Timable 事件

阮民安《没有国泰 还有民安2.0》演唱会 2019

时间 10月1日-12月31日

地点 待定

费用: 全企位: $721(套餐) / $380 / $280 | 学生免费

阮民安 - Tommy Facebook (6/9/2019)

我要同大家宣布:

没有国泰,还有民安2.0演唱会,正式召集!!!呢个Show 今次会有埋英文名,The Title is “NO CX, STILL HAVE TOMMY BOY 2.0 concert” Thank You!

呢个演唱会无任何大台(即系无主办单位,因为大部分香港嘅演唱会主办单位都系好蓝嘅,道不同,不相为谋),所以今次呢个演唱会,我决定系免费招待全香港小、中、大学生!!!只要各学生可以出示有效学生证进行登记,当日就可以免费入场!

由6月9号到依家,呢个抗争运动已经差不多成三个月,几时会完,无人会知,因为一日未见到香港人要嘅结果,我哋一日都唔会停!呢三个月入面我哋一班手足、年轻人,为香港嘅未来牺性太多喇!

呢段时间,我收到好多唔同 inbox 同我分享渠哋嘅难题,有对香港绝望嘅,有想自杀嘅,有失恋嘅,有自身问题嘅,每一个我都好认真去聆听渠哋嘅故事同埋尽力去开解渠哋,但每一次听完之后我都会喺度諗...究竟我仲可以做啲咩去帮大家呢?

有人叫我参选区议员,但呢样嘢责任太重大啦,我未有资格胜任!

呢个漫长嘅抗争路上面,我觉得大家都需要有一个小出囗去减轻一下压力,尤其系喺831我同大家喺铜锣湾唱完歌之后,我感觉到大家好似搵到一刻嘅快乐(虽然喺唔够十分钟后港岛又突然变天),咁我諗一个艺人喺香港有困境嘅时候就系需要发挥到令大家放松嘅功能,而大家对我有呢个诉求,所以我就直接衍生咗呢场演唱会出嚟,去回应大家嘅诉求。

因为呢个 show 有一个难以估计嘅问题就系
—究竟最后有几多人登记嚟睇同买飞呢?

所以我同团队决定先用十日(即由9月7日午夜12时开始至到9月17日午夜12时止)去接受大家嘅登记同购票,再会用七日去点算同埋统计同决定演出场地,然后会喺9月30日之前公布演出场地,同日期。(万一book唔到场,100%会即时退票)

日期方面,我地喺点算总人数会立即同场地协商,演唱会会定喺10月,11月,12月呢三个月入面嘅其中一个星期五,呢个安排系因为唔希望影响到香港人每个周末嘅抗争日程,如果万一大家咁支持呢个show而令到人数有需要开超过一场,嗰一场我地只会安排向前褪,即系如果星期五埸full咗,就会加一场喺星期四,如果都full就会加一场喺星期三,如此类推!

另外再一次同各手足讲,今次呢个show 我哋一定要多人,俾所有香港人知道我哋就系自己都可以撑起一个属于香港人嘅show!

到时见!!!


$721 打狗价 套餐包括
  • $380 门票 x 1
  • $380 门票 x 1 (呢一张系你帮手赞助一个学生入去睇嘅门票,无错,虽然我系咪都会免费请全香港小,中,大学生睇骚,但都唔排除有有心人士希望请学生睇骚的。)
  • [还有民安] [极权对抗] tee x 1

所以最终你会收到 1 张门票同一件 tee (tee 将于演唱会现场派发)

预订
网上预订
9月7日 零时 - 9月18日 零时

(已完结)
相关事件

方皓玟 红馆演唱会 2020

2020年4月10日-13日 下午8时15分 (3小时)

@ 香港体育馆 (红馆)

Update 22/11/2020: 小明方皓玟宣布拎到2020年复活节档期,即系大概将霆锋嘅9日期一分为二,周仔要半前,小明后半,计埋搭台拆台,预计2~3场啦! 方皓玟 FB November 22 at 8:05 PM · 想同大家分享一...

周国贤 红馆演唱会 2020

2020年4月6日-8日

@ 香港体育馆 (红馆)

Update 22/11/2019: 小明方皓玟宣布拎到2020年复活节档期,即系大概将霆锋嘅9日期一分为二,周仔要半前,小明后半,计埋搭台拆台,预计2~3场啦! 集气开红馆演唱会集咗好耐好耐嘅周国贤,终...

Green Day 香港演唱会 2020

2020年3月20日 (五) 下午8时 (2小时30分钟)

@ 亚洲国际博览馆 Arena

Green Day于十年后再度踏上香港舞台,为香港歌迷带来只此一场的表演。这队曾五次入选格林美奖摇滚名人堂衔头的乐队将于2020年3月20日(星期五)

更多相关事件