「『唔准諗，即刻玩！創作人俱樂部』市集」NOAH × 大打邊爐

你知道每年創作家，有多少個未出世但會驚天動地的意念，被白白浪費嗎？

答案係⋯⋯無限個呀！

意念一瞬即逝，皆因你冇玩！
世間所有流芳百世佳作，都係玩出嚟！

NOAH 聯同本地創作品牌「大打邊爐」及創作媒體「打邊爐研究院」，誠邀一班香港本土原創藝術家，一齊玩一齊畫！

彷如香港打邊爐嘅文化一樣，自由多元，和而不同，創意圍爐，落乜都得！



活動包括
「抽象送禮台」－會不定時現場隨機向一位客人派發禮物！
小型攤位遊戲－「響鈴還須按鈴人」及卡牌遊戲「大打邊爐」試玩會！
市集會有大打邊爐同非實力派一齊大玩特玩！
仲有地鐵車廂佈景同 Moving Drawing 一齊畫
仲有仲有 練黑龍 即刻講即刻寫
仲有仲有仲有 塗黑 畀佢聽你嘅故事佢畫番出嚟
仲有仲有仲有仲有⋯⋯