Timable

寬頻+手機計劃比拼!中國移動香港至抵計劃!

作者: Timable, 1月25日 (五) 下午4時45分


話說屋企個寬頻合約就到期,本身用緊黃色嗰間寬頻真係好貴,差唔多成3百蚊一個月。收工約左呀媽食飯,諗住等佢收工期間就順便去格下價,睇下邊間平啦。

佢開俾我嘅續約價係$338/月,1000MB,用左咁多年啲月費都只有升冇跌,都係轉台攞新客優惠把啦。

咁我就去左橙藍色嗰間寬頻睇先,平均$245.5/月,仲要俾安裝費$680。之後去左聰明台,就$128/月,但冇嘢送。最後去埋附近間CMHK,佢哋嘅流動服務月費夠實惠就係人都知啦,去到見到有個新推出咩二合一服務,咁就好奇問下係咩啦。

原來係個寬頻+流動通訊二合一服務,係俾新客嘅優惠計劃,只要手機攜號轉台就用得呢個plan。月費就$238包左1000M光纖寬頻再加4.5G全速本地服務計劃20GB+FUP。睇真啲,原來喺本地計劃以外,仲有大灣區服務計劃6GB+無限限速數據,即係二選一,鍾意多啲本地數據,定係要喺中國內地、香港同澳門都用得嘅大灣區計劃,自己揀,算係有彈性。簽合約就24個月,仲話可以豁免我第一個月月費,咁計落平均都係$228/月。

最方便嘅就係佢可以一張帳單過,就算我手機用緊C記,寬頻用埋同一間公司,都係分開兩張帳單分別俾錢嘅。但呢個計劃就淨係交一個月費就包左手機同家居上網兩個服務,平之餘又好方便,適逢約滿嘅大家都可以考慮下轉用呢個計劃,真心覺得抵用👍
上一篇網誌

小編推薦 — 新年不容錯過五大必去處 !

1月22日 (二) 下午7時04分

「每條大街小巷 每個人的嘴裡 見面第一句話 就是恭喜恭喜。。。」🙏🏻🙏🏻 聽到呢首歌,就知農曆新年又就快到啦,作為香港最大型嘅傳統節日,相信大家已經開始安排定新年去邊玩,...

下一篇網誌

巴膠注意!九巴大富翁特別版 首次登場!

1月28日 (一) 下午6時54分

九巴大富翁特別版 棋盤以香港道路圖為藍本 一眾巴士迷除了收藏巴士模型外,現在還有新產品可以收藏,就是香港首個以巴士作主題的大富翁。 九巴大富翁的棋盤以香港道路圖作為設計藍本...

留言