P助與粉紅兔兔繽紛跑 2022

Update 4/4/2022:

『P 助與粉紅兔兔繽紛跑 2022 @香港限定』將會延期至 11 月 6 日

由於香港新冠肺炎疫情仍然嚴峻，確診數字持續高企，預期香港政府對大型活動所實施之社交距離措施將會延續，主辦單位無奈地決定再度順延已改期於 2022 年 4 月 24 日舉行嘅『P助與粉紅兔兔繽紛跑[email protected]香港限定』，暫定舉行日期為 2022 年 11 月 6 日 (星期日)，活動場地不變 - 香港科學園。

主辦單位為是次活動一再延期向各位『兔粉』致歉，並希望各位能夠諒解，大會仍然希望盡一切能力舉行實體活動，為大家帶來一個美好的體驗。

如任何參加者未能出席 2022 年 11 月 6 日之活動，可選擇申請退款，請電郵至 [email protected] 提出申請（電郵標題註明：P 助與粉紅兔兔繽紛跑退款），大會會於參加者交還號碼布後，即場退回港幣 $50 報名費，申請退款之參加者將不會獲發完成獎牌，詳情將於電郵回覆內說明。

請注意：所有參加者必須持有號碼布方可進入活動場地，屆時所有參加者亦需要遵從特區政府所頒布的最新防疫及社交距離指引。

大會希望各位『兔粉』能夠繼續參加是次活動，同 P 助與粉紅兔兔一齊跳著繽紛跑，跑完之後仲會有萌爆完成獎牌。

如有其他任何查詢，歡迎各位透過電郵聯絡我們，亦請大家密切留意 Facebook 專頁及 Instagram 最新消息。

再一次感謝各位支持！

---

Update 7/1/2022:

跑手包領取通知
https://www.facebook.com/ksarunhk/photos/a.118296917265446/138689735226164/

---

Update 4/1/2022:

『P 助與粉紅兔兔繽紛跑 2022 @ 香港限定』延期通知

有鑑於近日與新冠肺炎變種病毒 Omicron 相關輸入個案持續增加，香港政府對大型活動實施嘅防疫措施同安排有所收緊，主辦單位決定順延原定於 2022 年 1 月 23 日舉行嘅『P 助與粉紅兔兔繽紛跑 2022 @ 香港限定』，暫定舉行日期為 2022 年 4 月 24 日。

大會明白呢個決定會令好多已期待很久嘅『兔粉』們失望，希望大家能夠諒解，大會承諾會盡一切能力舉行實體活動。如任何參加者未能出席 2022 年 4 月 24 日嘅活動，可選擇不參與延期活動，領取繽紛跑手包 (不包括完成獎牌) 及退款 HKD $50 報名費。

有關領取跑手包嘅安排將會稍後公佈，請大家密切留意我哋嘅 Facebook 專頁同 Instagram 最新消息。

不便之處，敬請原諒。

---

「P 助與粉紅兔兔繽紛跑」將會喺 2022 年 1 月 23 日（星期日），於香港沙田科學園舉行，喺風景宜人嘅海濱長廊，邂逅 P 助與粉紅兔兔，萌到爆燈~ 可愛到令人尖叫！不過大家記得尖叫完就順便叫埋你身邊嘅「兔粉」出來吧！


P 助同粉紅兔兔對疫情及各位跑手嘅健康表示關注好細心咁同香港主辦單位溝通過，確保活動將會如期舉行；假如活動真係因為疫情緣故而有任何變動，主辦單位都應承咗 P 助同粉紅兔兔會喺活動舉行兩個禮拜前通知參加者有關安排，請各位「兔粉」放一萬個放心！

活動分為不同賽程及組別，主要分為計時賽及歡樂跑（非計時），無論是想挑戰自己 PERSONAL BEST 或者想試試路跑嘅朋友仔，都可以搵到適合自己嘅組別。

活動更設有孖住組 - 2 人同行參與，最啱情侶、閨蜜一起參加！而 1.5 公里歡樂跑 Fun Run，就可以自己揀個人組或家庭 2 人組，爸爸媽媽仲可以帶埋 3 歲至 12 歲的小朋友參加，一齊Family Day。

＊個人組 5KM 第一組及 3KM 第一組將可競逐獎項，而其他組別及起跑時間均不設競逐獎項～