容祖兒 Side Track 演唱會2023｜"ANOTHER SIDE......JOEY · MY SECRET · LIVE" (補場)

上Viagogo交易平台 (非官方) 購票 https://prf.hn/l/vyAA4OG
(買家需自行承受風險)

update:7/8/2023

《Joey Yung Concert 2023｜ANOTHER SIDE...... JOEY · MY SECRET · LIVE》
2023年7月28日、29日及30日(共3場) 場次 重訂安排通告
2023·8·7
經主辦方與容祖兒小姐在過去一個星期的多番商議，加上祖兒又再在舞臺上與支持及愛載她的歌迷近距離接觸，正如祖兒說舞臺就是她的 Doctor stage，歌迷加上舞臺給予她極大的力量，狀態一日比一日理想，亦因應場地日期上的限制，主辦方與祖兒均不希望餘下三場的觀眾要等一個較長的時間才可再度相聚，所以我們決定在8月內完成餘下的補場。

就重訂早前取消的《Joey Yung Concert 2023 ｜ ANOTHER SIDE ...... JOEY ·MY SECRET · LIVE》2023年7月28日、2023年7月29日及2023年7月30日(共3場)場次 (“受影響場次”)已落實補場日期，主辦方將於2023年8月14日、21日及27日期間為受影響場次作出補場，具體安排如下：-
已取消場次演出日期及指定補場場次演出日期及時間：
2023年7月28日
(星期五) 2023年8月14日 (晚上 8時00分) (星期一)
2023年7月29日
(星期六) 2023年8月21日 (晚上 8時00分)(星期一)
2023年7月30日
(星期日) 2023年8月27日 (下午2時30分)(星期日)

1. 如經HKTICKETING (快達票) 售票網 (“快達票”) 購票但仍未領取門票的觀眾，必須於觀看受影響場次對應的補場演唱會前於「快達票特約銷售點」以購票時使用的信用卡領取已訂購的門票(註:取票前請留意相關場地開放詳情- https://premier.hkticketing.com/shows/show.aspx?sh=NEWS， 任何購票確認電郵或短訊均不被接納)。
2. 請注意，主辦方不會提供任何演唱會門票報失補償安排，如觀眾未能提供完整演唱會門票正本(連同票根)，將不獲得接納入場觀看對應場次的補場演唱會。
3. 如觀眾未能按上述受影響場次指定補場日期前往觀看指定補場場次演唱會，主辦方將不會安排作出退款。
4. 如未能觀看上述指定補場場次演唱會的觀眾，請按主辦方於2023年7月27日發出的通告指引於2023年8月17日或之前完成退票退款手續(惟未能於2023年8月14日觀看補場場次之觀眾, 需於不遲於2023年8月13日向主辦方申請退票退款)。
在此，主辦方及容祖兒小姐再次為延期受影響場次演唱會為觀眾帶來的不便致歉。
如有任何查詢，請於2023年8月7日起至2023年8月17日辦公時間內（早上 10 時至下午 6 時，公眾假期除外）(惟未能於2023年8月14日觀看補場場次之觀眾, 需於不遲於2023年8月13日向主辦方申請退票退款) 致電英皇娛樂演唱會熱線(852) 2835 4035，亦可電郵至 [email protected] 或透過微信聯絡主辦方（帳號：EEGconcert_01）。

---

update: 27/7/2023

突發通告

《Joey Yung Concert 2023｜ANOTHER SIDE...... JOEY · MY SECRET · LIVE》
就延期及重訂2023年7月28日、2023年7月29日及2023年7月30日(共3場) 場次安排作出的通告

主辦方遺憾地在此宣佈《Joey Yung Concert 2023 ｜ ANOTHER SIDE ...... JOEY ·MY SECRET · LIVE》2023年7月28日、2023年7月29日及2023年7月30日(共3場)場次 (“受影響場次”) 將延期舉辦。
在祖兒每天期盼著回歸舞台與愛戴及支持她的觀眾見面時，今天經醫生診斷後被強烈建議必須讓聲帶及身體多作休息。有見及此，雖然祖兒情況已大為好轉，但主辦方仍希望她繼續休息以至完全痊癒，而不是勉强演出，所以再艱難也必須決定延期受影響場次，希望愛戴祖兒的樂迷可以多加包涵。主辦方對備受影響的觀眾致萬二分歉意。最後我們深信只要祖兒完全康復，我們必定會將一個最佳的演出再次呈現給觀眾。

---

update: 24/7/2023

緊急通告
《Joey Yung Concert 2023｜ANOTHER SIDE ...... JOEY · MY SECRET · LIVE》

就延期及重訂2023年7月25日、2023年7月26日及2023年7月27日
(共3場) 場次安排作出的通告

容祖兒小姐現已於康復階段，惟主辦方希望藝人多加休息直至完全康復，能給予觀眾最佳的表演質素，現主辦方決定取消《Joey Yung Concert 2023｜ANOTHER SIDE ...... JOEY · MY SECRET · LIVE》2023年7月25日、2023年7月26日及2023年7月27日(共3場)場次 (“受影響場次”)，主辦方亦與場地落實重訂的檔期，決定分別延期受影響場次至2023年8月24日、2023年8月25日及2023年8月26日期間舉辦

