李克勤 ‧ 港樂演唱會2023｜《弦續》

上Viagogo交易平台 (非官方) 購票 https://prf.hn/l/9mMRyvW
(買家需自行承受風險)

---

Update 26/4/2023:

下月將會與香港管弦樂團舉行紅館演唱會的李克勤今日（26 日）推出新歌《弦續》，並同步開心宣佈，六場紅館火速爆滿，現加開 5 月 20 日終極尾場，5 月 3 日公開發售。

---

Update：

由於反應熱烈，「AXA 安盛 presents 弦續李克勤‧港樂演唱會」將會加開 5 月 18 - 19 日兩場！4 月 12 日公開發售。

---

久違六年，李克勤今日再踏紅館開個唱跟歌迷見面，5 月 13 - 16 日，舉行「AXA 安盛 presents 弦續李克勤‧港樂演唱會」，演唱會將於 22/3 優先訂票，29/3 公開發售。


是次拍攝，非常大陣仗，皆因李克勤希望與港樂近六十人大樂隊一起拍攝留念，所以大會特地移師到演奏廳進行，由早影到傍晚。廿年前克勤曾經與香港管弦樂團合作過紅館的演唱會，廿年後大家再次相逢，感情經過歲月，亦增加了厚度，所以海報計設上亦沿著濃濃友情出發，用兒時 玩具帶出由細玩到大的溫馨及歡樂。單是海報上見到平日總是西裝骨骨、正襟危坐的管弦樂團，個個像小朋友一樣拿著玩具，與克勤你打我鬧的神態，都已經感受到這是一個繽紛歡樂的演唱會。


克勤笑著說：「影海報當然心情係極度興奮，好大陣仗呀今次，人多勢眾，覺得好熱鬧，好開心，回想返對上一次合作，已經係 20 年前。當年我只係 7，8 歲啦，哈哈哈⋯⋯個種感覺係，你識個朋友二十年，再一次合作，大家無論係感情、功力上都有升華。今次張海報主要係想表達呢個騷，主要係要話俾大家知，音樂可以有好嚴肅一面，亦可以好輕鬆快樂， 個騷好認真做亦可以好好玩。」


是次挑選西裝拍照，克勤謂都是由老婆負責揀衫，「我拆開個衫袋，以為自己帶少左襯衫，點知打俾老婆，佢話：『你識咩，總之入面真空啦，乜都唔駛著，係咁先靚。』老婆話乜就乜啦⋯⋯覺得入面涼浸浸咁。影個陣有工作人員竟然提我，李生你走光呀！哈哈⋯⋯麻甩佬都有人提走光，我覺得好好笑。」

克勤又謂，疫情之後，相信每一個對音樂有憧憬的歌手，都等到頸長，好恨再一次紅館做騷，「今次個騷，我希望歌迷觀眾可以多些參予，所以其實已經喺社交媒體上面，叫歌迷留言俾我，想聽咩歌，大家同我一齊揀，我哋會以最勁管弦樂團合音樂，重新編排，最正視覺效果，帶畀大家震憾的音樂盛宴，」

「我發覺我好多經典歌，同管弦樂真係係夢幻聯動，經過管樂演奏，首歌氣質會變得非凡，並且震憾。我哋已經開始籌備緊好多新元素喺個騷入面，呢輪日日開會，為個騷拍攝影片咁，都好忙下，自己操練就都係咁上下，我不嬲都大量運動，唔係打波就踢波，所以都唔駛點狂操。」

問到演唱會會否有特別嘉賓，克勤就笑道，「有。其中一晚重會有一個來頭好猛嘉賓㖭，就睇下大家買飛買唔買得中啦。」

---

Update 13/3/2023:

AXA 安盛再度為大家呈獻精彩的音樂盛事，將於 5 月冠名贊助 AXA 安盛呈獻《弦續》李克勤 ‧ 港樂演唱會，並為各位帶來優先門票預訂的好消息。

是次演唱會為他闊別紅館 6 年後再度開騷，備受樂迷期待。

---

Update 7/3/2023 李克勤 IG:

好耐冇同港樂合作啦 ，你要嚟，即「管」嚟
李克勤 x 香港管弦樂團
全程投入籌備 mode 啟動中，想聽咩？想睇咩？留言俾我。

#五月 #紅館 #闊別六年 #興奮 #開心 #思念 #乜都齊

---

Update 20/2/2023:

收風強收到風！李克勤 5 月中開紅館！

---

近年比較多時間喺內地做嘢嘅李克勤，11 月 21 日就久違地返嚟現身一個電台活動。活動後接受 TVB 娛樂新聞台訪問時透露，計劃緊出年 (2023 年) 開演唱會！佢話有同公司傾緊，而且公司都有 book 到期。主持有追問係咪開紅館，佢就好快咁答咗「係」。

各位粉絲記住密切留意！

．請勿誤信非官方售票渠道

---

Follow 埋 Timable 演唱會 FB 專頁：
https://www.facebook.com/timable.hk.concerts