Timable

【香港周围游】走访3大奇珍异石 香港靚景行山路线推介

作者: Timable, 2021年3月4日 (四) 上午4时19分


香港地理环境独特,众多行山路径当中都有唔少可以睇到特别嘅地质奇景,尤其喺透过地壳构造变化同火山活动所形成嘅天然岩石,除咗鼎鼎大名嘅望夫石、鬼手石之外,香港其实仲有好多又靚又得意嘅岩石,而今次就带大家去远啲,介绍下可以睇到奇珍异石嘅3大路线啦,行山之余仲可以影到靚相㗎!

都要提提大家,见到咁靚嘅风景固然会比较兴奋,但都要谨记保持安全同照顾身边同行人士,唔好大声喧哗影响其他游人同宁静嘅环境呀! 仲有就喺记得自己垃圾自己带走,好好保护属于大家嘅自然环境呀!

以下路线属中至高难度,适合有行山经验者,或建议由有行山经验人士陪同,不建议新手自行前往。




红石门

图片: Instagram @lovesiulam

有「火红海岸」之称嘅红石门,顾名思义,就喺于岸边遍布赤红色嘅岩石,专家话喺因为岩石里面嘅铁质长期受空气氧化所以渐渐变成红色,造就咗呢片绝美天然景象。赤红色一片海岸加上碧绿海水同蔚蓝天空,随手都可以影到靚相,唔少游人都有带埋航拍到场,影低呢个震撼画面,就算路程辛苦啲都值得嘅!

图片: Instagram @lovesiulam, 摄影: @max_tang_photography

红石门位于香港新界东北地区,相对比较偏远,而且路程较长同适合有经验行山人士前往,亦因为咁,红石门比较少游人踏足,令其生态环境保存得更佳。 红石门属于船湾郊野公园境内,系船湾淡水湖的东北面。沿乌蛟腾郊游径起步,经过上苗田和下苗田到达大峒嘅呢短路尚算明显易行。之后根据指示牌往红石门坳方向,慢慢就会去到红石门。其后嘅呢段路会比较多经过密林同多碎石,路径比较隐蔽,相对难行,不过好多热心山友都有落丝带做记号,细心留意,穿过密林过埋红石门废村,就到达目的地啦!

图片: Instagram @whereareyoujenni

建议大家穿着长袖衣物,因为沿路会穿过密林,可减低受伤机会。另外由于沿途缺乏补给站,记得要带备足够补充品,咁就玩得更放心!

路线:大埔墟港铁站>乌蛟腾>九担租>苗三古道>上苗田>下苗田>大峒>观音峒>红石门坳>红石门
全长: 约15公里
难度:★★★★✩
需要时间: 全程约8小时




犀牛石

图片: Instagram @sportyyoungest

犀牛石喺属于天然风化嘅岩石,外型同犀牛十分神似,唔需要太多想像力都睇得出! 犀牛石位于赤柱,而整条行山路程比较短,全程来回只需要大约2小时就可以完成。

图片: Instagram @sportyyoungest

由赤柱炮台巴士总站起步,赤柱军营大门旁边有条小路开始上山,约十几分钟就可以到达斜炮顶,而只有起步点呢段路会有树荫,及后嘅路途十分开扬,记得要做足防晒措施! 经过斜炮顶后就喺通往犀牛石嘅一段路,喺比较崎岖同多碎石嘅山路,有时侯更加需要手脚并用去通过比较斜同窄嘅路。沿途景色优美,除咗犀牛石之外,途中都有唔少奇形怪状嘅石头同靚景可以影下相,仲可以饱览整个大潭湾无敌大海景。

图片: Instagram @sportyyoungest

再大概行15-20分钟就到达犀牛石! 俯瞰大海嘅巨型岩石显然易见,好宏伟!! 要留意,犀牛石表面非常陡斜及光滑,并唔建议爬上岩石影相,犀牛石附近亦好接近崖边,打卡嘅朋友切记小心唔好走近,企喺前面都可以影到靚相。

路线: 14号巴士至赤柱炮台总站>黄麻角道>斜炮顶>犀牛石>斜炮顶>黄麻角道
全长: 约1.5公里
难度: ★★★✩✩
需要时间: 来回约2小时




肥猪石

图片: Instagram @dolphinblue30

呢旧可能喺香港最可爱嘅岩石之一! 位于大屿山南边芝麻湾半岛嘅肥猪石,睇落就好似一只肥猪仔蹲喺海中心咁,后脚仲要微微踮起惊住掂到水,超得意呢!

图片: Instagram @dolphinblue30

想近距离睇肥猪石,可以选择由长洲出发,之后乘搭街渡去芝麻湾下径码头,临上岸前就可以睇到。落船后就可以开始行芝麻湾郊游径,登山尽览半岛风景。由龙尾出发,沿着指示一路走到十塱水塘,登上老人山再经过十塱旧村,最后可以行到贝澳沙滩后结束全日旅程。

路线: 中环码头>长洲>芝麻湾下径码头>龙尾>十塱水塘>老人山>十塱旧村>贝澳沙滩
全长: 山径约长8公里
难度:★★★★✩
需要时间: 全程约6小时




撰文: HL
相关事件

东龙岛空中飞索+沿绳下降+户外攀石

2021年11月6日-2022年1月29日 (逢日,六) 上午10时15分 (8小时)

@ 东龙岛

多角度欣赏香港海岸山崖间,壮观辽阔的山林大海景观,眼前令人震撼!专业教练同行,指导安全体验,学习绳索与锁扣技巧,在预先架设好的空中绳索,参加者穿戴上与绳索相接的安全带,...

《明日风再起时》影话戏

2月11日-12日 下午8时 (1小时40分钟)

@ 牛池湾文娱中心 剧院

影话戏主办 人民生活系列:最终回「行」之《明日风再起时》 “Waiting for the Wind to Come” 越恶劣的环境越要坚强地走下去…… 「人民生活」系列演出以「衣食住行」为题,探讨今天香港的社...

百变小樱 Clear 咭路跑 2022 (香港站)

2月6日 (日) 上午8时 (9小时)

@ 西九文化区

【百变小樱 Clear 咭路跑 2022 香港站 为你带嚟不一样嘅樱花祭】 以百变小樱为主题嘅「 百变小樱 Clear 咭路跑 2022 香港站 」将于2022 年 2

更多相关事件
上一篇博文

【文青去边好】感受手作乐趣!三月工作坊精选 细味慢活时光

2021年3月3日 (三) 上午5时26分

肺炎疫情已经一年,到而家仲未完!?虽然都已经习惯,但心情一直都好差呀~喺时候搵啲嘢做,转换一下心情! 日本富士山烛台工作坊 拼贴手工切割玻璃,设计特色图案,制作手提烛台。 ...

下一篇博文

【亲子好去处】西区卑路乍湾海滨长廊 24小时开放亲子放电任玩

2021年3月9日 (二) 上午7时44分

西区喺近年来大受文青欢迎嘅打卡热点,最近又名「Instagram Pier」嘅西环码头由于疫情关系暂时唔再开放比公众。即使喺咁,西区都仍然有好多好去处同靚景㗎,今次就为大家介绍下一个尤其...

留言