日婚纱、婚宴及结婚服务博览 第68届 on Timable:
http://www.timable.com/event.php?eid=41816

Timable采访: 黑莓 (11/08/2012)

相关事件

秋日婚纱、婚宴及结婚服务博览 第68届

2012年8月10日-12日 中午 (8小时)

@ 香港会议展览中心 展览厅1

全城瞩目时尚婚嫁盛会第68届秋日婚纱、婚宴及结婚服务博览将于8月10-12日于香港湾仔会展举行。场内800个婚嫁摊位,划分为五大展区,提供一站式婚嫁服务,是香港最大规模的婚博会。场内...

「家传食谱小回味」展览

5月31日-7月28日 (除一外) 上午11时 (7小时)

@ PMQ 元创方 味道图书馆, H504 室, 荷李活 B 座

自2017年开始,家传食谱工作坊一直在味道图书馆持续举行,最初是由策展人欧阳应霁先生主持,旨在分享最家常的菜式,到最近期的主持人何Lili与不同嘉宾一起下厨示范和分享故事。家传食...

"SUBLIMEY" Szabotage个展

5月8日-8月10日 (逢二至六) 上午11时 (8小时)

@ Art Supermarket

Hong Kong art gallery Art Supermarket is pleased to present SUBLIMEY, a solo exhibition of selected works from British street

香港动漫电玩节2019

7月26日-29日 上午10时 (11小时)

@ 香港会议展览中心 展览厅1,3

每年在暑假黄金档期举行的香港动漫电玩节,已成功举办了20届,辉煌成绩有目共睹,在推动动漫电玩产业发展、为发展商开拓商机、为动漫电玩爱好者提供最佳搜购机会等各方面都照顾周全...

更多相关事件
上一篇博文

[率先试行] 希慎广场 Hysan Place - 铜锣湾新地标

2012年8月9日 (四) 下午4时55分

早前Timable同大家介绍过铜锣湾的新地标"希慎广场Hysan Place"8月10日 1:30pm 就正式开幕喇~ 今日(8月9日)Timable获邀率先参观,先睹为快,大家睇完呢篇报导,听日去玩时就唔会盲中中了! 首先,点去先? ...

下一篇博文

Timable专访《失身1234 My First Time》陈慧心 茜利妹 白只 袁伟豪

2012年8月16日 (四) 下午7时40分

若果问你的第一次何时发生,你总不会答我中国人何时第一次登钓鱼台,香港人何时第一次得奥运金奖,或者你何时第一次俾阿妈打。我们自不然把「第一次」联想到第一次Sex! 第一次Sex是何等重...

留言