Timable

又越過高山又越過低谷 — 專訪林奕匡

作者: Timable, 2016年2月22日 (一) 下午5時55分


「你快樂過生活.我拼命去生存.幾多人位於山之巔俯瞰我的疲倦」今天的林奕匡 (Phil) 相信已經擺脫低谷,以高山為目標,努力向前奔跑中!由加大拿隻身來港追尋音樂夢,Phil有的是勇氣與毅力,憑著《高山低谷》一曲嶄露頭角。平時熱愛運動的他更成為今年首次來到香港的國家地理頻道Earth day Run大使!同大家一齊跑過高山同低谷!

P: 林奕匡 Phil | T: Timable

T: 以前一直於加拿大生活,後來才來香港入行發展?
P:
係呀,以前住喺溫哥華對面一個小島嘅小鎮上,當地人口只有六千人,係一個退休生活好地方。由細到大都有留意香港,會聽廣東歌、睇香港電視劇,所以都學到唔少廣東話!嚟香港發展係因為之前參加全球華人新秀拎到唔錯嘅成績,有唱片公司俾機會,但因為自己想完成學業而錯過咗。但就令我開始想嘗試以音樂為事業,所以畢業後再嚟香港搵唱片公司。

T: 加拿大與香港最大的分別是?
P:
香港係一個City,地少人多,去邊都好方便。而加拿大就郊區比較多,有時想買嘢都要搭幾程車,娛樂亦相對少啲。

T: 平日喜歡做什麼運動?
P:
鍾意做Gym,會打籃球、跑步,好多運動都會試吓玩,但就冇樣精,哈哈~
如果天氣好會鍾意約朋友跑步,覺得由A點跑到B點好有成功感,比起跑步機感覺更好!

T: 做運動時會否一邊聽歌?
P:
本身對音樂拍子好敏感,唔同歌嘅拍子都會影響自己步伐,所以平時比較少聽,但長跑比賽就會聽,特別係去到中後段要鼓勵自己,需要多啲Energy就會聽快歌。


T: 除了音樂、運動,覺得生活中有什麼是最不可缺少?
P:
食嘢啦哈哈!當然仲有係朋友,好鍾意約朋友食飯、傾偈、行街。好好彩係近幾年可以識到唔少可以交心嘅圈中朋友,會互相明白大家嘅辛苦、難處。我哋得閒都會約出嚟,食下飯、做運動。

T: 作曲靈感多數源自什麼?
P:
平日聽好多唔同嘅音樂,香港主要嘅音樂係情懷歌或者有Story嘅歌,自己作快歌嘅靈感都係由其他音樂而來,No music is totally original!

T: 除了作曲,有嘗試填詞?如果自己作曲,又會否與填詞人溝通自己想表達的意念?
P:
有自己填詞呀!但因為中文唔好,所以多數填英文詞落Demo,唱完有時都會放上網俾fans聽,覺得Demo比較有最原本嘅靈魂。大部分歌都唔使特別同填詞人溝通,因為佢地好有觸覺,知咩詞適合個歌手。好似《高山低谷》咁,公司搵陳詠謙寫嘅時候,話如果依首歌再冇反應,可能就係我嘅最後一首歌,跟住謙就用咗好耐時間寫咗《高山低谷》出嚟,係想表達當你淨返一口氣,你會想講咩。

T: 覺得自己走到山的什麼位置?
P:
唔知自己係咩位,但會一直努力向前,以更高為目標,只要一直keep住前進,一定會更好。


T: 作為Earth Day Run大使,有什麼使命呢?
P:
一個人嘅力量好少,我會盡所能將環保訊息傳俾年輕人,同時自己都學多啲點去環保,為地球出一分力。

T: 今次受惠機構是地球之友,你本身是不是環保的人?
P:
覺得自己可以再做好啲,例如去做運動時自備水樽,可以減少使用即棄膠樽。最唔鍾意係有啲人太懶,試過見到有鄰居將垃圾就咁扔係大廈門外,其實垃圾站行多幾步就有,見到就覺得嬲!

