Timable

【香港周围游】香港闹市中日式庭院 轻松拍出伪旅行打卡照

作者: Timable, 2021年4月20日 (二) 上午8时59分


相信好多人都患上咗旅行渴望症,暂时未去得住,就喺香港搵吓特色景点幻想吓先啦! 细心发掘,其实香港好多地方都好靚,尤其钟意去日本嘅大家,依家一于近近地,喺香港市区先来一趟伪日本快闪旅行!! 今次,先带大家睇吓两个充满日式庭院味道嘅打卡好地方啦!

注意,打卡唔好太忘形,保持地方安静,好好爱护环境,自己垃圾自己带走,注意个人衞生,戴好口罩!!


南莲园池

位于钻石山,有一个环境清幽、古色古香嘅园林——南莲园池,就好似一片净土座落于市区闹市入面。整个南莲园池占地3.5公顷,属于志莲净苑南院部分,公园使用咗唐代设计配合特色木结构,园内放置咗大量古树以及奇石,具有中国唐朝古风之余仲有淡淡日式庭院风味。

水车磨坊旁边设有石凳可供休息,静赏美景。
图片: Instagram @sophia_enjoythelittlethings

呈八角形嘅「圆满阁」喺南莲园池嘅主题景点,金光闪闪犹如日本京都嘅金阁寺。
图片: Instagram @sophia_enjoythelittlethings

慢步园内,除咗欣赏优美园景,不时仲会听到园内播放住舒适嘅背景音乐及鸟声,顿时有种洗涤心灵嘅感觉。如此清静嘅地方,建议大家打卡之余,更可以放慢脚步细心欣赏环境。园内更设有茶馆、纪念品小卖店及素菜馆,唔少游人都会选择游园后享用一餐素菜先离开㗎。

图片: Instagram @pcyf

图片: Instagram @pcyf

志莲净苑属于佛门清静庄严之地,请尊重场合,切勿喧哗,亦建议穿着庄重。园内摆设咗唔少盆景,公园内周围都有唔少奇石,大家谨记切勿触碰以及攀爬,注意安全之外都要爱护公园内设施,让每一个游人都有权利欣赏到最美嘅景色。


松茶榭喺园内嘅茶馆,整个建筑周围山石林立,位于苍塘北岸,景色优美,有种空中楼阁嘅感觉。

位于水车磨坊旁边有个小型瀑布, 气势磅礡,流水声非常疗愈。

地点: 九龙黄大仙钻石山凤德道60号
前往方法: 港铁钻石山站C2出口
开放时间: 7am - 9pm


天后庙道3号休憩公园


喺天后庙道有一个隐秘景点,由炮台山配水库向上行,大约十五分钟路程,会到达一个小公园,里面就藏有一个迷你嘅日式庭院。虽然地方比较细,但都总算喺有齐日式庭院主要布置,例如有和式屏风及竹制屋顶、竹筒流水装置(留意是没有流水的呢)、日式石灯笼、小桥等等,都算喺麻雀虽小,五脏俱全。


不过地方真喺比较细,附近都喺学校同住宅,唔喺特别嘅郊游景点,如果去开附近想去影下相,扮吓去咗日本,都尚算可以呢! 呢度平时都有唔少街坊散步嘅时候经过影下相㗎!

地点: 天后庙道70号
前往方法: 炮台山地铁站A出口旁边乘升降机/行楼梯沿炮台山道往上行,到达天后庙道交界过对面马路即到达。


撰文: HL
相关事件

「粉红·伊人下午茶二人餐」「皇室美酒佳肴晚餐」Error 19

2021年12月16日-2022年2月28日

@ Error 19

Error 19是「吞pot鸡煲」和「Running烧」的姐妹店,这家粉红色的少女咖啡室主打西餐及甜品。 立即预订:https://bit.ly/3dVyC2u 1. 《粉红·伊人下午茶二人餐》

《千与千寻》 X LOEWE 壁画打卡位

1月11日-28日

@ PMQ 正门对面外墙

千与千寻 X LOEWE呢单时装界大事,相信大家都唔陌生啦!LOEWE搵嚟一众明星及KOL为产品拍摄,兼洗版式宣传。 最近仲有超大壁画打卡位,由香港艺术家皮忠绘画,画出白龙与小千嘅一幕!作品...

Big Bus Tours「chill 游香港岛」香港双层观光巴士

1月23日-30日 (逢日) 下午1时30分

@ 香港岛

平日的生活总离不开繁华的闹市,假日的时候登上前往赤柱的敞篷巴士带您走进香港岛的南部,欣赏沿着海岸线的壮丽风景。土生土长的本地导游沿途为你介绍有趣的历史文化及地道小故事,...

更多相关事件
上一篇博文

【香港周围游】元朗新田太阳花节2021 入场打卡须知

2021年4月19日 (一) 上午8时44分

一到夏天,就会諗起太阳花节!信芯园农庄嘅太阳花节一直都好受港人欢迎,每年都引来好多人去打卡。今年亦都唔例外,农夫继续用渠哋嘅方法,为港人打气! 不过小编都提提大家,疫情...

下一篇博文

【全新印花换领】7-Eleven x 蜡笔小新系列 换领详情

2021年4月26日 (一) 上午4时20分

7-Eleven x蜡笔小新第三弹 自选限量版蜡笔小新积木磁力车卡火车收藏组合 火车一共有2种款式,可以用来运载之前的积木小店舖,组成流动小市集。2款积木火车收藏组合于5月17日早上7时起...

留言