一起「森」呼吸嘉年華

為咗配合今年世界森林日嘅主題「森林與健康」，「綠在屯門」特別為大家準備咗一連兩日嘅一起森呼吸嘉年華 ，即刻同大家簡介一下有啲咩野玩啦～

嘉年華內容十分豐富，我哋會擺設森林保育展覽 ，教大家點樣珍惜森林資源、減少污，加深大家對森林保育及香港生態嘅認識。嘉年華當然唔少得有趣又好玩嘅攤位遊戲，今次分別有森林保育問答遊戲 及雀鳥蹤影配對遊戲 ，考考你對森林保育以及雀鳥嘅認知，獎品非常豐富，等你嚟拎走㗎。

最後，呼籲大家珍惜現有資源，惜物減廢，共同保護珍貴嘅森林資源，咁先可以一齊「森」呼吸新鮮空氣。



活動：
森林保育展覽、「綠在屯門」服務簡介、環保工作坊、免費二手物市集、攤位遊戲及「尋牛記」特別活動

注意事項：
1. 如有發燒或身體不適，請避免前往「綠在屯門」。
2. 活動期間需按職員指示排隊輪候。
3. 環保工作坊材料由「綠在屯門」提供，活動採用即場報名方式（先到先得，額滿即止）。
4. 免費二手物市集只會派發，不會進行收集活動。