T: 現在的香港人普遍不太開心,你認為如何可以令大家多一點正能量?
P:
好多時問題出現了,好少人會反思自己嘅過失,我喺自己低谷嘅時候,都會問自己有冇責任,係咪應該謙虛啲、學多啲嘢。大家都愛護同一個地方係好重要,因為個城市係屬於大家嘅,互相守護先會有美麗嘅事情出現,好似我首歌《頌讚詩》咁。留意多啲身邊美好嘅事物,係唔滿足嘅時候,諗吓世上有好多不幸嘅人,而我地好幸運可以係福地生活。

T: 剛出了唱片,今年有什麼計劃?
P:
我個人比較簡單,鍾意一步步咁實踐自己嘅工作,可以入行同走出低谷係因為寫歌,所以希望今年可以寫多啲歌,不論係寫俾人定係自己,至於開音樂會就要睇緣份。


國家地理頻道將於4月17日於香港首次舉辦Earth Day Run,活動於白石角海濱長廊舉行,有10公里及3公里賽事。Earth Day Run是以環保為主題的慈善跑, 善款將全數撥捐地球之友。是次活動旨在令公眾認識世界地球日(4月22日) ,齊齊關注環保,發放綠色正能量!國家地理頻道Earth Day Run 2016宣傳大使林奕匡當日亦會參與,約定你一起為地球而跑!有關活動詳情及報名方法,請瀏覽香港國家地理頻道Facebook專頁或按以下連結: http://goo.gl/7z0mOy , 現已接受報名, 名額有限,立即行動啦!

相關事件

國家地理頻道 Earth Day Run 2016

2016年4月17日 (日) 上午9時 (4小時30分鐘)

@ 科學園白石角海濱長廊

國家地理頻道Earth day Run於台灣及菲律賓已大規模舉辦了數年,今年首次將此活動帶到香港,希望藉此活動令更多香港人認識及了解世界地球日,為地球出一分力。 活動目的 透過受歡迎的大眾...

寶礦力水特 RUN CARNIVAL 2019

12月1日 (日) 上午7時30分 (8小時30分鐘)

@ 香港科學園

每年都約定大家一齊#GoRunGoFun 嘅寶礦力水特Run Carnival 已經開始接受報名喇! 跑手除咗可以攞走一set新設計嘅限定紀念品外,今年場內仲會添加唔少新元素,等大家盡情玩返日!年寶礦力水特...

香港高爾夫球公開賽 2019

11月28日-12月1日

@ 粉嶺香港哥爾夫球會

全港歷史最悠久的體育盛事 —— 第61屆「香港高爾夫球公開賽」將於環境優美的粉嶺香港哥爾夫球會內隆重舉行。為期四日的賽事吸引一眾世界級球星訪港作賽,場內更有不同的娛樂節目,...

《致》音樂會

10月5日 (六) 下午8時 (2小時)

@ 賽馬會創意藝術中心 JCCAC 賽馬會黑盒劇場

「 一個關於生命的音樂會 」 — 《 致 》Yours Faithfully 惠比受首個宣傳器官捐贈音樂會 器官移植受贈者 ‧ 真人真事 ‧ 經歷分享 ‧ 「披上天使的羽毛 延續愛與希望」 惠比受將於10月5日及6日...

更多相關事件
上一篇網誌

媽呀~ 我見過Madonna!真係見過~ — 麥當娜 "Rebel Heart Tour" 香港演唱會 2016 歌單及短評

2016年2月18日 (四) 上午11時54分

要數真.宇宙巨星,2個M,男的MJ,女的Madonna MJ冇見過,但終於可以見到Madonna 一票堅難求,有張飛在手,同劉備一樣咁威威豬 入場前場外大量娛記在等明星們前來拜神 8:30pm開始,暖場DJ Mary M...

下一篇網誌

五月天阿信對地震罹難小兄弟送上最後祝福

2016年2月23日 (二) 上午11時39分

早前台南地震中台南市維冠大樓倒塌,奪走咗黃媽媽一對兒子、剛出生十天的女兒和環抱保護妻女的丈夫的性命。頓時間,黃媽媽失去了一切... 一對小兄弟是五月天的鐵粉,每次出門車上必...

留言