Timable

【香港周围游】港版天使之路欣澳长索岛 连岛沙洲靚景打卡轻松郊游

作者: Timable, 2021年4月29日 (四) 上午8时29分


为人熟悉嘅欣澳除咗迪士尼同迪欣湖之外,仲有个绝美郊游景点——人称港版小豆岛天使之路嘅长索岛。周末想去远少少郊游,又唔洗行山太辛苦,打卡同时可以呼吸下新鲜空气,呢度就最适合新手轻松玩喇!!

长索岛位于大屿山北部阴澳湾,喺一个无人岛,潮退时会出现连岛沙洲,将鹿颈村与长索岛连起来,从而形成咗同日本天使之路十分相似嘅景色。记得出发之前参考下天文台嘅潮汐预报,睇啱时间先去就比较稳阵喇!
潮汐预报传送门: https://www.hko.gov.hk/tc/tide/predtide.htm

图片: Instagram @suki_s_li

前往长索岛路程简单,由欣澳港铁站出发(面向海向左边行),沿着海滨长廊行大约半小时,右边可以一直欣赏阴澳湾沿海风景,吹住海风前行相当舒服。海提以外嘅阴澳湾,海中竖立咗数十支木桩,都喺其中一个景点之一,据讲以前喺香港唯一嘅水上储木场,呢啲木桩就喺用嚟承载浮木嘅,依家已经荒废咗剩低一支支水上巨木,令景色别有一番风味。

图片: Instagram @suki_s_li

大概行到去海滨长廊嘅尽头喺阴澳石滩,就可以靠右有条小路进入,一路前行就可以到达鹿颈村。鹿颈村喺大屿山一条新界原居民嘅乡村,依然会有居民/渔民居住,所以入到村内影相时,记得要尊重地方,唔好骚扰居民日常生活啊!

图片: Instagram @gelannccy_

图片: Instagram @gelannccy_

一进入鹿颈村有个木栈道码头,海面有一排浮木通往码头位置,唔建议游人使用浮木,因为容易有危险呢! 不过都有唔少人会选择喺岸边打卡,影低呢个特别嘅景色。

图片: Instagram @suki_s_li

鹿颈村仲有鹿颈码头,有个小灯塔,都喺另一个打卡位!

图片: Instagram @tibby_chiu

之后就去到是次郊游重点长索岛喇!! 呢条连岛沙洲虽然对比日本嘅天使之路喺短好多,不过香港嘅景色都有值得欣赏嘅地方,阳光充足天气好嘅时候,影相都一流㗎!

图片: Instagram @suki_s_li

图片: Instagram @lululoooo

附近仲有个挂喺树上嘅秋千,面向海边玩,够哂仙气! 有啲朋友钟意挑战难度,会选择围住长索岛行一圈,想试嘅朋友要量力而为,始终长索岛岛上并没有正规路线提供,环岛时要走过凹凸不平又充满青苔嘅岩石涉水而行,非常湿滑难行,如果冇合适行山装备同经验,就唔好随便尝试啦! 长索岛环境开扬,清澈水面更会倒映出金黄色落日,推荐大家睇埋日落先走,为呢次旅程画上一个完美句号。

图片: Instagram @suki_s_li

记得要有公德心,小心使用公共设施,唔好破坏渠地,咁就大家都有得享用啦!! 仲有要好好爱护环境,自己垃圾自己带走,疫情下保持卫生,戴好口罩,保护自己保护大家!!

地点: 大屿山北部阴澳湾长索岛
前往方法: 欣澳港铁站A出口步出后,面向海向左边行,一直沿着海滨长廊行走,及至阴澳石滩后再经过鹿颈村即到达长索岛
时间: 来回大约2.5小时


撰文: HL
相关事件

「人生照相馆II - Colour Therapy」香港站

2月1日-3日 中午 (6小时30分钟)

@ The Annex

人气自助韩式影楼《人生照相馆 II》载誉归来!继年初首次来港掀起韩式打卡热潮,吸引近万名摄影爱好者入场「打卡 PO 相」疯狂洗版后,《人生照相馆》在一众打卡迷热切期盼下,在今个...

圣诞期间限定.迷你人仔浮游花瓶工作坊

2021年12月10日-2022年3月9日

@ one.day studio

One.day Studio 位于观塘,提供舒适的环境,远离繁嚣,让你过一个充实而轻松愉快的假期, 感受艺术气息。制作一个专属自己的浮游花,希望大家一起来轻松制作既小手作, 亦可以做出独一无...

「花.灯.赏」 大型贺年装置 @荷里活广场

1月12日-2月15日 上午10时 (12小时)

@ 荷里活广场 1/F 明星广场

「花」于节庆担当重要的角色及寓意,而「灯笼」则是喜庆的象征,「挂灯笼」更是流传已久的新年习俗,祈求新的一年好运到来、阖家吉祥平安。虎年将至,荷里活广场带领大家展开新春幸...

更多相关事件
上一篇博文

【艺术不分年纪】十位青年艺术家与长者的创作之旅 – 体验工作坊与「重生」展览

2021年4月29日 (四) 上午3时29分

也许很多人会认为「年纪大,机器坏」,有许多事情到老了就没法做到。但年龄只是个数字而已,从来都没有人可以规定应该在甚么的岁数该做怎样的事。只要相信,凡事都有可能。我们相信...

下一篇博文

【艺文青】编辑推介5月份展览

2021年4月30日 (五) 上午7时32分

「不是时装店!」香港艺术馆展览 艺术馆从四大馆藏──中国文物、中国书画、外销艺术、现代及香港艺术中,精选出七十六组与衣饰鞋履相关的传统及当代艺术作品,让观众欣赏艺术作品的...

留言