---

update: 22/7/2023

緊急通告

《Joey Yung Concert 2023｜ANOTHER SIDE ...... JOEY · MY SECRET · LIVE》

就延期及重訂2023年7月22日及7月23日(共2場) 場次安排作出的通告

由於容祖兒小姐在21日晚表演完畢回到後台後身體感到不適，並出現發燒及發冷的病徵，已即時求診，為保障藝人健康及確保每場的表演質素，主辦方決定取消《Joey Yung Concert 2023｜ANOTHER SIDE ...... JOEY · MY SECRET · LIVE》2023年7月22日及2023年7月23日(共2場)場次 (“受影響場次”)，主辦方亦與場地落實重訂的檔期，決定分別延期受影響場次至2023年8月1日至2023年8月2日期間舉辦

---

Update 16/6/2023: 容祖兒藉著今日生日同步宣佈， 8月23日《ANOTHER SIDE …… JOEY•MY SECRET•LIVE》加開一場慈善場，實行一邊娛樂一邊行善，這場演唱會的部分收益及祖兒的歌酬，將分別捐曾五間善慈機構，想支持祖兒一齊行善最樂的朋友，可於6月19 日上午10時起網上填表登記，每人限登記兩張，先到先得。

祖兒表示，自宣佈做《ANOTHER SIDE …… JOEY•MY SECRET•LIVE》演唱會以來，門票一直都是供不應求，不停有歌迷要求加場，但場地檔期有限，研究之後發覺只可以加多一場，忽發奇想如果呢一場加場變為慈善場，相比起歌迷每年都花錢給她送禮物，會更有意義，而且大家仲可以在演藝學院相聚多一天。目前她已經選定了五間慈善機構，分別為: 基督教香港信義會社會服務部、兒童癌病基金、母親的抉擇、香港心理衛生會、工業傷亡權益會。受惠者包括長者、小朋友、單親家庭及受工傷或精神疾病等，希望不同階層及年齡層都照顧到及得到幫助。

祖兒表示，「2017年 MY SECRET•LIVE」都做過一次慈善場，當年已經覺得好開心同好有意義，所以今次都應該要延續呢份精神。所以今年生日願望就係同歌迷一齊行善！同公司商量過，可以透過今次慈善場撥捐港幣100萬，由容祖兒慈善基金會負責，分別捐給五個不同機構，略盡綿力。」至於她今年如何慶祝生日？祖兒就話人大咗，已經唔會以前咁搞大形生日派對，「阿Sa(蔡卓妍)同Kenny(關智斌)都已經同我食飯慶祝咗，阿嬌喺大陸工作，但係都好有心送咗生日禮物比我，冇諗過大搞慶祝啦，圍內SECRET LIVE 吓，能夠同好朋友傾吓偈，大家冇穿冇爛過得好好就已經好開心啦。正日就同屋企人過啦，因為過去嗰幾年都唔係年年可以喺香港，今年喺到就一定係同屋企人一齊過。自己願望都好簡單，《ANOTHER SIDE …… JOEY•MY SECRET•LIVE》順順利利啦，身體健康啦，屋企人同朋友都幸福快樂啦... 就已經好幸福㗎啦。」

受助機構名單：
基督教香港信義會社會服務部 / 兒童癌病基金 / 母親的抉擇 / 香港心理衛生會 / 工業傷亡權益會

Update 11/5/2023:


今次 "ANOTHER SIDE⋯⋯JOEY · MY SECRET · LIVE" 演唱會，將會喺7月13至8月22日期間舉行，一共有33場，橫跨成個暑假。

7月13*, 14^, 15-16, 18-23, 25-30日
8月3^, 4^, 5-6, 8-13, 15-20, 22日

* 7月13日為歌迷會專場
^ 7月14日，8月3-4日為AIA專場

---

Update 10/5/2023:

Joey 喺社交媒體上載咗段連續短片，caption 配上「Long time no see #mysecretlive」，正式公佈今次喺APA開嘅，係自2017年後就再冇開過嘅Side Track演唱會！而今次嘅演唱會題目就係 "My Secret Live: ANOTHER SIDE"～

各位粉絲今次記住都要密切留意稍後更多嘅相關資訊！

---

Update 2/4/2023:

Joey喺4月1日嘅澳門演唱會完結後接受傳媒訪問時表示，完成8場澳門演唱會後小休一陣，7月就會返到嚟香港，喺演藝學院開騷！Joey上次喺APA開Concert係Side Track演唱會，唔知今次又係唔係呢？

---

Update 24/8/2022:

根據各媒體報導，Joey日前出席活動後接受訪問時指，喺2019年時有講過3年內再開騷，但係因為疫情嚴重，所以未能成事，不過出年可能就會有機會！

各位粉絲記住密切留意！

---

Joey出道咗超過20年喇，之前咁多年來每隔最多3年都會開個大型嘅售票演唱會Tour，相信今次都唔會例外嘅！自2019年開完20週年嘅Pretty Crazy Tour之後，到2022年都已經3年了，隨住第5波Covid完結，其他演唱會如雨後春筍咁開，合理期望係Joey今年內或者好似Sammi咁喺2023年開啦！歌迷都餓咗好耐喇！Joey快啲開啦！

．請勿誤信非官方售票渠道

Follow 埋 Timable 演唱會 FB 專頁：
https://www.facebook.com/timable.hk.concerts